Romanos 14:4 - Emberá Chamí

⁴ ¿Bichi kaima maka ab̶au baita bari trajabariimaa kachirua jarai baita? Ichi chibaríburu jarai biꞌia wau b̶uu maebʉrã kachirua wau b̶uu. Maamina Dachi Mechiuba jarai joma ichi baita bari trajabadaurãba biꞌia wau panuu, ichi poyaad̶eeba aid̶a b̶uud̶eeba biꞌia wau panad̶amera.

Romanos 14:4 ပူးပေါင်းရင်းမြစ်များ

Hechos 11:17

Dachi Mechiu Jesucristod̶e ijãa panuud̶eeba Dachi Akõreba dachimaa ichi Jauri deasii. Ichi Jauri ãchimaa deasiid̶eeba ¿mʉʉba saka ichiba waud̶a ʉ̃rʉbena kachirua jaraima?

Romanos 11:23

Maud̶e chi judiorã Cristod̶e ijãad̶awẽa panuurãba ijãaduubʉrã, Dachi Akõreba ãchi waya kʉ̃ria adaui ichi poyaad̶eeba chi bakuru jua tʉʉd̶amaa waya kara nub̶uuruu kĩra.

Romanos 14:3

Maamina chi ne joma kobariiba chi ne joma kokau ida b̶uubai b̶uu. Maud̶e chi ne joma kokauba ne joma kobariimaa kachirua jaraabai b̶uu, Dachi Akõreba omea biꞌia irsibisiid̶eeba.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

Romanos 9:20

Maamina ¿chi maka berrea b̶uuba Dachi Akõremaa maka berreai b̶uka? ¿Chokoba chi kabariimaa naka jarai b̶uka: «Bichiba sakãe mʉ jãka kasma?»

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

1 Pedro 1:5

Jesucristod̶e ijãa panuud̶eeba Dachi Akõreba ichi poyaabariid̶eeba machi nu uru b̶uai, ab̶a chi kaad̶ebena ewarid̶e karibaaruud̶aa.

Judas 1:24

Dachi Akõreba machi poyaa nu ua b̶uai b̶uu kachiruad̶e b̶aerãad̶amera. Ichi kĩrawãrea daad̶e kachiruaswãe poyaa biꞌia b̶ui. Aria machi kĩrajʉʉ panad̶ai.