Romanos 10:16 - Emberá Chamí

¹⁶ Maamina joma judiorãba chi bed̶ea bia Cristo ʉ̃rʉbena ijãad̶aabasii. Isaías kartad̶e naka b̶ʉ kub̶uu: «Dai Mechiu, daiba jaraped̶aad̶a ¿kaiba ijãasma?»

Romanos 10:16 ပူးပေါင်းရင်းမြစ်များ

Mateo 13:14

Ãchiba Dachi Akõre baita berreabarii Isaiasba jarad̶a kĩra wauduu: Nau ẽbẽrarãba ũri panumina kauwa ũrid̶akau. Ãchiba ichiadumina, unud̶akau.

Juan 10:26

Maamina machiba ijãad̶akau, mʉ oejarãwãed̶eeba.

Hechos 28:24

Pabloba jarad̶a chi nureeba ijãasid̶au, maamina waabenarãba ijãad̶aabasii.

Romanos 1:5

Jesucristod̶eeba Dachi Akõreba mʉ b̶usii ichiba bʉid̶a b̶uamera. Ichid̶eeba maka b̶usii joma druachabenarãba Jesucristod̶e ijãad̶amera, ichi bed̶ea waud̶amera maud̶e ichimaa biꞌia berread̶amera.

Romanos 11:17

Waabenarã judiorã Dachi Akõred̶ebena awara paneesid̶au olivo bakuru jua tʉʉd̶a kĩra. Machi judiowãerã Dachi Akõreswãe panasid̶au olivo bakuru ichi du ab̶a moded̶e warid̶a kĩra. Maamina machi ẽbẽrarã Dachi Akõred̶erã paneesid̶au chi bakuru jua chi b̶ʉatud̶amaa kara nub̶ud̶a kĩra. Maka jãabae Dachi Akõreba machi sid̶a kariba b̶uu judiorã kariba b̶uad̶a kĩra.

Romanos 2:8

Maamina chi nureerãba waabenarã audeara biꞌia panad̶ai baita jʉrʉbadau. Maud̶eeba chi biawãra bed̶ea ijãad̶ai kʉ̃riad̶akau kachiruad̶e panad̶ayua. Mau ẽbẽrarã Dachi Akõreba ichi kĩru kub̶uuba ãrea kastikai.

Romanos 3:3

Maamina ãchid̶ebena chi nureerãba chi waud̶ai panuu kĩra waud̶aabasii. ¿Maud̶eeba chi Dachi Akõreba waui jarad̶a wauwẽka?

Romanos 6:17

Naed̶e machi kachirua baita bari trajabadaurã basii. Maamina joma Dachi Akõre ʉ̃rʉbena jaradeaped̶aad̶a sõd̶eeba wau panuud̶eeba mʉʉba Dachi Akõremaa ichíturu kid̶ibai abarii.

Gálatas 3:1

Ãbarã Galacia druad̶ebenarã, ¡machi kʉ̃risiaswãe nureerã! ¿Kaiba machi setaa kũruasii chi biawãra bed̶ea ida b̶ud̶amera? Daiba machimaa joma chi Jesucristo cruzd̶e biu b̶uad̶a ʉ̃rʉbena jaradeabachid̶au.

Gálatas 5:7

Machiba biawãra chi bed̶ea bia ijãa panasid̶au. ¿Kaiba waa joesma machiba mau bed̶ea ida b̶ud̶amera?

Hebreos 11:8

Dachi Akõreba Abrahammaa jarasii ichiba deai jarad̶a druad̶aa wãmera. Abrahamba Dachi Akõred̶e ijãasiid̶eeba samaa wãaruu adua b̶umina ichi drua b̶ʉiped̶a wãsii.

Hebreos 4:2

Chi bed̶ea bia Dachi Akõreba kʉrrjĩrubiai ʉ̃rʉbena dachiba ũrisid̶au nabẽraed̶ebenarãba ũriped̶aad̶a kĩra. Dachiba sõd̶eeba ijãa panuud̶eeba Dachi Akõreba kʉrrjĩrubiaimaa wãd̶ai. Maamina nabẽraed̶ebenarãba ũrid̶aped̶a ijãad̶aabasiid̶eeba mau bed̶eaba karibaabasii. Ãchi ʉ̃rʉbena Dachi Akõreba naka jarasii: «Kĩru b̶uud̶e mʉʉba biawãrad̶eeba naka jarasii: “Mʉʉba kʉrrjĩrubiaimaa jãarã wãd̶aabai”». Maka jarasii nau iujãa waud̶ad̶eed̶ebena ichiba waui b̶uad̶a joma uru b̶umina.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Pedro 2:8

Maud̶e naka b̶ʉ kub̶uu: «Ẽbẽrarã mau moomaa drʉd̶aped̶a b̶aed̶ai». Ãchiba Dachi Akõre bed̶ea ijãad̶awẽa panuud̶eeba moomaa drʉʉduu kĩra nuree. Dachi Akõreba maarã b̶usii maka nuread̶amera.

1 Pedro 3:1

Wẽra kima barau nuree, machi kima bed̶ea ijã́sturu. Maka chi nuree machi kimad̶ebenarãba Dachi Akõre bed̶ea ijãad̶awẽa panumina machi kĩra jipa nuree maud̶e Dachi Akõre wapea nuree unud̶aped̶a ijãad̶ai. Machiba machi kimamaa ijãad̶amera jarad̶awẽa panumina machiba biꞌia wau panuud̶eeba ijãabid̶ai.