Romanos 12:1 - Emberá Chamí

¹ Mauba ãbarã, Dachi Akõreba machi kĩra chuburiasiid̶eeba, mʉʉba machimaa chi chuburia id̶iiruu ara machi Dachi Akõremaa dead̶amera, ãnimara baa deabadau kĩra. Mau ãnimara biud̶a audeara, ichi baita biꞌia panásturu machi biꞌia unumera.

Romanos 12:1 ပူးပေါင်းရင်းမြစ်များ

Lucas 7:47

Maud̶eeba mʉʉba naka jaraaruu: mau wẽraba kachirua ãrea waud̶a mʉʉba joma perdonasii. Maud̶eeba mauba mʉ ãrea kʉ̃ria b̶uu. Maamina chi b̶aꞌãra kachirua wau b̶uu, mʉʉba perdonaaruubʉrã, mauba mʉ b̶aꞌãra kʉ̃ria b̶uai.

Romanos 12:2

Nau iujãad̶ebenarãba waubadau kĩra nibarã́sturu, maumaarã kʉ̃risia wid̶i Dachi Akõreba dea b̶uu kakua jipa nibásturu. Maka machiba kuitaad̶ai chi Dachi Akõreba kʉ̃ria b̶uu. Joma ichiba kʉ̃ria b̶uu biꞌia b̶uu, jipa b̶uu maud̶e ichiba biꞌia unu b̶uu.

Romanos 15:16

judiowãerã tãed̶e Jesucristo baita bari trajabarii b̶uamera. Maud̶eeba chi bed̶ea bia Dachi Akõre ʉ̃rʉbena maarãmaa jaradea b̶uu. Ijãaduubʉrã paare judioba ãnimara baa dearuu kĩra mʉʉba ãchi Dachi Akõremaa dea b̶uu biꞌia unumera. Maud̶e Dachi Akõre Jauriba ãchi Dachi Akõre baita biꞌia b̶ui.

Romanos 15:30

Ãbarã, Dachi Akõre Jaurid̶eeba dachi chiya kʉ̃ria panuu. Maud̶eeba Dachi Mechiu Jesucristod̶eeba mʉʉba machimaa chi chuburia id̶iiruu mʉ aid̶ad̶ai Dachi Akõremaa ʉtaa id̶id̶amera.

Romanos 2:4

Bichiba ida b̶u b̶uu Dachi Akõre dachi ome ãrea sõbia b̶uu, joma dauchia jãadua b̶uu maud̶e kachirua waud̶a isa kastikakau. ¿Bichiba adua b̶uka Dachi Akõre bichi ome sõbia b̶uabariid̶eeba maud̶e chi ichiba kʉ̃ria b̶uud̶eeba bichi kachirua waubarii ida b̶ubarii ichimaa neemera?

Romanos 6:13

Machi kakuamaa ida kachirua waubirã́sturu. Maumaarã ara machi Dachi Akõremaa deásturu. Machi kachiruad̶e biu panad̶a Dachi Akõre baita chokae paneesid̶au. Maud̶eeba machi chi kakua Dachi Akõremaa deásturu jipa waud̶ai baita.

Romanos 6:16

Machiba kuitaa panuu ara machi du ab̶a ab̶aumaa bari trajabadaurã nuread̶ai baita deaduubʉrã, chi chibariba jaraaruu joma waud̶ai panuu. Ara mau kĩra machiba chi kachirua machi chibari kĩra b̶uuduubʉrã, kachirua waud̶aped̶a biud̶ai. Maamina Dachi Akõre machi chibari b̶uuduubʉrã, ichi bed̶ea wauduud̶e jipa nibad̶ai.

Romanos 6:19

Mʉʉba maka berrea b̶uu nau kʉ̃risia jaradeai baita. Maka jaradea b̶uu machiba ãi kʉ̃risiarãad̶amera. Biawãra naed̶e ara machi du ab̶a deasid̶au kachirua baita bari trajabadaurã nuread̶ai baita. Maka machiba mia pera wausid̶aud̶e joma kachirua ewaricha aude wau panabachid̶au. Maamina jãabae Dachi Akõre baita bari trajabadaurãd̶eeba, ara machi du ab̶a deásturu jipa waud̶ai baita. Maka Dachi Akõre baita biꞌia nuread̶ai.

Romanos 9:23

Maka dauchia jãadua b̶uasii ichi biꞌia b̶uu mechiud̶ebena ichiba kĩra chuburia b̶uu ẽbẽrarãmaa kuitaabiai baita. Ãchi ichiba naed̶e jʉrʉ adausii ichi biꞌia b̶uud̶ebena uru panad̶amera.

1 Corintios 1:10

Ãbarã, Dachi Mechiu Jesucristod̶eeba mʉʉba machimaa chi chuburia id̶iiruu ãbua biꞌia duanad̶amera. Machi kʉ̃risia kakawaa uru panad̶aabai panuu, maumaarã kʉ̃risia ab̶aud̶e ãbua biꞌia duanad̶ai panuu.

2 Corintios 10:1

Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 4:1

Dachi Akõreba dachi maka kĩra chuburiad̶eeba ichi bed̶ea ida jaradeabia b̶u baerã daiba poyaad̶awẽe kʉ̃risiad̶akau.

