Romanos 14:1 - Emberá Chamí

¹ Ab̶a ãbaba dachiba Jesucristod̶e ijãa panuu ʉ̃rʉbena wabid̶a ãrea kuitaawẽa b̶uubʉrã, ichi biꞌia irsibísturu. Maamina ichiba adua b̶uu ʉ̃rʉbena ichi ome oa kachirua berrearã́sturu.

Romanos 14:1 ပူးပေါင်းရင်းမြစ်များ

Mateo 12:20

Sia jimid̶i kõratu b̶uu b̶ʉitaabai. Ʉ̃d̶aa koabarii b̶aꞌãra koa b̶uu kiibai. Ara mau kĩra chi chaareawãe nuree jipa wau panad̶ai ab̶a aude poyaaruud̶aa.

Mateo 14:31

Ara makʉd̶e Jesusba juad̶e jidau adausii maabae jarasii: —¿Wabid̶a bichiba ijãawẽa b̶uka? ¿Sakãe ijãawẽa b̶uma mʉʉba bichi bania ʉ̃rʉ poyaa nibabii b̶uu?

Mateo 18:10

»Warr chekerã kʉ̃riad̶ai ida b̶urã́sturu. Mʉʉba jaraaruu: angelerã mʉ Chacha daad̶e panuuba ãchi nubadau.

Marcos 7:19

dachi sõd̶e ed̶a wãwẽa b̶uud̶eeba. Joma chi ẽbẽra okarrd̶e wãaruu, b̶id̶e wãbarii maabae awara wãbarii. Maka jara b̶uud̶eeba Jesusba kuitaabiasii ne joma kod̶ai biꞌia b̶uu.

Lucas 17:2

Barikiuba chi aude kaebeu nureed̶ebena ab̶a kachiruad̶e b̶aebiiruubʉrã, Dachi Akõreba mau ẽbẽra ãrea kastikai. Maud̶eeba bibuara b̶uu mau ẽbẽra ostad̶e kũruma jʉ̃d̶aped̶a mard̶e jiratad̶ai.

Juan 13:20

Mʉʉba biawãra jaraaruu: mʉʉba bʉiruu ab̶auba biꞌia irsibiiruubʉrã mʉ biꞌia irsibiiruu. Maud̶e mʉ biꞌia irsibiiruuba mʉ bʉid̶a biꞌia irsibiiruu».

Hechos 28:2

Chi ariabenarãba dai ãrea biꞌia irsibisid̶au. Kui che nub̶uud̶eeba maud̶e kũrasãa nub̶uud̶eeba ãchiba tʉbʉ aoko nub̶ud̶aped̶a daimaa jarasid̶au tʉbʉ kãd̶e need̶amera.

Romanos 11:15

Dachi Akõreba judiorã ida b̶usiid̶eeba waabenarã nau iujãad̶ebenarã ichi ome biꞌia b̶usii. Maud̶eeba Dachi Akõreba judiorã waya kʉ̃ria adauruud̶e ¿jãarã ome kãare sakaima? Ãchi sid̶a biud̶arã kĩra panad̶a Dachi Akõre ome chokae nuread̶ai.

Romanos 14:2

Mʉʉba nau jara b̶uu: chi nuree ãbarãba kuitaa panuu ne joma kod̶ai panuu. Maamina chi nuree ãbarãba dachiba Jesucristod̶e ijãa panuu ʉ̃rʉbena wabid̶a ãrea kuitaawẽa panuud̶eeba kʉ̃risia panuu ab̶aburu ne uu nub̶uud̶ebena kod̶ai panuu.

Romanos 14:21

Biꞌia b̶uu kiuru koobai, uva b̶aa doobai, maebʉrã ne ab̶a bid̶a waubai bichi ãba kachiruad̶e b̶aebirãamera.

Romanos 14:3

Maamina chi ne joma kobariiba chi ne joma kokau ida b̶uubai b̶uu. Maud̶e chi ne joma kokauba ne joma kobariimaa kachirua jaraabai b̶uu, Dachi Akõreba omea biꞌia irsibisiid̶eeba.

Romanos 15:1

Dachiba ijãa panuu ʉ̃rʉbena ãrea kuitaa nureerãba dachiba kʉ̃ria panuu waud̶ai audeara, chi adua nuree aid̶ad̶ai panuu.

Romanos 15:7

Cristoba machi biꞌia irsibid̶a kĩra, chiya biꞌia irsibísturu. Mau unuuduud̶e ẽbẽrarãba Dachi Akõremaa biꞌia berread̶ai.

Romanos 4:19

Warr deai baita ãrea chõra b̶uasmina Abrahamba mau wabid̶a ãrea ijãa b̶uasii. Ichi 100 año baidia b̶uasii. Ichi wẽra Sara sid̶a warr adaukau kuitaa b̶uasmina ichiba wabid̶a ãrea ijãa b̶uasii.

1 Corintios 9:22

Chi ãbarã chi biawãra bed̶ea ãrea adua nuree tãed̶e b̶uud̶e ãchi kĩra b̶uabarii mʉʉd̶eeba Jesucristo ʉ̃rʉbena biꞌia kuitaad̶amera. Mʉ wãaruucha ẽbẽrarã tãed̶e b̶uud̶e maarã kĩra b̶uabarii mʉʉd̶eeba waabenarãba Cristod̶e ijãad̶aped̶a mʉʉba maarã kachiruad̶ebena karibamera.

Filipenses 2:29

Kĩrajʉʉ panuud̶eeba ichi biꞌia irsibísturu Dachi Mechiud̶ed̶eeba. Chi ichi kĩra nuree ʉ̃rʉbena biꞌia kʉ̃risiásturu.

1 Tesalonicenses 5:14

Ãbarã, daiba chi chuburia id̶i panuu chi machi tãed̶e koꞌoa nureerãmaa kĩra ʉb̶ʉa berread̶amera. Chi sõd̶e kĩra nomaa nuree kĩrajʉʉbísturu, maud̶e chi poyaa dauchia jãadua nuread̶awẽa nuree maud̶e chi sõd̶e meserãa wãꞌãe nuree aid̶ásturu. Jomaurã ome dauchia jãadua panásturu.

Hebreos 5:14

Maamina chiko chaarea b̶uu chõrarã baita b̶uu. Ãchiba Dachi Akõre bed̶ea kauwa kʉ̃risia panuud̶eeba kuitaa panuu kãare chi bia maud̶e kãare kachirua b̶uu.

2 Juan 1:10

Ẽbẽra machimaa wãaruud̶e Cristoba jaradead̶a kĩra jaradeawẽebʉrã, mau machi ded̶e biꞌia irsibirã́sturu maud̶e «biꞌia b̶uu bichi neesii» arã́sturu.