Romanos 13:11 - Emberá Chamí

¹¹ Joma mau wau panásturu kuitaa panuud̶eeba nau ewari saka b̶uu. Ʉ̃rʉmásturu. Waa kãi duanarã́sturu. Dachi nau iujãa kachiruad̶ebena karibai aude ara kaita b̶uu dachiba naed̶e ijãaped̶aad̶a audeara.

Romanos 13:11 ပူးပေါင်းရင်းမြစ်များ

Mateo 16:3

Maud̶e daped̶e orienteare bajãa puria nub̶uubʉrã maud̶e jʉ̃rʉara ãrea nub̶uubʉrã, machiba jarabadau iu pãriui. Machiba bajãa maka ichiaduuba kuitaa panumina Dachi Akõreba nau id̶ibaebena wau b̶uu kuitaad̶akau.

Lucas 21:28

Mau unuuduud̶e kĩrajʉʉ panásturu, machi karibai ewari bai uru b̶uud̶eeba».

1 Corintios 10:11

Joma ãchi makad̶aba unubi b̶uu saka Dachi Akõreba kachirua kastikabarii. Mau Dachi Akõre bed̶ead̶e b̶ʉ kub̶uu dachi nau kaad̶earebena ewarid̶e nureerãba ara mau kĩra waurãad̶amera.

1 Corintios 15:34

Jipa kʉ̃risiásturu. Kachirua waa waurã́sturu. Waabenarã chi nuree machid̶ebenaba Dachi Akõre adua nuree. Maud̶eeba machi perad̶ai panuu.

Efesios 5:14

ʉ̃d̶aad̶e ne joma unubadaud̶eeba. Mau baita naka jarabadau: «Ʉ̃rʉmase bichi kãi b̶uu. Kachiruad̶e biu b̶uad̶a jiraduse. Maabae Cristoba bichi ʉ̃d̶aad̶e b̶ui».

Santiago 5:8

Ara mau kĩra joma dauchia jãadua panuud̶eeba esed̶au panásturu maud̶e sõd̶eeba ijãa panásturu, Dachi Mechiu Jesucristo kãꞌãabariwãed̶e neeid̶eeba.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

2 Pedro 3:11

Ne joma wãꞌãe baid̶eeba machi Dachi Akõreba kʉ̃ria b̶uu kĩra jipa maud̶e kachiruaswãe nibad̶ai panuu.

2 Pedro 3:9

Dachi Mechiu neei ad̶a bad̶a kãꞌãa b̶uud̶eeba waabenarãba kʉ̃risia panuu neebai. Maamina makawãema. Maumaarã machi kakua joma jãadua b̶uud̶eeba kãꞌãa b̶uu. Ichiba kʉ̃riawẽa b̶uu ẽbẽra ab̶a bid̶a ichid̶ebena ãi b̶uai. Kʉ̃ria b̶uu jomaurãba kachirua ida b̶ud̶aped̶a ichimaa need̶ai.

1 Juan 2:18

Mʉ warrarã, nau kaad̶ebena ewari wãꞌãeburuu. Machiba ũrisid̶au Cristo kĩramaabarii neei. Cristo kĩramaabadaurã id̶ibae barau. Maud̶eeba dachiba kuitaa panuu nau Dachi Akõre bed̶ea ewari wãꞌãeburuu.

Apocalipsis 1:3

Chi mau Dachi Akõre baita berreabarii bed̶ea ãbarã daad̶e ed̶a jaraaruu ãrea biꞌia b̶uai. Maud̶e chi nau bed̶ea ũrid̶aped̶a wau nuree ãrea biꞌia nuread̶ai, kãꞌãabariwãed̶e makaid̶eeba.

Apocalipsis 22:10

Maud̶e jarasii: «Chi Dachi Akõre baita berreabarii bed̶ea mirubia makarã́se kãꞌãabariwãed̶e joma makaid̶eeba.

Apocalipsis 22:12

»¡Ũrísturu, mʉ kãꞌãabariwãed̶e neei! Neeruud̶e mʉʉba jomaurãmaa dead̶akai baita adooi ãchiba wauped̶aad̶a kĩra.

Apocalipsis 22:20

Joma nau kartad̶e b̶ʉ kub̶uu Jesusba biawãra a b̶uu. Ichiba naka jara b̶uu: «¡Biawãra b̶uu mʉ kãꞌãabariwãed̶e neei!» Biꞌia b̶uu kãꞌãabariwãed̶e neei. ¡Uche dai Mechiu Jesús!