Romanos 11:36 - Emberá Chamí

³⁶ Dachi Akõréburu ne joma wausii. Ne joma ichid̶eeba b̶uu maud̶e ichi baita b̶uu. Dachiba ewaricha ichimaa biꞌia berread̶ai panuu. Biꞌia b̶uu maka b̶uai.

Romanos 11:36 ပူးပေါင်းရင်းမြစ်များ

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Lucas 19:38

Ãchiba jara duanasid̶au: «¡Ãrea biꞌia nii chi jomaurã Rey Dachi Akõre trʉ̃d̶e neeruu! ¡Jãabae Dachi Akõre ome jirukaraayuwãe duanad̶ai! ¡Bajãad̶e B̶uu chi Mechiu nii!»

Lucas 2:14

«¡Dachi Akõre ʉtʉ bajãad̶e b̶uu ãrea biꞌia nii! ¡Dachi Akõreba biꞌia unu b̶uu ẽbẽrarã nau druad̶e jirukaraayuwãe panad̶ai!»

Hechos 17:28

“ichid̶eeba dachi panabadaud̶eeba, dachi nibabadaud̶eeba maud̶e dachi chokae nureed̶eeba”. Maud̶eeba chi nuree machid̶ebena bed̶ea mipitaa b̶ʉbadaurãba jarasid̶au: “Dachi ichi warrarãbʉ”.

Romanos 16:27

Ichi ab̶aburu nii. Ne joma kuitaa nii. Jesucristod̶eeba dachiba ewaricha ichimaa biꞌia berread̶ai panuu. Biꞌia b̶uu maka b̶uai.

1 Corintios 11:12

Chi nabena wẽra mukĩrad̶ebena neesii. Mamau tõpe mukĩra wẽrad̶ebena neebarii. Maamina biawãra joma Dachi Akõred̶ebena nee panuu.

1 Corintios 8:6

Maamina dachimaarã Dachi Akõre ab̶aburu nii. Ichi dachi Bajãad̶ebena Akõrebʉ. Ichiaburu ne joma wausii. Dachi ichi baita chokae panuu. Maud̶e Dachi Mechiu Jesucristo ab̶aburu nii. Ichid̶eeba Dachi Akõreba ne joma wausii. Ichid̶eeba dachi chokae panuu.

Gálatas 1:5

Ewaricha ichimaa biꞌia berread̶ai panuu. Biꞌia b̶uu maka b̶uai.

Efesios 3:21

Ãbarã, Jesucristo baara panuud̶eeba ¡ewaricha Dachi Akõremaa biꞌia berread̶ai panuu! Biꞌia b̶uu maka b̶uai.

Filipenses 4:20

Maud̶eeba ewaricha Dachi Bajãad̶ebena Akõremaa biꞌia berread̶ai panuu. Biꞌia b̶uu maka b̶uai.

1 Timoteo 1:17

Dachi Akõre ewaricha jomaurã Reybʉ. Mau chi dachiba unud̶akau biukau. Ichíturu ab̶aburu nii. Ichíturu dachiba ewaricha biꞌia berread̶ai panuu maud̶e wapead̶ai panuu. Maka biꞌia b̶uase.

1 Timoteo 6:16

Ichíturu biukau. Ichi b̶uumaa jẽratĩu b̶uud̶eeba ab̶a bid̶a ara kaita poyaa wãd̶aabai panuu. Ichi ab̶au bid̶a unud̶awẽa panuu maud̶e poyaa unud̶akau. Mʉʉba kʉ̃ria b̶uu ewaricha jomaurãba ichimaa biꞌia berrea panad̶ayu maud̶e ichi poyaabariiba jomaurã poyaa uru b̶uai. Biꞌia b̶uu maka b̶uai.

2 Timoteo 4:18

Ichiba joma mʉ kachirua wauruud̶ebena karibai. Mʉ biꞌia nuped̶a bajãad̶aa adooi, ichid̶irã ichi juad̶e ua b̶uud̶aa. Ewaricha ichimaa ãrea biꞌia berread̶ai panuu. Biꞌia b̶uu maka b̶uai.

Hebreos 13:21

Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

Hebreos 2:10

Dachi Akõreba joma wausii. Ichid̶eeba joma duanuu. Dachi Akõremaarã biꞌia b̶uasii Jesús ãrea biꞌiwãe b̶uasii, Dachi Jipa Karibabarii nibamera. Ichid̶eeba Dachi Akõreba ichi warrarã ãrea jʉrʉ adausii ichi biꞌia irsibid̶amera.

1 Pedro 4:11

Ab̶auba jaradearuubʉrã, Dachi Akõre bed̶ea jaradea b̶uud̶eeba kauwa jaradeai b̶uu. Ab̶auba waabena aid̶aaruubʉrã, Dachi Akõreba dea b̶uu poyaabariid̶eeba aid̶ai b̶uu. Ne joma wáusturu jomaurãba Jesucristod̶eeba Dachi Akõremaa biꞌia berread̶amera. Ichíturu ewaricha biꞌia berread̶ai panuu. Biꞌia b̶uu ne joma ichi juad̶e uru b̶uai. Ãrea biꞌia b̶uu maka b̶uai.

1 Pedro 5:11

Biꞌia b̶uu ewaricha ne joma ichi juad̶e uru b̶uai. Biꞌia b̶uu maka b̶uai.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.

Judas 1:25

Dachi Akõre ab̶aburu nii. Ichi dachi karibabariibʉ. Ichi chi aude Mechiu nii, maud̶e joma poyaa waui b̶uu. Jomaurã chibaribʉ. Nabẽraed̶eed̶ebena maka nii. Id̶ibae bid̶a maka nii, maud̶e maka b̶uai. Dachi Akõremaa biꞌia berread̶ai panuu Dachi Mechiu Jesucristod̶eeba. ¡Biꞌia b̶uu maka b̶uai!

Apocalipsis 19:1

Mau maad̶akare mʉʉba bajãad̶e ãrea naka berrea duanuu kĩra ũrisii: «¡Dachi Akõremaa biꞌia jaráduru! Ichiaburu ẽbẽrarã karibabarii. Ichi chi aude mechiu nii maud̶e poyaabarii.

Apocalipsis 21:6

Maud̶e mʉʉmaa naka jarasii: «Jãabae mau joma wau kub̶uu. Mʉ chi Alfabʉ maud̶e chi Omegabʉ. Mau jara b̶uu mʉ chi nabenabʉ maud̶e chi kaad̶ebenabʉ. Bari obisia b̶uubʉrã, mʉʉba iorod̶e bania bumadru b̶uud̶ebena bari dobiai. Mau baniaba ewaricha chokae nibabiabarii.

Apocalipsis 7:10

Maud̶e joma naka kĩrud̶eeba jarasid̶au: «¡Dai Akõre nau rey ãkaud̶e akʉ b̶uu maud̶e chi Oeja Kaebe nii baarauba dai karibasid̶au!»

Apocalipsis 7:12

Naka jarasid̶au: «¡Machiba jara panuu biawãrabʉ! Ewaricha jomaurãba Dachi Akõremaa biꞌia berread̶ai panuu, ichi chi aude mechiu niid̶eeba, chi aude kuitaa niid̶eeba, ne jomad̶e poyaabariid̶eeba maud̶e meserãa ãrea niid̶eeba. Ichimaa ichíturu kid̶ibai ad̶ai panuu maud̶e chi biawãra b̶uu ad̶ai panuu. ¡Biawãra biꞌia b̶uu maka b̶uai!»