Romanos 1:28 - Emberá Chamí

²⁸ Maarãba Dachi Akõre ida b̶uped̶aad̶ad̶eeba ichiba maarã ida b̶usii kachirua kʉ̃risiad̶aped̶a maka wau panad̶amera.

Romanos 1:28 ပူးပေါင်းရင်းမြစ်များ

Hechos 17:23

Puurud̶e wãaruud̶e mʉʉba unusii machiba Dachi Akõre kuenda juaba ne kaped̶aad̶a de ãrea kob̶ee. Ne baa deabadaud̶e nau bed̶ea b̶ʉ kub̶uu unusii: “Dachi Akõre chi dachiba adua panuu baita waud̶a”. Chi machiba adua panuu Dachi Akõremaa maumaa biꞌia berreabadau. Ara mau Dachi Akõre ʉ̃rʉbena mʉʉba machimaa jaramaa b̶uu.

Hechos 17:32

Mau biu b̶uad̶a chokae jiradubid̶a ʉ̃rʉbena ũrisid̶aud̶e chi nureerãba ʉisid̶au. Maamina waabenarãba jarasid̶au: —Jãad̶akare bichiba mau ʉ̃rʉbena berrea b̶uu waya ũrid̶ai.

Romanos 1:18

Dachi Akõreba bajãad̶ebena kuitaabi b̶uu kachirua wau nuree maud̶e jipawãe nuree ichi kĩrubid̶eeba mau joma kastikai. Ãchiba kachirua wau panuud̶eeba chi biawãra bed̶ea ida kuitaabid̶akau.

Romanos 1:21

Maarãba Dachi Akõre kuitaa panasid̶amina ichimaa biꞌia berread̶aabai maud̶e ichíturu kid̶ibai ad̶aabasii. Maumaarã kʉ̃risiaswãe nuree kĩra paneesid̶au. Maka paneed̶aped̶a pãriud̶e paneesid̶au.

Romanos 1:24

Maud̶eeba Dachi Akõreba ida b̶usii ãchi sõd̶e kachirua wau kʉ̃ria b̶uu waud̶amera. Maud̶eeba maarãba mia pera wau paneesid̶au.

Romanos 1:26

Maud̶eeba Dachi Akõreba ida b̶usii mia pera waud̶amera. Wẽra mukĩra ome b̶uai b̶uu ida b̶ud̶aped̶a arab̶au wẽra ome paneesid̶au.

1 Corintios 15:34

Jipa kʉ̃risiásturu. Kachirua waa waurã́sturu. Waabenarã chi nuree machid̶ebenaba Dachi Akõre adua nuree. Maud̶eeba machi perad̶ai panuu.

2 Corintios 10:5

Joma kʉ̃risia biꞌiwãe b̶ee maud̶e dachi nejuakayad̶eeba Dachi Akõre ʉ̃rʉbena ida kuitaabiad̶akau, daiba chi seta kuitaabiabadau. Jʉ̃a uru paneeduu kĩra daiba chi maka kʉ̃risia nuree jipa kʉ̃risiabiabadau Cristod̶e ijãad̶amera.

Efesios 5:4

Bed̶ea kachirua, nebʉrʉ biꞌiwãe maud̶e bed̶ea miadaa mia ʉibi berrearã́sturu, maka berreai biꞌiwãe b̶uud̶eeba. Maumaarã Dachi Akõremaa biꞌia b̶uu áduru.

2 Timoteo 3:8

Jãarã setaa jaradeabadaurã chi biawãra bed̶ea ida b̶ubadau. Janes maud̶e Jambres abadau kĩra waubadau, chi Moisés bed̶ea ida b̶uped̶aad̶arã. Ãchiba kʉ̃risia kachirua kʉ̃risiabadau maud̶e biawãra Cristod̶e ijãad̶akau.

Tito 1:16

Ãchiba jarabadau Dachi Akõre kuitaa panuu, maamina ãchiba wau panuud̶eeba unubibadau ichi ida b̶u panuu. Ãchi sõ chaarea nuree maud̶e ne bia waud̶ai baita panad̶akau. Ãchiba waubadau Dachi Akõreba kʉ̃riakau.

Filemón 1:8

Mau baita bichimaa id̶iiruu mʉʉba jaraaruu waumera. Cristod̶eeba mʉʉba bichimaa poyaa waubii b̶umina mʉʉba waubiibai.

2 Pedro 3:5

Mau ẽbẽrarãba ijãa kʉ̃riad̶awẽa panuu nabẽraed̶e Dachi Akõre bed̶eaba bajãa wausii, iujãa mar ekared̶ebena neebisii maud̶e baniad̶ebena maka wausii.