Romanos 14:23 - Emberá Chamí

²³ Maamina chi «Nau koobai b̶uu» a kʉ̃risia b̶uuba mau kooruubʉrã, ichi sõd̶e kachirua b̶eei, mau kachirua waui b̶uu kʉ̃risia b̶uud̶eeba. Biawãra chi dachiba wau panuu jipa b̶uuwãe a kʉ̃risia panuubʉrã, maka wauduud̶e, kachirua wau panuu.

Romanos 14:23 ပူးပေါင်းရင်းမြစ်များ

Romanos 13:2

Maud̶eeba chi nau iujãad̶ebena jaradea ua b̶uabadaurã kʉ̃riawẽa b̶uuba Dachi Akõreba b̶ud̶a kʉ̃riawẽa b̶uu. Chi maka kʉ̃riawẽa nuree ãchi jaradea ua b̶uabariiba nebʉra kastikakuai.

Romanos 14:5

Maud̶e chi nuree ãbarãba kʉ̃risia panuu bari panabadau ewari aude bibuara b̶uu waabenarã ewari audeara. Waabenarã ãbarãba kʉ̃risia panuu ewari joma arab̶aud̶e panuu. Maamina ãchicha sõd̶eeba kʉ̃risia panuu kĩra, maka waud̶ai panuu.

1 Corintios 8:7

Maamina waabenarãba mau sõd̶eeba kuitaad̶awẽa panuu. Waabenarã ãbarãba wabid̶a kʉ̃risia panuu chi juaba ne kaped̶aad̶a ãchiba naed̶e kʉ̃ria panad̶a chokae panad̶a. Maud̶eeba chi juaba ne kaped̶aad̶arãmaa ãnimara kiuru dead̶a kooduubʉrã kʉ̃risiabadau maarãd̶e ijãaduu. Chi biawãra bed̶ea ãrea adua panuud̶eeba mau ãnimara kiuru ko panuud̶eeba kʉ̃risiabadau Dachi Akõre daad̶e kachirua paneeduu.

Tito 1:15

Dachi Akõre daad̶e chi bia nuree baita ne joma Dachi Akõre daad̶e bia b̶uu. Maamina Dachi Akõred̶e ijãad̶akaurã baita ne ab̶a bid̶a biꞌiwãe b̶uu. Ãchiba kachirua kʉ̃risiabadau maud̶e ãchi sõd̶e nebʉra barauwãe nuree abadau.

Hebreos 11:6

Maamina chi Dachi Akõred̶e ijãawẽa nii ichiba biꞌia unukau. Chi Dachi Akõremaa neei kʉ̃ria b̶uuba ijãai b̶uu ichi biawãra nii maud̶e joma chi ichi jʉrʉʉduu karibabarii.