2 Corintios 4:16

Maud̶eeba daiba waa jaradead̶ai ida b̶ud̶ai kʉ̃risiad̶akau. Dai chi kakua ewaricha meserãaswãekãrimina Dachi Akõreba aid̶a b̶uu dai sõd̶e chaarea nuread̶amera.

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Efesios 5:10

Dachi Mechiuba biꞌia unu b̶uu kuitaad̶ai baita jʉrʉ́sturu.

Filipenses 1:20

Cristo kakua mʉ ne ab̶a bid̶a nejasiai kʉ̃riawẽa b̶uu, maumaarã ichi ʉ̃rʉbena berreai baita kĩra nejasiaswãe b̶uai kʉ̃ria b̶uu. Maka mʉʉba jomaurãmaa Cristo chi mechiu nii kuitaabiai, ewaricha wau b̶uabarii kĩra. Chokae b̶eeruubʉrã maebʉrã biuruubʉrã, mʉʉba kʉ̃ria b̶uu jomaurãba mʉʉd̶eeba kuitaad̶ai Cristo chi mechiu nii.

Filipenses 2:17

Kãꞌãabariwãed̶e mʉ Cristo kakua bead̶ai panuu. Maka uva b̶aa Dachi Akõremaa ea deabachid̶au kĩra b̶uai. Ara mau kĩra machiba Cristod̶e ijãa panuu, ãnimara Dachi Akõremaa baa deai kĩra b̶uu. Maud̶eeba mʉ machi ome ãrea kĩrajʉʉ b̶uu.

Filipenses 4:18

Ne joma machiba ãba Epafrodito ome urubʉiped̶aad̶a mʉʉba adausii. Maud̶eeba ãrea uru b̶uu. Mauba mʉ biꞌia b̶uai. Machiba urubʉiped̶aad̶a chi kera tuwaa Dachi Akõremaa dead̶a kĩra b̶uu. Mau Dachi Akõreba biꞌia unu b̶uu.

1 Tesalonicenses 4:1

Mau awara ãbarã, daiba machimaa jaradeasid̶au saka Dachi Akõre daad̶e nibad̶ai panuu ichiba biꞌia unumera. Dachi Mechiu Jesús trʉ̃d̶e daiba machimaa chi chuburia id̶i panuu, ara mau kĩra nibad̶amera. Biawãra machiba maka waumaa panuu, maamina biꞌia wáusturu.

1 Tesalonicenses 4:10

Machiba joma ãbarã Macedonia druad̶ebena mau kĩra kʉ̃ria panuu. Maamina ãbarã, daiba machimaa chi chuburia id̶i panuu aude chiya kʉ̃ria panad̶amera.

1 Tesalonicenses 5:12

Mau awara ãbarã, daiba chi chuburia id̶i panuu chi ãbarã machi tãed̶e Dachi Akõre traju waubadaurã ãrea wapead̶amera. Ãchi Dachi Mechiu Jesucristod̶eeba machi saka nibad̶ai jarabadau maud̶e jaradeabadau.

1 Timoteo 2:3

Maka ʉtaa id̶i panad̶ai biꞌia b̶uu. Dachi Karibabarii Dachi Akõreba mau biꞌia unu b̶uu.

1 Timoteo 5:4

Maamina pẽdrãaba warrarã ua b̶uubʉrã, ãichekerã ua b̶uubʉrã, maarãba mau pẽdrãa aid̶ad̶ai panuu. Ãchiba ãrea kuitaad̶ai panuu saka ãchi ded̶ebenarã aid̶ad̶ai panuu. Ãchi akõrerãmaa ne kaebea dead̶ai panuu ãchi tatarãba ãchimaa dea panad̶a kĩra. Mau Dachi Akõre daad̶e jipa b̶uu.

Filemón 1:10

chi chuburia id̶i b̶uu chi bichi baita bari trajabarii Onésimo baita. Mau mʉ warr kĩra nii. Mʉ nama jʉ̃a b̶uud̶e mauba mʉʉd̶eeba Cristod̶e ijãasiid̶eeba mʉ warr kĩra b̶eesii.

Filemón 1:9

Maumaarã mʉʉba chi chuburia id̶iiruu bichi kʉ̃riad̶eeba maka waumera. Mʉ Pablo, chõra maud̶e jãabae Jesucristo kakua jʉ̃a b̶uuba,

Hebreos 13:22

Ãbarã, mʉʉba nau karta b̶aꞌãra b̶ʉsii machiba biꞌia ijãad̶amera. Maud̶eeba mʉʉba machimaa chi chuburia id̶iiruu nau bed̶ea bia ũrid̶amera.

1 Pedro 2:20

Machiba kachirua wau panuu kakua chi chibariba kastikaaruubʉrã, machiba jãaduadumina ¿kaiba machi ʉ̃rʉbena biꞌia berreaima? Maamina biꞌia wau panuu kakua nebʉrad̶e panuud̶e jãaduaduubʉrã, Dachi Akõreba biꞌia unui.

1 Pedro 2:5

Machi ichid̶ebena chokae nureed̶eeba, de waui baitabena mo kĩra nureebʉ. Machid̶ebena Dachi Akõreba ichi de wauruu. Maud̶e ichi baita machi paarerã babiaruu. Machiba Jesucristod̶ebena Dachi Akõre baita ne wau panuud̶e ichimaa ãnimara baa deaduu kĩra wau panuu. Maka wau panuu ichiba biꞌia unu b̶uu.