Romanos 13:1 - Emberá Chamí

¹ Dachi jomaurã chi nau iujãad̶ebena jaradea ua b̶uabadaurã juad̶e panad̶ai panuu Dachi Akõreba maarã b̶usiid̶eeba. Ab̶a bid̶a wãꞌãe Dachi Akõreba b̶ud̶awãe.

Romanos 13:1 ပူးပေါင်းရင်းမြစ်များ

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Juan 19:11

Maud̶e Jesusba panausii: —Dachi Akõreba bichi chi Romad̶ebena karr b̶ud̶awãe basirã bichiba mʉ ab̶a bid̶a maka waubai basii. Mauburu chi mʉ bichi juad̶e dead̶aba bichi audeara kachirua aude wausii.

Hechos 2:41

Ãrea ẽbẽrarãba ichi bed̶ea ijãad̶aped̶a boro easid̶au. Mau ewarid̶e chi Jesusd̶e ijãaped̶aad̶a 3.000 panasid̶au.

Romanos 12:21

Ab̶auba machi kachirua wauruubʉrã ara mau kĩra waurã́sturu. Maumaarã biꞌia wáusturu ichi kĩra nejasiaped̶a ichiba kachirua wau b̶uu ida b̶uamera.

Romanos 13:2

Maud̶eeba chi nau iujãad̶ebena jaradea ua b̶uabadaurã kʉ̃riawẽa b̶uuba Dachi Akõreba b̶ud̶a kʉ̃riawẽa b̶uu. Chi maka kʉ̃riawẽa nuree ãchi jaradea ua b̶uabariiba nebʉra kastikakuai.

Efesios 5:21

Cristo wapea panuud̶eeba arab̶aud̶e chiya ijã́sturu.

1 Timoteo 2:2

Joma nau iujãad̶ebena reyrã baita maud̶e jaradea ua b̶uabadaurã baita Dachi Akõremaa ʉtaa id̶id̶ai panuu dachi jirukaraayuwãe panad̶ai baita, apii panad̶ai baita, Dachi Akõre wapea panad̶ai baita maud̶e ne jomad̶e jipa panad̶ai baita.

Tito 3:1

Ãbarãmaa kĩrababiáse nau iujãad̶ebena jaradea ua b̶uabadaurã juad̶e panad̶amera. Ãchiba jaraaduu ijãa waud̶ai panuu maud̶e ne joma biꞌia waud̶ai baita nuread̶ai panuu.

Judas 1:8

Chi machi tãed̶e neeped̶aad̶a maarã ẽbẽrarã kĩra nuree. Maarãba chi kamokaraaduu ijãabadau. Chi kakuaba waubi kʉ̃ria b̶uu waubadau, Dachi Mechiu ida b̶ubadau, maud̶e chi bajãad̶ebenarã ʉ̃rʉbena kachirua jarabadau.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.

Apocalipsis 17:14

Maabae chi maarã Oeja Kaebe Nii ome chĩod̶ai. Maamina chi Oeja Kaebe Niiba chi maarã poyaakuai, ichi Jomaurã Reyrã Audeara Chi Aude Mechiu Nii maud̶e Joma Chi Mechiurã Audeara Chi Aude Mechiu Niid̶eeba. Poyaakuad̶akare chi ichid̶e ãrea ijãabadaurã ichi baara paneed̶ai. Ichiba chi maarã iukuaped̶a jʉrʉ adaukuasii».

Apocalipsis 19:16

Ichiba paru jʉ̃ b̶uumaa b̶akara ʉ̃rʉ nau trʉ̃ b̶ʉ inii: «Jomaurã Reyrã Audeara Chi Aude Mechiu Nii» maud̶e «Joma Chi Mechiurã Audeara Chi Aude Mechiu Nii».