Romanos 11:24 - Emberá Chamí

²⁴ Biawãra machi judiowãerã olivo bakuru ichi du ab̶a moded̶e warid̶a kĩra panasid̶au. Dachi Akõreba mau bakurud̶ebena tʉʉped̶a olivo bakuru uud̶amaa kara nub̶usii. Maka b̶uabai b̶umina Dachi Akõreba wausii. Maud̶eeba ¿judiorã waya poyaa kʉ̃ria adauwẽka chi uud̶a bakuru jua waya kara nub̶uuruu kĩra?

Romanos 11:24 ပူးပေါင်းရင်းမြစ်များ

Romanos 11:23

Maud̶e chi judiorã Cristod̶e ijãad̶awẽa panuurãba ijãaduubʉrã, Dachi Akõreba ãchi waya kʉ̃ria adaui ichi poyaad̶eeba chi bakuru jua tʉʉd̶amaa waya kara nub̶uuruu kĩra.

Romanos 11:25

Ãbarã, mʉʉba kʉ̃ria b̶uu Dachi Akõreba ne naed̶e kuitaabiawẽa b̶uad̶a machiba kuitaad̶ai. Maka judiorã audeara biꞌia nuree kʉ̃risiad̶aabai. Dachi Akõreba naed̶e kuitaabiawẽa b̶uad̶a naubʉ: ãrea judiorã sõ chaarea paneesid̶au maud̶e maka paneed̶ai ab̶a joma chi Cristod̶e ijãad̶ai panuu judiowãerãba ijãaduud̶aa.

Romanos 11:30

Machi judiowãerãba naed̶e Dachi Akõred̶e ijãad̶akau basii. Maamina judiorãba ijãad̶awẽa panuud̶eeba jãabae Dachi Akõreba machi kĩra chuburia b̶uu.