Romanos 1:30 - Emberá Chamí

³⁰ Waabenarã ʉ̃rʉbena kachirua berreabadau, Dachi Akõre kĩramaabadau maud̶e waabenarã daad̶e kachirua berreabadau. Waabenarã audeara chi bibuara nuree a kʉ̃risiabadau maud̶e maka jarabadau. Waabenarã kachirua waud̶ai baita jʉrʉbadau. Ãchi akõrerã bed̶ea ũrid̶akau.

Romanos 1:30 ပူးပေါင်းရင်းမြစ်များ

Mateo 15:4

Ichiba naka jarasii: “Bichi akõre maud̶e bichi nawe wapeadee b̶uase”. Nau sid̶a jarasii: “Barikiuba ichi akõre maebʉrã ichi nawe kachirua jaraaruubʉrã, mau biui b̶uu”.

Mateo 16:21

Mau tõpe Jesusba jara kob̶eesii ichi baara nibabadaurãmaa ichi Jerusalend̶aa wãd̶akare, ãrea biꞌiwãe b̶uai b̶uu. Naka jarasii: —Mʉ puurud̶ebena jaradea ua b̶uabadaurã juad̶e, paare mechiurã juad̶e maud̶e Moisesba b̶ʉd̶a jaradeabadaurã juad̶e bid̶a ãrea biꞌiwãe b̶uai. Mʉ beabid̶ai maamina ewari õbead̶e chokae jiradui.

Lucas 21:16

»Ara machi akõreba, machi ãbarãba, machi ab̶aarakaurãba, machi kõpaerorã bid̶a machi jidau dead̶ai. Maka machid̶ebenarã chi nuree beabiad̶ai.

Juan 7:7

Nau iujãad̶ebenarãba machi ¿sakãe kĩramaad̶aima? Maamina mʉ kĩramaabadau, ãchiba kachirua waubadau mʉʉba arakʉd̶e jarabariid̶eeba.

Hechos 5:36

Kĩrabásturu ãrea kãꞌãabariwãed̶e chi mukĩra Teudas abadau ichi jomaurã audeara mechiu nibai kʉ̃risiasii. Mau baara 400 mukĩrarã panasid̶au. Maamina mau mukĩra beasid̶aud̶e chi baara nibaped̶aad̶a aꞌawaraa wãurisid̶au. Maabae joma ichiba waui kʉ̃risia b̶uad̶a wãꞌãesii.

Romanos 2:17

Machíturu judiorã abadau. Dachi Akõre biꞌia kuitaa panuu abadau. Kʉ̃risia panuu ichiba machi aid̶akuai Moisesba b̶ʉd̶a uru panuud̶eeba.

Romanos 2:23

Moisesba b̶ʉd̶a machiba ãrea kuitaa panuu abadau. Maamina mau Moisesba b̶ʉd̶ad̶e jara b̶uu ijãad̶awẽa panuud̶eeba, machi kakua waabenarãba Dachi Akõre ʉ̃rʉbena kachirua berreabadau.

Romanos 3:27

Maud̶eeba ¿kãare ara dachi ʉ̃rʉbena biꞌia berread̶aima? Poyaa biꞌia berread̶aabai. ¿Sakãe? Poyaa biꞌia berread̶aabai, Moisesba b̶ʉd̶a wau panuud̶eeba chi ichid̶irã jipa nuree baara duanuubaid̶eeba, maumaarã Jesusd̶e ijãa panuud̶eeba maka duanui.

2 Corintios 10:15

Waabenarãba wauped̶aad̶a kakua ara dai ʉ̃rʉbena biꞌia berread̶akau ara daiba wauped̶aad̶a kĩra. Maumaarã daiba kʉ̃ria panuu machiba Cristod̶e biꞌia ijãad̶ai. Maka daiba machi druad̶e poyaa biꞌia jaradead̶ai ara Dachi Akõreba waubi b̶uu kĩra.

