Romanos 14:19 - Emberá Chamí

¹⁹ Maud̶eeba jʉrʉd̶ai panuu ãbarã ome jirukaraayuwãe nuread̶ai baita. Maka chiya aid̶a panad̶ai biꞌia ijãad̶ai baita.

Romanos 14:19 ပူးပေါင်းရင်းမြစ်များ

Mateo 5:9

Biꞌia panuu jomaurã ome biꞌia kʉ̃riabadau maud̶e mau baita waubadau, Dachi Akõre warrarã ad̶aid̶eeba.

Marcos 9:50

Biawãra tã ãrea bibuara nii, maamina chi kuyaa wãꞌãeruubʉrã ¿saka waya chi kuyaa b̶eeima? Maud̶eeba Dachi Akõre baita biꞌia nureásturu. Maud̶e ãbua jirukaraayuwãe nureásturu.

Romanos 12:18

Machiba jʉrʉ́sturu jomaurã ome jirukaraayuwãe panad̶ai baita.

Romanos 15:2

Maumaarã waabenarãba kʉ̃ria panuu waud̶ai panuu maarã biꞌia nuread̶amera maud̶e biꞌia ijãad̶amera.

1 Corintios 10:23

Waabenarãba jara panuu «Cristod̶e ijãa b̶uud̶eeba mʉʉba kʉ̃ria b̶uu kĩra joma waui b̶uu». Maamina mʉʉba jaraaruu: ne joma waui b̶umina joma dachiba wau kʉ̃ria b̶uuba dachi aid̶akau. Biawãra joma dachiba wau kʉ̃ria b̶uu waui b̶umina joma mauba ãbarã aid̶akau.

1 Corintios 10:33

Ara mau kĩra mʉʉba wau b̶uud̶eeba jomaurãmaa biꞌia kʉ̃risiabiai kʉ̃ria b̶uu. Ab̶aburu mʉ biꞌia b̶uai baita jʉrʉkau, maumaarã ẽbẽrarã ãrea biꞌia nuread̶amera jʉrʉbarii. Maka mʉʉba wau b̶uud̶eeba ãchiba Cristod̶e ijãad̶ai Dachi Akõreba karibamera.

1 Corintios 14:26

Maud̶eeba ãbarã, ¿saka arakʉd̶e waud̶aima? Machi araa ãbua imiiduud̶e ab̶auba Dachi Akõre bed̶ead̶ebena kari karii b̶uu, ab̶auba Dachi Akõre bed̶ea jaradeai b̶uu, ab̶auba Dachi Akõreba unubid̶a jarai b̶uu, ab̶auba dachiba ũrid̶akau bed̶ead̶e berreai b̶uu maud̶e ab̶auba mau berread̶a kuitaa jarai b̶uu. Maamina joma mau waud̶ai panuu ãbarãba biꞌia ijãad̶amera.

1 Corintios 14:3

Maamina chi Dachi Akõre baita berrea b̶uuba ẽbẽrarãmaa berrea b̶uu biꞌia ijãad̶amera, chaarea nuread̶amera maud̶e sõbia panad̶amera.

1 Corintios 14:4

Chi dachiba ũrid̶akau bed̶ead̶e berrea b̶uuba ara ichi du ab̶a aid̶a b̶uu biꞌia ijãai baita. Maamina chi Dachi Akõre baita berrea b̶uuba ãbarã aid̶a b̶uu biꞌia ijãad̶amera.

1 Corintios 14:5

Mʉʉmaarã joma machi dachiba ũrid̶akau bed̶ead̶e poyaa berreabadau basirã biꞌia b̶uai basii. Maamina jomaurã Dachi Akõre baita poyaa berreabadau basirã biꞌia b̶uai basii. Biawãra dachiba ũrid̶akau bed̶ead̶e berreai audeara Dachi Akõre baita berreai biꞌia b̶uu. Maamina ab̶auba dachiba ũrid̶akau bed̶ead̶e berreaped̶a kuitaa jaraaruubʉrã, mau sid̶a biꞌia b̶uu. Maka ãbarãba kauwa ũrid̶aped̶a Dachi Akõred̶e biꞌia ijãad̶ai.

