Romanos 11:16 - Emberá Chamí

¹⁶ Trigo naa ea junaaduud̶e pan waud̶aped̶a mau pand̶ebena Dachi Akõremaa ab̶a deaduubʉrã, waabena pan sid̶a Dachi Akõred̶ebʉ. Maud̶e bakuru karr biꞌia b̶uubʉrã, chi bakuru jua sid̶a biꞌia nuree.

Romanos 11:16 ပူးပေါင်းရင်းမြစ်များ

Romanos 11:17

Waabenarã judiorã Dachi Akõred̶ebena awara paneesid̶au olivo bakuru jua tʉʉd̶a kĩra. Machi judiowãerã Dachi Akõreswãe panasid̶au olivo bakuru ichi du ab̶a moded̶e warid̶a kĩra. Maamina machi ẽbẽrarã Dachi Akõred̶erã paneesid̶au chi bakuru jua chi b̶ʉatud̶amaa kara nub̶ud̶a kĩra. Maka jãabae Dachi Akõreba machi sid̶a kariba b̶uu judiorã kariba b̶uad̶a kĩra.

Romanos 8:23

Maud̶e dachia bid̶a puꞌuaba isa neebii esed̶au panuu, Dachi Akõreba dachi chi kakua biꞌia b̶umera. Ichi warrarã adauruud̶e maka waui. Ichi Jauri dachimaa naed̶e deasii biawãra dachi ichi warrarã kuitaad̶amera.

1 Corintios 7:14

Mau Jesusd̶e ijãawẽa b̶uu mukĩra Dachi Akõre baita b̶eesii ichi wẽraba ijãa b̶uud̶eeba. Ara mau kĩra chi Jesusd̶e ijãawẽa b̶uu wẽra Dachi Akõre baita b̶eesii ichi kimaba ijãa b̶uud̶eeba. Makawãe basirã machi warrarã Dachi Akõre baita nuread̶aabai basii. Akõrerã Dachi Akõre baita panuud̶eeba ãchi sid̶a Dachi Akõre baita panuu.

Santiago 1:18

Ichi kʉ̃riad̶eeba ichi bed̶ea biawãrad̶eeba dachi chokae b̶uabiasii. Maka ne uu nub̶uud̶ebena nabena chaud̶a ichimaa dead̶a kĩra dachi joma ichiba waud̶ad̶ebena ichi baita biꞌia panuu.

Apocalipsis 14:4

Maarã ẽbẽrarã wẽra aud̶ua nureasii. Dachi Akõre baita maarã b̶aꞌãra bid̶a kachiruaswãe nureasii. Maarã chi Oeja Kaebe Nii baara chi wãaruumaa wãbadau. Dachi Akõreba nau iujãad̶ebena chi maarã ichi baita karibakuasii, ichi baita maud̶e chi Oeja Kaebe Nii baita bid̶a panad̶amera chi nabena chaud̶a ichimaa dearuu kĩra.