Romanos 1:17 - Emberá Chamí

¹⁷ Mau bed̶ea biad̶eeba Dachi Akõreba kuitaabia b̶uu dachi karibai, ichiba jara b̶uu kĩra. Jesucristod̶e ijãaruubʉrã maka b̶uai. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

Romanos 1:17 ပူးပေါင်းရင်းမြစ်များ

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

Romanos 10:3

Ãchiba unud̶akau saka Dachi Akõreba ẽbẽrarã ichi jipa nuree baara duanui, ichiba bed̶ea dead̶a kĩra. Maumaarã mau ida b̶ud̶aped̶a ara ãchiba wau panuuba jʉrʉ panuu Dachi Akõre puuru jipa b̶uu bad̶ai baita.

Romanos 3:21

Maamina id̶ibae Dachi Akõreba kuitaabiasii mau Moisesba b̶ʉd̶a awara saka ẽbẽrarã chi ichid̶irã jipa nuree baara duanubarii ara ichiba jara b̶uad̶a kĩra. Moisesba b̶ʉd̶ad̶e maud̶e Dachi Akõre baita berreabadaurãba b̶ʉped̶aad̶a kartad̶e bid̶a mau ʉ̃rʉbena b̶ʉ kub̶uu.

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

Romanos 3:3

Maamina ãchid̶ebena chi nureerãba chi waud̶ai panuu kĩra waud̶aabasii. ¿Maud̶eeba chi Dachi Akõreba waui jarad̶a wauwẽka?

Romanos 9:30

¿Mauba kãare jara b̶uma? Judiowãerãba jʉrʉd̶aka basii chi Dachi Akõre puurud̶ebena jipa nureerã baara panad̶ai baita. Maamina maka paneesid̶au, Cristod̶e ijãasid̶aud̶eeba.

2 Corintios 3:9

Biawãra mau Moisesba b̶ʉd̶aba ẽbẽrarã biud̶ai panuu jara b̶umina ãrea biꞌia b̶uu. Maamina Dachi Akõreba bed̶ea chiwid̶i dead̶a aude bibuara b̶uu. Mauba kuitaabi b̶uu saka Dachi Akõreba dachi nebʉraswãe nuree abarii.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Gálatas 3:11

Biawãra dachiba biꞌia kuitaa panuu Moisesba b̶ʉd̶a wau b̶uud̶eeba Dachi Akõreba ab̶a bid̶a chi ichid̶irã jipa nuree baara b̶ui. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

Filipenses 3:9

maud̶e ichi ome b̶uai baita. Mʉ ichi ome b̶uuwãe chi Moisesba b̶ʉd̶ad̶eeba, maumaarã maka nii Cristoba ichi Akõreba jarad̶a kĩra wausiid̶eeba, dachi kakua biusiid̶eeba. Mʉʉba Cristod̶e ijãa b̶uud̶eeba, Dachi Akõreba mʉ ichi ome uru b̶uu.

Hebreos 10:38

Chi jipa nii mʉʉd̶e ijãa niid̶eeba chokae nibai. Maamina ichiba ijãa b̶uu ida b̶uuruubʉrã, mʉʉba mau biꞌia unuubai».