1 Corintios 7:15

Maamina chi Jesusd̶e ijãawẽa b̶uu ichi kimad̶ebena ãyaa wã kʉ̃ria b̶uubʉrã, makarã́bad̶e ad̶aabai panuu. Maka chi ijãa b̶uu chi ãyaa wãd̶a ijãawẽa b̶uu ome b̶eebai b̶uu. Dachi Akõreba dachi jirukaraayuwãe nuread̶amera iusii.

1 Corintios 8:1

Jãabae Dachi Akõre kuenda juaba ne kaped̶aad̶amaa ãnimara kiuru baa dead̶a ʉ̃rʉbena mʉʉba jaraaruu. Machiba jara panuu mau ʉ̃rʉbena kʉ̃risia kuitaa panuu. Maamina chi kʉ̃risia kuitaaba dachi waabenarã audeara biꞌia b̶uu kʉ̃risiabiabarii. Dachiba waabenarã kʉ̃ria panuud̶eeba waabenarã aid̶abadau.

2 Corintios 12:19

¿Machimaarã daiba maka jara panuka dai ʉ̃rʉbena kachirua kʉ̃risiarãad̶amera? Makawãema. Ãbarã, dai Cristod̶erãd̶eeba Dachi Akõre daad̶e joma mau jara panuu machiba biꞌia ijãad̶amera.

2 Corintios 13:11

Ãbarã, kaad̶eare mʉʉba naka b̶ʉʉruu: kĩrajʉʉ panásturu, waya jipa wau panásturu, mʉʉba jara b̶uu wau panásturu, arab̶au kʉ̃risia uru panásturu maud̶e jirukaraayuwãe panásturu. Makarã chi Dachi Akõreba dachimaa kʉ̃riabiabarii maud̶e jirukaraayuwãe b̶uabiabarii machi ome b̶uai.

Efesios 4:12

Ichiba maka b̶usii ẽbẽrarã Dachi Akõred̶erã aid̶ad̶amera, ãchia bid̶a Dachi Akõre baita poyaa biꞌia waud̶amera. Maka joma Cristo ẽbẽrarã ichi kakua abadau chaarea warimaa panuu,

Efesios 4:29

Bed̶ea kachirua berrearã́sturu. Maumaarã bed̶ea biáturu berreásturu waabenarã aid̶ad̶ai baita. Maka machi bed̶ea ũri nuree biꞌia panad̶ai.

1 Timoteo 1:4

Ãchimaa jarase nabẽraed̶ebena nebʉrʉ maud̶e dachi nabẽraed̶ebenarã trʉ̃ ãrea jaradeabadau ʉ̃rʉbena ãrea kʉ̃risiarãad̶amera. Maud̶eeba oa kachirua berrea duaneebiabarii. Mauba dachi aid̶akau Dachi Akõreba waubi b̶uu waud̶amera. Ab̶a ichi bed̶ea ijãa panuud̶eeburu poyaa waud̶ai.

2 Timoteo 2:22

Kũudrãarãba kachirua kʉ̃riabadau kĩra waurã́se. Mau kãyabãra jipa waui baita b̶uase. Jesusd̶e ijãa b̶uase. Jomaurã kʉ̃ria b̶uase. Jomaurã ome jirukaraayuwãe b̶uase. Dachi Mechiumaa ʉtaa id̶ibadaurã ome sõ jipa b̶uud̶eeba joma mau baara wã b̶uase.

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

1 Pedro 3:11

Jãuba ne joma kachirua ida b̶uped̶a biꞌia wau b̶uai b̶uu. Waabenarã ome jirukaraayuwãe b̶uai baita jʉrʉped̶a maka b̶uai b̶uu.