Romanos 1:14 - Emberá Chamí

^14-15 Mʉʉba chi bed̶ea bia Jesús ʉ̃rʉbena jomaurãmaa jaradeai b̶uu. Ne kuitaa nureerãmaa, ne adua nureerãmaa, karta kuitaa nureerãmaa maud̶e karta adua nureerãmaa jaradeai b̶uu. Maud̶eeba machi Romad̶ebenarãmaa bid̶a jaradead̶e wã kʉ̃ria b̶uu.

Romanos 1:14 ပူးပေါင်းရင်းမြစ်များ

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Lucas 10:21

Maka berrea panuud̶e Jesús Dachi Akõre Jaurid̶eeba ãrea kĩrajʉʉ nub̶eesii. Maud̶eeba Dachi Akõremaa naka jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii. Maerã, Chacha, bichiba maka wausii maka waui kʉ̃ria b̶uasiid̶eeba.

Hechos 22:21

Maamina Dachi Mechiuba mʉʉmaa jarasii: “Wãse. Mʉʉba bichi kaitawẽ judiowãerãmaa bʉii”».

Hechos 28:2

Chi ariabenarãba dai ãrea biꞌia irsibisid̶au. Kui che nub̶uud̶eeba maud̶e kũrasãa nub̶uud̶eeba ãchiba tʉbʉ aoko nub̶ud̶aped̶a daimaa jarasid̶au tʉbʉ kãd̶e need̶amera.

Hechos 28:4

Mau damaba Pablo juad̶e jirab̶u unusid̶aud̶e chi mau islabid̶arãba ãchi chiya berrea bara b̶eesii: «¡Jãu ẽbẽra mia beabariibʉ! Mard̶e biubasmina, Dachi Akõre kĩra nii wẽraba ichi ida chokae nibabiibai».

Hechos 9:15

Maamina Dachi Mechiuba jarasii: —Wãse. Mʉʉba ichi jʉrʉ adausii mʉ ʉ̃rʉbena berreamera judiowãerãmaa, ãchi reyrãmaa maud̶e israeld̶ebenarãmaa.

Romanos 1:22

Kʉ̃risia kuitaa nuree asid̶amina kʉ̃risiaswãe paneesid̶au.

Romanos 11:25

Ãbarã, mʉʉba kʉ̃ria b̶uu Dachi Akõreba ne naed̶e kuitaabiawẽa b̶uad̶a machiba kuitaad̶ai. Maka judiorã audeara biꞌia nuree kʉ̃risiad̶aabai. Dachi Akõreba naed̶e kuitaabiawẽa b̶uad̶a naubʉ: ãrea judiorã sõ chaarea paneesid̶au maud̶e maka paneed̶ai ab̶a joma chi Cristod̶e ijãad̶ai panuu judiowãerãba ijãaduud̶aa.

Romanos 12:16

Jomaurã ome biꞌia panásturu. Waabenarã audeara biꞌia nuree kʉ̃risiarã́sturu, maumaarã chi miichuburi nuree ome biꞌia panásturu. Kʉ̃risiarã́sturu machiba waabenarã audeara biꞌia kuitaa panuu.

Romanos 13:8

Machiba chi dead̶ai panuu uru panuubʉrã, waya dead̶awẽa panarã́sturu. Ab̶aburu chiya kʉ̃ria panásturu. Chi waabenarã kʉ̃ria b̶uuba joma Moisesba b̶ʉd̶a wau b̶uu.

Romanos 16:19

Jomaurãba kuitaa panuu machiba Dachi Akõre bed̶ea biawãra wau panuu. Maud̶eeba mʉ kĩrajʉʉ b̶uu. Biawãra mʉʉba kʉ̃ria b̶uu machiba biꞌia waud̶ai kuitaad̶ai maud̶e kachirua waud̶aabai.

Romanos 8:12

Maud̶eeba ãbarã, dachi biawãra Dachi Akõre Jaurid̶eeba nibad̶ai panuu. Nau kakuaba wau kʉ̃ria b̶uud̶eeba nibad̶aabai panuu.

1 Corintios 14:11

Maamina mʉʉba mau bed̶ea adua b̶uubʉrã, chi berrearuumaarã mʉ ãibena kĩra nii, maud̶e mʉʉmaarã ichi ãibena kĩra nii.

1 Corintios 14:16

Bichi jauriba Dachi Akõremaa biꞌia berrearuubʉrã, bichiba jarad̶a kuitaa ũrikauba ¿saka mau biawãrabʉ aima, bichiba bichíturu kid̶ibai ad̶ad̶eeba?

1 Corintios 2:13

Ara mau ʉ̃rʉbena daiba berrea panuu. Maamina nau iujãad̶ebena kʉ̃risia kuitaad̶eeba berrea panuuwãema, maumaarã Dachi Akõre Jauriba daimaa jaradea b̶uu kĩra berrea panuu. Maka Dachi Akõre Jauriba kuitaabi b̶uu daiba jaradea panuu ichiba berreabi b̶uu kĩra.

1 Corintios 3:18

Ara machi du ab̶a setaa kũruarã́sturu. Ab̶auba chi nau iujãad̶ebena kʉ̃risia kuitaa kĩra ne kuitaa b̶uu kʉ̃risia b̶uubʉrã, waa maka kʉ̃risiabai b̶uu. Maumaarã chi biawãra kʉ̃risia kuitaa uru b̶uai baita nau iujãad̶ebenarã daad̶e ne adua b̶uu kĩra b̶uai b̶uu.

2 Corintios 10:12

Maamina ¿sakaburu dai ara ãstu chi bibuara nuree abadau kĩra kʉ̃risiad̶aima? Ara ãstu ichiabadau maud̶e ãchid̶ebena ichiabadau kai aude bibuara nuree kuitaad̶ai baita. Maka wau panuuba, kauwa ũrid̶akau unubiabadau.

2 Corintios 11:19

Machi kʉ̃riskawa nureed̶eeba nau kʉ̃risiaswãe niiba jaradea b̶uu machiba dauchia jãadua panabadau.

Colosenses 3:11

Dachi Akõreba maka wausiid̶eeba ichi daad̶e griego judio ome arab̶aud̶e nii. Mukĩra chi kakua tõo nii mukĩra chi kakua tõowẽa nii ome arab̶aud̶e nii. Drua ãibena, ne adua nii ome arab̶aud̶e nii. Chi chibari baita bari trajabarii, chi chibariswãe nii ome arab̶aud̶e nii. Cristo chi aude bibuara nii. Ichi jomaurã sõd̶e b̶uu.

2 Timoteo 2:10

Mau baita mʉʉba joma jãadua b̶uu Dachi Akõreba jʉrʉ adaud̶a ẽbẽrarã karibai baita. Maka Dachi Akõreba ãchi sid̶a Jesucristod̶eeba aid̶ai ewaricha ichi biad̶ebena uru panad̶amera.

Tito 3:3

Biawãra naed̶e dachia bid̶a kʉ̃risia biꞌiwãe panasid̶au, Dachi Akõred̶e ijãad̶aabai panasid̶au, biꞌiwãe kʉ̃risia panasid̶au. Dachiba kachirua wau kʉ̃ria nuree maud̶e kĩrajʉʉ wau kʉ̃ria nuree, chibari baita bari trajabarii kĩra joma waubachid̶au. Barikia kachiruad̶e nibabachid̶au, waabenarãba uru panuu kakua sõd̶e kachirua panabachid̶au, waabenarãba dachi kĩramaabachid̶au, maud̶e dachiba waabenarã kĩramaabachid̶au.