Romanos 1:9 - Emberá Chamí

⁹ Dachi Akõreba kʉ̃ria b̶uu joma mʉ sõd̶eeba wau b̶uu chi bed̶ea bia ichi Warr ʉ̃rʉbena jaradea b̶uud̶eeba. Ichiba kuitaa b̶uu mʉʉba ʉtaa id̶iiruucha machi baita ʉtaa id̶ibarii.

Romanos 1:9 ပူးပေါင်းရင်းမြစ်များ

Marcos 1:1

Nau chi bed̶ea bia Dachi Akõre Warr Jesucristo ʉ̃rʉbena b̶ʉʉruu. Naed̶e Dachi Akõre baita berreabarii Isaiasba naka b̶ʉsii: «Chi mʉ baita bed̶ea jarabarii mʉʉba bichi naa bʉii bichi o jaremera.

Lucas 18:1

Jesusba nebʉrʉsii jaradeai baita Dachi Akõremaa ʉtaa id̶i panad̶ai ida b̶ud̶ayuwãe panad̶ai.

Hechos 12:5

Pedro jʉ̃abaud̶e jidau uru panuumisa ãbarãba Dachi Akõremaa ãrea ʉtaa id̶i panasid̶au ichi karibamera.

Hechos 19:21

Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

Hechos 24:14

Maamina mʉʉba bichimaa naka jaraaruu: mʉʉba Dachi Akõre nabẽraed̶ebenarãd̶e ijãa b̶uu. Mʉ chi O Wid̶i abadaud̶ebenabʉ. Ãchiba mau O Wid̶i seta b̶uu abadau, maamina mʉʉba Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a joma ijãa b̶uu.

Hechos 27:23

Mʉ Dachi Akõred̶ebʉ. Ichid̶e ijãa nii. Ẽsabud̶e ara mau Dachi Akõred̶e ángel mʉʉmaa unubisii.

Hechos 3:26

Dachi Akõreba chi ichi baita bari trajabarii Jesús chokae jiradubiped̶a naa machimaa bʉisii karibamera. Machicha aid̶a b̶uu machiba kachirua waubadau ida b̶ud̶amera».

Romanos 9:1

Mʉ Cristod̶ed̶eeba biawãra jaraaruu. Setawãema. Dachi Akõre Jauriba mʉ sõd̶e nau bed̶ea biawãra arakʉd̶e kuitaabi b̶uu.

2 Corintios 1:23

Mʉʉba Dachi Akõre daad̶e jaraaruu: Corintod̶aa wabid̶a wãwãe b̶uu machi kĩra nomaabiamaaba chi mʉʉba machi ãrea kastikakuai b̶uud̶eeba.

2 Corintios 11:31

Dachi Bajãad̶ebena Mechiu Jesús Akõre ʉ̃rʉbena ewaricha biꞌia berread̶ai panuu. Ichiba kuitaa b̶uu mʉ setaa jarakau.

Gálatas 1:20

Dachi Akõre daad̶e mʉʉba machimaa jaraaruu: mʉ ʉ̃rʉbena b̶ʉʉruu setawãe.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Filipenses 1:3

Mʉʉba machi kĩrabaaruucha Dachi Akõremaa ichíturu kid̶ibai abarii.

Filipenses 1:4

Dachi Akõremaa ʉtaa id̶iiruucha mʉʉba machi baita kĩrajʉʉ ʉtaa id̶ibarii,

Filipenses 2:22

Maamina machiba kuitaa panuu Timoteoba biꞌia waubarii. Warrba ichi akõre aid̶abarii kĩra ichiba bed̶ea bia Cristo ʉ̃rʉbena aid̶a jaradea b̶uu.

Filipenses 3:3

Maamina dachi chi biawãra mukĩra chi kakua tõoped̶aad̶abʉ. Dachiaburu Dachi Akõre Jaurid̶eeba ichimaa biꞌia berreabadau. Maud̶e Jesucristoba dachi baita waud̶a biꞌia jarabadau. Dachiba kʉ̃risiad̶akau Dachi Akõreba dachi jipa nuree unui, dachiba wau panuu kakua.

1 Tesalonicenses 1:2

Daiba ewaricha Dachi Akõremaa ʉtaa id̶iiduud̶e machi baita ichíturu kid̶ibai abadau.

1 Tesalonicenses 3:10

Ãsaed̶e, ẽsabud̶aa bid̶a daiba Dachi Akõremaa ʉtaa id̶ibadau machi ichiad̶e wãd̶ai baita. Maka machiba Cristo ʉ̃rʉbena wabid̶a adua panuu daiba poyaa jaradead̶ai joma aude ijãad̶amera.

1 Tesalonicenses 5:17

Ida b̶ud̶ayuwãe Dachi Akõremaa ʉtaa id̶i panásturu.

1 Timoteo 2:7

Mau baita mʉ ichi bed̶ea jarabarii b̶usii. Mʉ ichiba bʉid̶a b̶usii chi biawãra bed̶ea ichi ijãad̶ai panuu ʉ̃rʉbena judiowãerãmaa jaradead̶e wãmera. Mʉʉba biawãra jara b̶uu maud̶e setawãe b̶uu.

2 Timoteo 1:3

Ãyadaa maud̶e ẽsabud̶e mʉʉba Dachi Akõremaa ʉtaa id̶iiruud̶e bichi baita ichíturu kid̶ibai abarii. Dachi Akõreba jara b̶uu mʉʉba waubarii, mʉ kʉ̃risiad̶e nebʉraswãe b̶uud̶eeba, mʉ nabẽrarãba maka wauped̶aad̶a kĩra.

Filemón 1:4

Mʉʉba Dachi Akõremaa ʉtaa id̶iiruucha bichi baita ichíturu kid̶ibai abarii.