Romanos 15:32 - Emberá Chamí

³² Maka Dachi Akõreba kʉ̃riaruubʉrã, mʉ machimaa kĩrajʉʉ wãi maud̶e machi tãed̶e biꞌia kʉrrjĩru b̶uai.

Romanos 15:32 ပူးပေါင်းရင်းမြစ်များ

Hechos 18:21

Maamina wãaruud̶e naka jarasii: —Dachi Akõreba kʉ̃riaruubʉrã mʉ waya machi ichiad̶e neei. Maabae jãbad̶e atauped̶a Efesod̶ebena wãsii.

Hechos 27:1

Mau ewarid̶e chi jaradea ua b̶uabariiba dai Italia druad̶aa wãd̶ai panuu a jaraped̶a Pablo maud̶e chi nuree jʉ̃a b̶uped̶aad̶a Julio juad̶e b̶usii. Mau Julio kokoroarã Augusto abadaud̶ebena chi jaradea ua b̶uabarii basii.

Romanos 15:29

Mʉʉba kuitaa b̶uu machimaa neeruud̶e Cristoba dachi ãrea aid̶ai.

1 Corintios 16:18

Maarãba mʉ sõ kĩrajʉʉbisid̶au machi sõ kĩrajʉʉbiaped̶aad̶a kĩra. Maarã ʉ̃rʉbena maud̶e ãbarã ãchi kĩra panuu ʉ̃rʉbena biꞌia kʉ̃risiásturu.

1 Corintios 4:19

Maamina Dachi Mechiuba kʉ̃riaruubʉrã, mʉ machimaa isa wãi. Maud̶e chi mechiu abadauba jara panuu ũrid̶e wãabai, maumaarã ichiad̶e wãi ãchi biawãra Dachi Akõre poyaabarii uru panuu kuitaai baita.

2 Corintios 7:13

Joma mauba dai kĩrajʉʉbiasii. Mau awara machiba Tito kĩrajʉʉbisid̶au. Ichi machimarebena kĩrajʉʉ neesiid̶eeba dai ãrea kĩrajʉʉsid̶au.

2 Timoteo 1:16

Maamina mʉʉba kʉ̃ria b̶uu Dachi Mechiuba ãba Onesíforo ded̶ebenarã kĩra chuburia b̶uamera. Ichiba mʉ b̶es ãrea aid̶asii. Mʉ kaenaba jʉ̃ b̶umina mau kĩrakayaabasii.

Filemón 1:20

Ãba, Dachi Mechiu kakua mʉʉba chi chuburia id̶i b̶uu wause. Dachi Cristod̶e ãbarãd̶eeba mʉ sõ kĩrajʉʉbise.

Filemón 1:7

Ãba, bichiba ẽbẽrarã Dachi Akõred̶erã kʉ̃ria b̶uud̶eeba kĩrajʉʉbiasii. Makaburu mʉ sid̶a kĩrajʉʉ nibabisii maud̶e ãrea dauchia jãadua sõbia nibabisii.

Santiago 4:15

Maud̶eeba biꞌia b̶uu machiba naka jarad̶ayu: «Dachi Mechiuba kʉ̃riaruubʉrã, dachi chokae nuread̶ai. Maabae ne waukuad̶ai».