Romanos 15:19 - Emberá Chamí

¹⁹ maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Romanos 15:19 ပူးပေါင်းရင်းမြစ်များ

Mateo 12:28

Maamina mʉʉba Dachi Akõre Jaurid̶eeba jai kachiruarã duabʉiruubʉrã, Dachi Akõreba unubiai b̶uu ichi neesii machi ichi juad̶e ua b̶uai baita.

Juan 4:48

Jesusba ichimaa jarasii: —Machiba ẽbẽrarãba ne poyaa waud̶akau unud̶awẽebʉrã mʉʉba jara b̶uu ijãad̶aabai.

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

Hechos 13:14

Ãchi Perged̶e panaped̶a wãsid̶au Antioquía puurud̶aa. Mau puuru Pisidia druad̶e b̶uu. Aria bari panabadau ewarid̶e judiorã araa ãbua imibadau ded̶e ed̶a wãd̶aped̶a akʉ paneesid̶au.

Hechos 13:51

Mau Pabloba maud̶e Bernabeba puurud̶ebena ioro jora ãchi jʉ̃rʉd̶ebena neapesid̶au Dachi Akõreba kastikai unubiad̶ai baita. Maabae Iconio puurud̶aa wãsid̶au.

Hechos 14:10

Maud̶eeba Pabloba ichimaa jĩwa jarasii: —¡Jiraduse! ¡Jipa akʉ nub̶eese! Ara makʉd̶e ichi jĩidruped̶a nibad̶e wãsii.

Hechos 14:20

Maabae Jesusd̶e ijãabadaurã Pablomaa araa ãbua imisid̶aud̶e, maka panuud̶e ichi jiradusii. Jiraduped̶a waya puurud̶aa wãsii. Norema Bernabé ome Derbe puurud̶aa wãsid̶au.

Hechos 14:25

Dachi Akõre bed̶ea Perge puurud̶e jaradead̶aped̶a Atalía puurud̶aa wãsid̶au.

Hechos 14:6

Maamina mau kuitaasid̶aud̶e Licaonia druad̶aa miru wãsid̶au. Listra puurud̶aa maud̶e Derbe puurud̶aa wãsid̶au. Joma mau Licaonia druad̶e nibasid̶au.

Hechos 15:12

Bernabé maud̶e Pabloba nebʉrʉsid̶au Dachi Akõreba ẽbẽrarãba ne poyaa waud̶akau ãchid̶eeba judiowãerã tãed̶e waud̶a. Mauba kuitaabiasii ichi ãchi ome b̶uasii. Maud̶e jomaurãba chũpea ũri duanasid̶au.

Hechos 16:18

Ichiba ewari ãrea maka jĩwa b̶ia nibasiid̶eeba Pablo waa ũri kʉ̃riabasii. Ichimaa ichiaped̶a chi jai kachiruamaa jarasii: —Mʉʉba Jesucristo trʉ̃d̶eeba bichimaa jaraaruu: nau ãwerad̶ebena ãyaa wãse. Ara makʉd̶e chi jai kachirua wãsii.

Hechos 17:10

Ara mau ẽsabud̶e ãbarãba Pablo maud̶e Silas Berea puurud̶aa bʉisid̶au. Need̶aped̶a judiorã araa ãbua imibadau deed̶aa wãsid̶au.

Hechos 17:15

Chi Pablo baara wãped̶aad̶arãba ichi Atenas puurud̶aa adoesid̶au. Maabae Pabloba ãchi jarabʉisii Silas maud̶e Timoteo ichimaa isa need̶amera. Ara makʉd̶e chi ãbarã waya wãsid̶au.

Hechos 18:1

Mau maad̶akare Pablo Atenas puurud̶ebena Corinto puurud̶aa wãsii.

Hechos 18:19

Wãaduud̶e, Éfeso puurud̶e need̶aped̶a Pablo Aquila maud̶e Priscila ome b̶uad̶a ãyaa wãsii. Maud̶e judiorã araa ãbua imibadau deed̶aa wãped̶a judiorã ome Jesús ʉ̃rʉbena berreasii.

