Romanos 10:14 - Emberá Chamí

¹⁴ Maamina ẽbẽrarãba wabid̶a Dachi Mechiu Jesucristod̶e ijãad̶awẽa panuud̶e ¿saka ichimaa chi chuburia ʉtaa id̶id̶aima? Ichi ʉ̃rʉbena wabid̶a ũrid̶awẽa panuud̶e ¿saka ijãad̶aima? Maud̶e ab̶au bid̶a ãchimaa jaradead̶e wãwẽebʉrã ¿saka ichi ʉ̃rʉbena ũrid̶aima?

Romanos 10:14 ပူးပေါင်းရင်းမြစ်များ

Mateo 20:7

Ãchiba panausid̶au: “Ab̶au bid̶a daimaa traju dead̶awẽed̶eeba, trajad̶awẽa panuu”. Maabae ichiba jarasii: “Machi sid̶a trajad̶e wã́sturu, mʉ drua uva uud̶ad̶aa. Mau bare mʉʉba chi nejarra arakʉd̶e deai”.

Juan 20:31

Maamina joma nau b̶ʉsii machiba Jesús Dachi Akõreba Dachi Karibabarii deai jarad̶a, Dachi Akõre Warr ijãad̶amera. Maka ijãaduubʉrã ichid̶eeba chokae b̶uai uru nuread̶ai.

Juan 9:36

Ichiba jarasii: —¿Mau kaima? Mʉʉmaa jarase mʉʉba ichid̶e biawãra ijãai baita.

Hechos 19:2

Ichiba mau ãbarãmaa id̶isii: —Machiba Cristod̶e ijãasid̶aud̶e ¿Dachi Akõre Jauri machiba irsibisid̶aka? Ãchiba panausid̶au: —Daiba wabid̶a Dachi Akõre Jauri ʉ̃rʉbena ũrid̶akau.

Hechos 8:31

Ichiba panausii: —Ab̶auba jaradeawẽebʉrã mʉʉba ¿saka kauwa ũriima? Maud̶e ichiba Felipemaa jarasii atauped̶a ichi kaita akʉ b̶eemera.

Romanos 1:5

Jesucristod̶eeba Dachi Akõreba mʉ b̶usii ichiba bʉid̶a b̶uamera. Ichid̶eeba maka b̶usii joma druachabenarãba Jesucristod̶e ijãad̶amera, ichi bed̶ea waud̶amera maud̶e ichimaa biꞌia berread̶amera.

Efesios 2:17

Cristo neesii, chi bed̶ea bia Dachi Akõre ome jirukaraayuwãe b̶uai ʉ̃rʉbena machimaa jarai baita, chi Dachi Akõred̶ebena kaitawẽ panad̶amaa maud̶e chi Dachi Akõre kaita panad̶amaa.

Efesios 4:21

Ãbarãba chi biawãra bed̶ea Cristo ʉ̃rʉbena biꞌia jaradeasid̶au maud̶e biawãra machiba ichi ʉ̃rʉbena ũrid̶aped̶a ijãasid̶au.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

Tito 1:3

Maabae ichiba b̶ud̶a ewarid̶e mʉʉba jaradea b̶uud̶eeba ichi bed̶ea Cristo ʉ̃rʉbena biꞌia kuitaabisii. Mau bed̶ea Dachi Akõre chi Karibabariiba mʉʉmaa jaradeabisii.

Hebreos 11:6

Maamina chi Dachi Akõred̶e ijãawẽa nii ichiba biꞌia unukau. Chi Dachi Akõremaa neei kʉ̃ria b̶uuba ijãai b̶uu ichi biawãra nii maud̶e joma chi ichi jʉrʉʉduu karibabarii.

Santiago 5:15

Maud̶e ijãa panad̶ai panuu Dachi Akõreba mau aribiabii. Maka ʉtaa id̶iiduubʉrã Dachi Mechiuba aribiabii. Chi ẽpermo b̶uad̶aba kachirua waud̶abʉrã, Dachi Mechiuba mau perdonai.