Romanos 12:17 - Emberá Chamí

¹⁷ Ab̶auba machi kachirua wauruubʉrã, ara mau kĩra waurã́sturu. Jomaurã daad̶e biꞌia wáusturu.

Romanos 12:17 ပူးပေါင်းရင်းမြစ်များ

Mateo 5:24

Mau kãyabãra chi ne baa deabadau kaita kub̶uped̶a bichi ãba ome biꞌia berread̶e wãse, kĩrabiad̶ai baita. Maabáeburu waya neeped̶a bichi ãnimara Dachi Akõre baita baa dease.

Mateo 5:39

Maamina mʉʉba jaraaruu: bichi kachirua wauruud̶e chũpea dauchia jãadua b̶uase. Barikiuba bichi kĩedarr jua biarebena sĩiruubʉrã, chi osob̶arebena sid̶a ʉmʉase sĩmera.

Romanos 12:19

Ãbarã, ab̶auba machi kachirua wausiibʉrã ara mau kachirua waurã́sturu. Maumaarã ida b̶ústuru Dachi Akõreba kastikamera. Dachi Akõre bed̶ead̶e naka b̶ʉ kub̶uu: «Mʉaburu chi nebʉra kastikai. Jomaurãmaa deai ãchiba wauped̶aad̶a kĩra», a jara b̶uu Dachi Mechiuba.

Romanos 14:16

Machiba wau panuu biꞌia kuitaa panuu. Maamina waabenarãba mau ʉ̃rʉbena kachirua jaraaduubʉrã, waurã́sturu kachirua berrearãad̶amera.

Colosenses 4:5

Cristod̶e ijãad̶akaurã tãed̶e kʉ̃risia kauwa nibásturu. Ewaricha jʉrʉ́sturu ichi ʉ̃rʉbena maarãmaa kuitaabiad̶ai baita.

1 Tesalonicenses 4:12

Maka nureebʉrã, machiba esed̶aud̶ayuswãe panad̶ai waabenarãba machimaa ne kaebea dead̶ai. Maud̶e makaburu Jesusd̶e ijãad̶akaurãba machi biꞌia unud̶ai.

1 Tesalonicenses 5:15

¡Ũrísturu! Ab̶auba machi kachirua wauruubʉrã mau arab̶au kachirua waurã́sturu. Mau kãyabãra ewaricha machi chiya biꞌia wáusturu. Jomaurã ome biꞌia wáusturu.

1 Tesalonicenses 5:22

Kachirua ab̶a bid̶a waurã́sturu.

1 Timoteo 5:14

Maud̶eeba mʉʉba kʉ̃ria b̶uu pẽdrãa wabid̶a chõodraawãe nuree miakãid̶ai, warr adaud̶ai, maud̶e ãchi de sid̶a biꞌia nud̶ai. Maka dachi kĩramaabadauba poyaa kachirua berread̶aabai.

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

1 Pedro 3:16

Ara machi du ab̶a kuitaa panásturu kachirua waud̶awẽa nuree. Maka machi Cristo kakua biꞌia nibabadau ʉ̃rʉbena kachirua berreabadaurã perad̶ai.

1 Pedro 3:9

Ab̶auba machi kachirua wauruubʉrã ara mau kĩra waurã́sturu. Kachirua jaraaruubʉrã ara mau kĩra kachirua jararã́sturu. Maumaarã ʉtaa id̶ísturu Dachi Akõreba mau aid̶amera. Kuitaa panuu Dachi Akõreba machi adausii maka nuread̶amera. Maka nureebʉrã, Dachi Akõreba machi sid̶a aid̶ai.