Romanos 14:8 - Emberá Chamí

⁸ Chokae panuud̶e Dachi Mechiu baita chokae panuu. Maud̶e biuduud̶e Dachi Mechiu baita biud̶ai. Maka chokae panuubʉrã maebʉrã biuped̶aad̶abʉrã Dachi Mechiud̶ebʉ.

Romanos 14:8 ပူးပေါင်းရင်းမြစ်များ

Lucas 20:38

Mau chi biud̶arã Akõrewãema; maumaarã chi chokae nuree Akõrebʉ. Dachi Akõre baita jomaurã chokae panuu.

Juan 21:19

Mau jara b̶uud̶eeba Jesusba kuitaabisii Pedro saka biui b̶uu, ichi biuruud̶eeba ẽbẽrarãba kuitaad̶ai Dachi Akõre chi mechiu nii. Maka jaraped̶a Jesusba Pedromaa jarasii: —¡Mʉ baara nibase!

Hechos 13:36

»David chokae b̶uasiid̶e Dachi Akõreba ichid̶eeba wausii ichiba kʉ̃ria b̶uad̶a kĩra. Maabae David biud̶akare jau b̶usid̶au ichi nabẽraed̶ebenarã jau b̶uped̶aad̶amare. Maabae ichi b̶eraasii.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Hechos 21:13

Maamina Pabloba jarasii: —¿Sakãe jẽa panuma? ¿Sakãe mʉ jãka kĩra nomaabi panuma? Ab̶aburu mʉ jʉ̃d̶ai baita b̶uwãema, maumaarã mʉ Mechiu Jesús kakua Jerusalend̶e biui baita b̶uu.

1 Corintios 15:23

Cristo naa chokae jiradusii. Ichi waya neeruud̶e ichid̶irã chokae jiradud̶ai.

Filipenses 1:20

Cristo kakua mʉ ne ab̶a bid̶a nejasiai kʉ̃riawẽa b̶uu, maumaarã ichi ʉ̃rʉbena berreai baita kĩra nejasiaswãe b̶uai kʉ̃ria b̶uu. Maka mʉʉba jomaurãmaa Cristo chi mechiu nii kuitaabiai, ewaricha wau b̶uabarii kĩra. Chokae b̶eeruubʉrã maebʉrã biuruubʉrã, mʉʉba kʉ̃ria b̶uu jomaurãba mʉʉd̶eeba kuitaad̶ai Cristo chi mechiu nii.

Filipenses 2:17

Kãꞌãabariwãed̶e mʉ Cristo kakua bead̶ai panuu. Maka uva b̶aa Dachi Akõremaa ea deabachid̶au kĩra b̶uai. Ara mau kĩra machiba Cristod̶e ijãa panuu, ãnimara Dachi Akõremaa baa deai kĩra b̶uu. Maud̶eeba mʉ machi ome ãrea kĩrajʉʉ b̶uu.

Filipenses 2:30

Cristoba waubi b̶uu kakua ichi beraa biukausii. Chi machiba mamauba mʉ baita poyaa waud̶awẽa panuu, ichiba biui adua wausii.

1 Tesalonicenses 5:10

Ichi dachi kakua biusii. Maud̶eeba dachi chokae panuubʉrã maebʉrã biuped̶aad̶abʉrã, ichi neeruud̶e ichi ome ãbua chokae panad̶ai.

Apocalipsis 14:13

Mau maad̶akare mʉʉba bajãad̶e ab̶aba jaraaruu ũrisii: «Chi kartad̶e naka b̶ʉse: “Id̶iid̶eeba chi Dachi Mechiud̶e ijãa biubadaurã biꞌia panad̶ai”». Maud̶e Dachi Akõreba naka jarasii: «Biawãra biꞌia panad̶ai. Maarã biꞌiwãe panad̶ad̶ebena kʉrrjĩru panad̶ai, maarãba biꞌia wauped̶aad̶a waa chau kãriid̶eeba».