Hechos 19:1

Apolos Corintod̶e b̶uumisa Pablo drua ea id̶aa b̶uare wãsiid̶e Éfeso puurud̶e neesii. Aria chi nuree Cristod̶e ijãabadaurã unusii.

Hechos 20:20

Maamina mʉʉba jomaurã daad̶e maud̶e machi decha machi aid̶ai baita jaradea b̶uabachii. Chi machi baita aude bibuara b̶uu jaradea b̶uabachii.

Hechos 20:6

Pan ẽesãabibariiwãe kobadau ewari basiid̶e dai Filipos puurud̶ebena jãbad̶e wãsid̶au. Ewari jua ab̶ad̶e ãchi ome Troas puurud̶e unusid̶au. Aria 7 ewari paneesid̶au.

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

Romanos 15:16

judiowãerã tãed̶e Jesucristo baita bari trajabarii b̶uamera. Maud̶eeba chi bed̶ea bia Dachi Akõre ʉ̃rʉbena maarãmaa jaradea b̶uu. Ijãaduubʉrã paare judioba ãnimara baa dearuu kĩra mʉʉba ãchi Dachi Akõremaa dea b̶uu biꞌia unumera. Maud̶e Dachi Akõre Jauriba ãchi Dachi Akõre baita biꞌia b̶ui.

Romanos 15:24

España druad̶aa wãaruud̶e machimaa wãi kʉ̃ria b̶uu. Machi baara kĩrajʉʉ b̶uad̶auped̶a kʉ̃ria b̶uu machiba poyaa aid̶ad̶ai mʉ biꞌia wãmera.

1 Corintios 2:4

Mʉʉba Jesús ʉ̃rʉbena jaradea b̶uasiid̶e mʉ kʉ̃risia kuitaad̶eeba maka waubasii machiba ijãad̶amera. Maumaarã Dachi Akõre Jauriba ichi poyaad̶eeba kuitaabiasii mau bed̶ea biawãra.

2 Corintios 12:12

Mʉ machi tãed̶e b̶uasiid̶e joma wausii, Jesucristoba bʉid̶arãba waubadau kĩra. Joma dauchia jãadua b̶uasii maud̶e ẽbẽrarãba ne poyaa waud̶akau waubachii.

Gálatas 3:5

Dachi Akõreba ichi Jauri machimaa deasii awara, ẽbẽrarãba ne poyaa waud̶akau machi tãed̶e wau b̶uu. ¿Chi Moisesba b̶ʉd̶a machiba wau panasiid̶eeba maka wau b̶uka? ¿Maka wauwẽka chi bed̶ea bia Cristo ʉ̃rʉbena ũrid̶aped̶a ijãasid̶aud̶eeba?

Colosenses 1:25

Dachi Akõreba mʉ ichi ẽbẽrarã baita trajabarii b̶usii. Maud̶eeba ichi bed̶ea joma arakʉd̶e machimaa jaradea b̶uu.

1 Tesalonicenses 1:5

Daiba chi bed̶ea bia Cristo ʉ̃rʉbena machimaa jaradeasid̶aud̶e bed̶eáturu berread̶aabasii. Maumaarã mau bed̶ea biawãra arakʉd̶e b̶uu kuitaa panuud̶eeba Dachi Akõre Jauri poyaabariid̶eeba berreasid̶au. Machiba kuitaa panuu dai saka machi tãed̶e nibaped̶aad̶a, machi biꞌia panad̶amera.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

Hebreos 2:4

Mau awara Dachi Akõreba ẽbẽrarãba ne poyaa waud̶akau mechiu aꞌawaraa waubiasii. Ichiba kʉ̃ria b̶uad̶a kĩra ichi Jauriba waubi b̶uu ichid̶irãcha dead̶akasii. Joma maud̶eeba kuitaabiasii mau bed̶ea biawãrabʉ.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.