Romanos 15:1 - Emberá Chamí

¹ Dachiba ijãa panuu ʉ̃rʉbena ãrea kuitaa nureerãba dachiba kʉ̃ria panuu waud̶ai audeara, chi adua nuree aid̶ad̶ai panuu.

Romanos 15:1 ပူးပေါင်းရင်းမြစ်များ

Romanos 14:1

Ab̶a ãbaba dachiba Jesucristod̶e ijãa panuu ʉ̃rʉbena wabid̶a ãrea kuitaawẽa b̶uubʉrã, ichi biꞌia irsibísturu. Maamina ichiba adua b̶uu ʉ̃rʉbena ichi ome oa kachirua berrearã́sturu.

Romanos 14:2

Mʉʉba nau jara b̶uu: chi nuree ãbarãba kuitaa panuu ne joma kod̶ai panuu. Maamina chi nuree ãbarãba dachiba Jesucristod̶e ijãa panuu ʉ̃rʉbena wabid̶a ãrea kuitaawẽa panuud̶eeba kʉ̃risia panuu ab̶aburu ne uu nub̶uud̶ebena kod̶ai panuu.

Romanos 4:20

Ne ab̶a bid̶a kʉ̃risiabasii Dachi Akõreba deai jarad̶a deabai. Maumaarã sõd̶eeba biawãra ãrea ijãa b̶uasii maud̶e Dachi Akõremaa biꞌia berreabachii.

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

1 Corintios 9:22

Chi ãbarã chi biawãra bed̶ea ãrea adua nuree tãed̶e b̶uud̶e ãchi kĩra b̶uabarii mʉʉd̶eeba Jesucristo ʉ̃rʉbena biꞌia kuitaad̶amera. Mʉ wãaruucha ẽbẽrarã tãed̶e b̶uud̶e maarã kĩra b̶uabarii mʉʉd̶eeba waabenarãba Cristod̶e ijãad̶aped̶a mʉʉba maarã kachiruad̶ebena karibamera.

2 Corintios 12:10

Cristo kakua ãrea biꞌiwãe b̶uud̶e, meserãaswãe b̶uud̶e, ne wãꞌãe b̶uud̶e, ẽbẽrarãba mʉ ʉ̃rʉbena kachirua jara panuud̶e maud̶e kachirua waud̶ai baita wãraa panuud̶e mʉ kĩrajʉʉ b̶uu. Biawãra mʉ meserãaswãe b̶uud̶e Cristod̶eeba meserãa nii.

Efesios 6:10

Mau awara ãbarã, Dachi Mechiu ãrea poyaabarii b̶uud̶eeba chaarea nureásturu.

Filipenses 2:4

Machicha biꞌia nuread̶ai baita jʉrʉrã́sturu, maumaarã jʉrʉ́sturu waabenarã sid̶a biꞌia nuread̶amera.

1 Tesalonicenses 5:14

Ãbarã, daiba chi chuburia id̶i panuu chi machi tãed̶e koꞌoa nureerãmaa kĩra ʉb̶ʉa berread̶amera. Chi sõd̶e kĩra nomaa nuree kĩrajʉʉbísturu, maud̶e chi poyaa dauchia jãadua nuread̶awẽa nuree maud̶e chi sõd̶e meserãa wãꞌãe nuree aid̶ásturu. Jomaurã ome dauchia jãadua panásturu.

2 Timoteo 2:1

Warr, Jesucristo sõbiad̶eeba chaarea b̶uase.

1 Juan 2:14

Akõrerã, mʉʉba nau karta machi baita b̶ʉ b̶uu chi arab̶aed̶eed̶e nibad̶a wabid̶a nii, mau unubadaud̶eeba. Kũudrãarã, mʉʉba nau karta machi baita b̶ʉ b̶uu ãrea ijãa panuud̶eeba, Dachi Akõre bed̶ea machi sõd̶e b̶uud̶eeba, maud̶e jʉbawãe nii poyaasid̶aud̶eeba.