Romanos 12:19 - Emberá Chamí

¹⁹ Ãbarã, ab̶auba machi kachirua wausiibʉrã ara mau kachirua waurã́sturu. Maumaarã ida b̶ústuru Dachi Akõreba kastikamera. Dachi Akõre bed̶ead̶e naka b̶ʉ kub̶uu: «Mʉaburu chi nebʉra kastikai. Jomaurãmaa deai ãchiba wauped̶aad̶a kĩra», a jara b̶uu Dachi Mechiuba.

Romanos 12:19 ပူးပေါင်းရင်းမြစ်များ

Mateo 5:39

Maamina mʉʉba jaraaruu: bichi kachirua wauruud̶e chũpea dauchia jãadua b̶uase. Barikiuba bichi kĩedarr jua biarebena sĩiruubʉrã, chi osob̶arebena sid̶a ʉmʉase sĩmera.

Romanos 12:14

Chi machi kachirua waud̶ai baita wãraabadaurãmaa biꞌia berreásturu. Dachi Akõremaa ʉtaa id̶ísturu, ichiba waabenarã biꞌia panabiamera; ʉtaa id̶irã́sturu ichiba ãchi kachirua panabiamera.

Romanos 12:17

Ab̶auba machi kachirua wauruubʉrã, ara mau kĩra waurã́sturu. Jomaurã daad̶e biꞌia wáusturu.

Romanos 13:4

Biawãra machi jaradea ua b̶uabadaurã Dachi Akõreba ichi baita bari trajabadaurã kĩra b̶usii machi aid̶ad̶amera. Maamina machiba kachirua wauduubʉrã, maarã wapeásturu biawãra ãrea kastikad̶ai panuud̶eeba. Ãchi Dachi Akõre baita bari trajabadaurã kĩra nuree kachirua wau nuree kastikad̶ai baita.

Efesios 4:27

Jʉbawãe niimaa ida setaa kũruabiarã́sturu.

1 Tesalonicenses 4:6

Maud̶éburu dachi ãbarãmaa kachirua waurã́sturu maud̶e seta sid̶a waurã́sturu. Joma mau Dachi Mechiuba kastikai, daiba machimaa jaraped̶aad̶a kĩra.

2 Timoteo 4:14

Jiorrd̶eeba ne waubarii Alejandroba mʉ kachirua wausiid̶eeba Dachi Mechiuba kastikai.

Hebreos 10:30

Dachiba kuitaa panuu Dachi Akõreba naka jarasii: «Mʉaburu chi nebʉra kastikai. Jomaurãmaa deai ãchiba wauped̶aad̶a kĩra». Maud̶e naka jarasii: «Dachi Mechiuba ichi ẽbẽrarã nebʉra ichiai».