Romanos 1:24 - Emberá Chamí

²⁴ Maud̶eeba Dachi Akõreba ida b̶usii ãchi sõd̶e kachirua wau kʉ̃ria b̶uu waud̶amera. Maud̶eeba maarãba mia pera wau paneesid̶au.

Romanos 1:24 ပူးပေါင်းရင်းမြစ်များ

Mateo 15:14

Maud̶eeba fariseorã kakua kʉ̃risiarã́sturu. Ãchi o unubibadaurã dau pãriu nuree kĩra panuu. Dau pãriu niiba ab̶a dau pãriu niimaa o jaradearuud̶e, omea chob̶ead̶e b̶ae wãd̶ai.

Hechos 14:16

Naed̶e Dachi Akõreba ichi adua nuree puurumaa ara ãchiba wau kʉ̃ria panuu ida waubiabachii.

Hechos 7:42

Maud̶eeba Dachi Akõreba ãchi ida nuisii. Maud̶eeba maarãba ʉtaa id̶ibachid̶au chi bajãad̶e nub̶uu nekaebeamaa. Mau ʉ̃rʉbena Dachi Akõre baita berreabadaurã kartad̶e naka b̶ʉ kub̶uu: “Israeld̶ebenarã, machi 40 años drua sirua wãꞌãe b̶uud̶e duanasid̶aud̶e ¿ãnimara mʉʉmaa baa deabachid̶aka?

Romanos 6:12

Maud̶eeba chi kachiruamaa ida machi chibari babirã́sturu. Maka machi chi kakua biui b̶uuba kachirua wau kʉ̃ria b̶uu waud̶aabai.

1 Corintios 6:13

Maud̶e waabenarãba jarabadau: «Chiko dachi b̶i baita b̶uu, maud̶e dachi b̶i ãnimara kiuru baita b̶uu». (Maka b̶umina Dachi Akõreba mau omea wãꞌãebii). Maamina dachi kakuaba barikia kachirua waui b̶uai baita b̶uuwãe, maumaarã Dachi Mechiu baita b̶uu.

1 Corintios 6:18

Dachi kakuaba barikia kachirua b̶aꞌãra bid̶a waurã́sturu. Kachirua june ãyaa wauruubʉrã, mauba dachi kakua biꞌiwãe b̶eebikau. Maamina kakuad̶eeba kachirua wauruubʉrã, dachi kakua kachirua b̶eei.

Efesios 2:3

Naed̶e joma dachi ãchi kĩra nibasid̶au nau kakuaba kachirua waubi b̶uu wau panasid̶aud̶eeba. Nau kakuaba kachirua waui kʉ̃ria b̶uu maud̶e dachiba kachirua waui kʉ̃risia b̶uu wau panasid̶au. Dachi kachiruad̶eeba Dachi Akõreba ichi kĩrubid̶eeba dachi kastikai b̶uasii joma kachirua waubadaurã kastikabarii kĩra.

1 Tesalonicenses 4:4

Machi kakua jipa kuitaa panad̶ai duanásturu Dachi Akõre daad̶e maud̶e ẽbẽrarã daad̶e biꞌia panad̶amera.