2 Corintios 12:20

Mʉʉba wapea b̶uu machimaa wãped̶a machi unuubai mʉʉba unu kʉ̃ria b̶uu kĩra. ¡Maud̶e machiba mʉ unud̶aabai machiba kʉ̃ria panuu kĩra, machi iadaaid̶eeba! Biawãra mʉʉba wapea b̶uu unud̶e wãi machi oa kachirua berrea panuu, waabenarãba ne uru panuu kakua kĩra kachirua panuu, kĩru panuu, ara machi biꞌia panad̶ai baita jʉrʉ panuu, waabenarã ʉ̃rʉbena oa kachirua berrea panuu, waabenarã ʉ̃rʉbena setaa jara panuu, chi aude mechiu nii kʉ̃risia panuu, maud̶e kĩrubika bara b̶uu.

2 Tesalonicenses 2:4

Ichiba Dachi Akõre maud̶e joma ẽbẽrarãba dachi akõre abadau kʉ̃riakau b̶uai. Ichiba joma mau audeara chi mechiu nii ai. Maud̶eeba Dachi Akõre de mechiud̶e akʉ b̶eeped̶a, ichíturu Dachi Akõre ai.

2 Timoteo 3:2

Ẽbẽrarãba joma ara ãchi baita kʉ̃ria panad̶ai, chi nejarra kʉ̃ria panad̶ai, ãchi biꞌia nuree a panad̶ai, chi mechiu nuree kʉ̃risia panad̶ai, waabenarã ʉ̃rʉbena kachirua jara panad̶ai, ãchi akõrerã bed̶ea ijãad̶akau panad̶ai, ãchi aid̶aaruu ẽbẽramaa ichíturu kid̶ibai ad̶akau panad̶ai maud̶e Dachi Akõre wapead̶akau panad̶ai.

Tito 3:3

Biawãra naed̶e dachia bid̶a kʉ̃risia biꞌiwãe panasid̶au, Dachi Akõred̶e ijãad̶aabai panasid̶au, biꞌiwãe kʉ̃risia panasid̶au. Dachiba kachirua wau kʉ̃ria nuree maud̶e kĩrajʉʉ wau kʉ̃ria nuree, chibari baita bari trajabarii kĩra joma waubachid̶au. Barikia kachiruad̶e nibabachid̶au, waabenarãba uru panuu kakua sõd̶e kachirua panabachid̶au, waabenarãba dachi kĩramaabachid̶au, maud̶e dachiba waabenarã kĩramaabachid̶au.

Santiago 3:5

Ara mau kĩra chi kẽrame b̶istĩika b̶umina ara ichi ʉ̃rʉbena ãrea berreabarii. Kʉ̃risiásturu saka tʉbʉchia b̶aꞌãra koaruuba mode mechiu joma baabibarii.

Santiago 4:16

Maamina machiba maka waud̶akau. Maumaarã chi mechiu nuree kʉ̃risia panuud̶eeba jarabadau machiba wau kʉ̃ria panuu poyaa waud̶ai. Biawãra mau kachirua b̶uu.

2 Pedro 2:18

Ãchiba mipitaa berreaduuba jaradeabadau. Maamina mauba aid̶akau. Ãchiba jaradeabadau nau kakuaba kachirua wau kʉ̃ria b̶uu waud̶ai panuu. Maka chi ara ea kachiruad̶ebena wãped̶aad̶a nuree ãchiba setaa kũruabadau waya kachirua waud̶amera.

Judas 1:16

Maarãba ne barikia kakua ãi berreabadau, maud̶e waabenarã ʉ̃rʉbena ne barikia bed̶ea waubadau. Ara ãchiba kʉ̃ria panúturu jʉrʉbadau. Chi aude mechiurã kĩra berreabadau. Waabenarãmaa kũraabadau ãchiba kʉ̃ria panuu adaud̶ai baita.