Romanos 14:21 - Emberá Chamí

²¹ Biꞌia b̶uu kiuru koobai, uva b̶aa doobai, maebʉrã ne ab̶a bid̶a waubai bichi ãba kachiruad̶e b̶aebirãamera.

Romanos 14:21 ပူးပေါင်းရင်းမြစ်များ

Mateo 13:21

Maamina chi karr ãrea jidauwẽa b̶uud̶eeba ãrea dauchia jãadua b̶uakau. Ewari kachirua b̶aeruud̶e maebʉrã Dachi Akõre bed̶ea ijãa b̶uud̶eeba ẽbẽrarãba kachirua wauduud̶e ichiba ijãa b̶uu ida b̶ubarii.

Mateo 16:23

Maamina Jesusba waya ichiaped̶a Pedromaa jarasii: —¡Satanás, mʉ jãkaabena ãyaa wãse! Mʉʉba waui b̶uu bichiba ida kabiwẽe. Bichiba Dachi Akõre kĩra kʉ̃risiawẽa b̶uu. Maumaarã ẽbẽra kĩra kʉ̃risia b̶uu.

Romanos 14:13

Maud̶eeba ab̶auba wau b̶uu ʉ̃rʉbena waa kachirua berread̶aabai panuu. Maumaarã sõd̶eeba naka kʉ̃risiad̶ai panuu: dachiba wau panuud̶eeba ãba ab̶a bid̶a kachiruad̶e b̶aebid̶aabai panuu.

Romanos 14:17

Dachi Akõreba ichi juad̶e panuurãmaa jarakau kãare kod̶ai panuu maud̶e kãare dod̶ai panuu. Maumaarã kʉ̃ria b̶uu ãchiba ichi Jaurid̶eeba jipa wau panad̶ai, jirukaraayuwãe panad̶ai maud̶e kĩrajʉʉ panad̶ai.

1 Corintios 8:13

Maud̶eeba mʉʉba ko b̶uud̶eeba mʉ ãba kachiruad̶e b̶aebiiruubʉrã, waa koobai.

1 Corintios 8:9

Biawãra dachiba ko kʉ̃ria panuu poyaa kod̶ai panuu. Maamina kauwa panásturu machiba barikia kooduud̶eeba machi ãba mau ʉ̃rʉbena adua nii kachiruad̶e b̶aerãamera.

Filipenses 1:10

Maka machiba ãrea kuitaad̶ai kãare biꞌia b̶uu maud̶e Cristo neeruud̶e ichi daad̶e kachiruaswãe nuread̶ai maud̶e machi ʉ̃rʉbena kachirua jarad̶ayuswãe nuread̶ai.

Hebreos 12:13

O jipaud̶e nibásturu. Maka chi poyaara nuree b̶aed̶aabai, maumaarã biꞌia ijãa panad̶ai.

Apocalipsis 2:14

Maamina mʉʉba nau miadaa unu b̶uu. Machid̶ebena chi nureeba Balaanba jaradead̶a ũri panuu. Balaanba Balacmaa jaradea b̶uasii israeld̶ebenarã kachiruad̶e saka b̶aebiai b̶uu. Mauba chi Dachi Akõre kuenda juaba ne kaped̶aad̶amaa baa deabadau kiuru kobiabachii maud̶e dachi kakuaba barikiu kachirua waubiabachii.