Romanos 13:7 - Emberá Chamí

⁷ Jomaurãmaa deásturu machiba ãchicha dead̶ai panuu kĩra. Machi jaradea ua b̶uabadaurãmaa chi nejarra dead̶ai panuu deásturu. Machiba wapeadee panad̶ai panuu wapeadee panásturu. Machiba chi biꞌia jarad̶ai panuurãmaa biꞌia jarásturu.

Romanos 13:7 ပူးပေါင်းရင်းမြစ်များ

Mateo 17:25

Pedroba panausii: —Maerã, deabarii. Pedro ichi ded̶e ed̶a wãsiid̶e Jesús naa berreasii. Naka id̶isii: —Bichiba ¿saka kʉ̃risia b̶uma, Simón? ¿Kairãba chi nejarra nau druad̶e nuree reyrãmaa dead̶ai panuma? ¿Ara ãchi ab̶aarakaurãba maebʉrã ãibenarãba dead̶ai panuka?

Mateo 22:21

Ãchiba panausid̶au: —Romad̶ebena chi aude mechiu niid̶e. Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.

Marcos 12:17

Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu. Ichi bed̶ea ũrisid̶aud̶e, pera bara b̶eesii.

Lucas 20:22

Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka? maebʉrã ¿biꞌiwãe b̶uka?

Lucas 20:25

Maud̶eeba Jesusba ãchimaa jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.

Lucas 23:2

Maabae Jesús Pilato daad̶e naka jidea kopaneesid̶au: —Daiba ũrisid̶au nau mukĩraba dai puuru kĩrubikabi b̶uu. Mau Jesusmaarã, Romad̶ebena chi aude mechiu nii baita pebadau chi nejarra paad̶aabai b̶uu. Mau awara jara b̶uu ichi Dachi Akõreba chi Karibabarii deai jarad̶a. Mauba ichi jomaurã rey a b̶uu.

Romanos 12:10

Biawãra kʉ̃riad̶eeba chiya kʉ̃ria panásturu. Kʉ̃risia sõbiad̶eeba chiya wapeadee panásturu maud̶e waabenarã ʉ̃rʉbena biꞌia kʉ̃risiásturu.

Romanos 13:6

Maud̶eeba machiba chi karrarãmaa deabadau nejarra dead̶ai panuu, ãchi Dachi Akõre baita bari trajabadaurã kĩra panuud̶eeba, maud̶e maka waubadaud̶eeba.

Efesios 5:33

Mau ʉ̃rʉbena kuitaabi b̶umina machicha machi kima kʉ̃ria nuread̶ai panuu ara machi kʉ̃ria panuu kĩra. Maud̶e wẽraba ichi kima wapeadee b̶uai b̶uu.

Efesios 6:5

Chibari baita bari trajabadaurã, machi chi nau iujãad̶ebena chibari wapea panuud̶eeba, ichiba jaraaruu machi sõd̶eeba joma wáusturu Cristo bed̶ea ijãa panuu kĩra.

1 Timoteo 5:13

Mau awara ãchi decha nibabadau maud̶e koꞌoa paneebadau. Mau awara chi bed̶ea ãrea paneebadau, waabenarã nebʉrad̶e ed̶a wã paneebadau, maud̶e ne jaraabai b̶uu berrea paneebadau.

1 Timoteo 5:17

Chi ijãabadaurã nubadaurãba biꞌia wau panuud̶eeba ãbarãba kʉ̃risia biad̶eeba maarã aid̶ad̶ai panuu, ne uru panad̶amera. Maarãd̶ebena chi Dachi Akõre bed̶ea jaradeabadaurã maud̶e dachi saka nibai ʉ̃rʉbena jaradeabadaurã, aude aid̶ad̶ai panuu.

1 Timoteo 6:1

Cristod̶e ijãa panuu baita bari trajabadaurãba ãchi chibari wapea panad̶ai panuu. Maka waabenarãba kachirua jarad̶aabai Dachi Akõre maud̶e dachiba jaradeabadau ʉ̃rʉbena.

1 Pedro 3:7

Mukĩrarã wẽra barau nuree, kʉ̃risia biad̶eeba machi wẽra ome biꞌia panásturu. Machi wẽra biꞌia b̶uabii kʉ̃ria panuud̶eeba ãchi biꞌia nu panásturu, wẽra mukĩra aude meserãaswãe niid̶eeba maud̶e machi omea ãbua Dachi Akõre sõbiad̶eeba ichiba chokae panabiasiid̶eeba. Maka waud̶awẽebʉrã, machiba ʉtaa id̶iiduu Dachi Akõreba biꞌia ũriibai.