Romanos 1:13 - Emberá Chamí

¹³ Ãbarã, mʉʉba kʉ̃ria b̶uu machiba kuitaad̶ai biawãra b̶es ãrea machimaa wãi kʉ̃risia b̶uabarii. Maamina wabid̶a poyaa wãwẽa b̶uu. Machimaa wã kʉ̃ria b̶uu mʉʉba jaradea b̶uud̶eeba arabenarãba Jesucristod̶e ijãad̶amera waabenarã druad̶ebenarãba ijãaped̶aad̶a kĩra.

Romanos 1:13 ပူးပေါင်းရင်းမြစ်များ

Juan 12:24

Mʉʉba biawãra jaraaruu: trigo taa iorod̶e b̶aeruuwãebʉrã maud̶e biuruubʉrã, istu b̶eebarii. Maamina mau taa biud̶a kĩra iorod̶e b̶eeruubʉrã, tonoped̶a ãrea chaubarii.

Juan 15:16

Machiba mʉ jʉrʉ adaud̶aabasii. Mʉaburu machi jʉrʉ adausii. Bakuru jõ b̶eraakau chaubarii kĩra, mʉʉba machi b̶usii wãd̶aped̶a biꞌia waud̶amera. Mʉʉba machi jʉrʉ adausiid̶eeba machiba mʉ Chachamaa mʉ trʉ̃d̶eeba id̶iiduu ichiba deai.

Juan 4:36

Chi uu nub̶uu junad̶ai ewari neesii. Uu nub̶uu junaaduu kĩra machi trajad̶ai ẽbẽrarãba mʉʉd̶e ijãad̶amera. Maka ãchi Dachi Akõre baara ewaricha chokae duanad̶ai. Chi uu nub̶uu junabarii kĩrajʉʉbarii chi ichimaa paaduu adaui baita. Ara mau kĩra machi kĩrajʉʉd̶ai ẽbẽrarãba mʉʉd̶e ijãaduu kakua. Chi uu nub̶uu junabarii chi uubarii ome kĩrajʉʉ panad̶ai.

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Hechos 14:27

Need̶aped̶a ãbarã araa ãbua imisid̶au. Maud̶e nebʉrʉsid̶au joma Dachi Akõreba ãchid̶eeba waud̶a. Jarasid̶au saka Dachi Akõreba wausii judiowãerã bid̶a Jesusd̶e ijãad̶amera.

Hechos 15:12

Bernabé maud̶e Pabloba nebʉrʉsid̶au Dachi Akõreba ẽbẽrarãba ne poyaa waud̶akau ãchid̶eeba judiowãerã tãed̶e waud̶a. Mauba kuitaabiasii ichi ãchi ome b̶uasii. Maud̶e jomaurãba chũpea ũri duanasid̶au.

Hechos 19:21

Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

Hechos 21:19

Maabae Pabloba «ajá» aped̶a Dachi Akõreba chi Pablod̶eeba judiowãerã tãed̶e waud̶a joma arakʉd̶e nebʉrʉsii.

Hechos 28:14

Aria daiba chi nuree ãbarã unusid̶au. Maarãba daimaa jarasid̶au ãchi baara 7 ewari panad̶amera. Maad̶akare Roma puurud̶aa wãsid̶au.

Romanos 1:12

Mʉʉba kʉ̃ria b̶uu dachiba arab̶au Cristod̶e ijãa panuud̶eeba chiya aid̶a panad̶ai karr chaarea panad̶ai baita.

Romanos 11:25

Ãbarã, mʉʉba kʉ̃ria b̶uu Dachi Akõreba ne naed̶e kuitaabiawẽa b̶uad̶a machiba kuitaad̶ai. Maka judiorã audeara biꞌia nuree kʉ̃risiad̶aabai. Dachi Akõreba naed̶e kuitaabiawẽa b̶uad̶a naubʉ: ãrea judiorã sõ chaarea paneesid̶au maud̶e maka paneed̶ai ab̶a joma chi Cristod̶e ijãad̶ai panuu judiowãerãba ijãaduud̶aa.

Romanos 7:1

Ãbarã, Moisesba b̶ʉd̶a kuitaa panuud̶eeba mau ʉ̃rʉbena mʉʉba machimaa berrearuu. ¿Kuitaa panuuwãeka dachi chokae panuumisa Moisesba b̶ʉd̶a ũrid̶ai panuu?

1 Corintios 1:10

Ãbarã, Dachi Mechiu Jesucristod̶eeba mʉʉba machimaa chi chuburia id̶iiruu ãbua biꞌia duanad̶amera. Machi kʉ̃risia kakawaa uru panad̶aabai panuu, maumaarã kʉ̃risia ab̶aud̶e ãbua biꞌia duanad̶ai panuu.

1 Corintios 10:1

Ãbarã, mʉʉba kʉ̃ria b̶uu machiba Moisés ewarid̶e makad̶a kĩrabad̶awẽa panad̶ai. Mau ewarid̶e joma dachi nabẽraed̶ebenarã Moisés baara nibaped̶aad̶a Dachi Akõreba bʉid̶a jʉ̃rʉara ekare nibasid̶au maud̶e Mar Purrd̶e kĩaraa wãsid̶au.

1 Corintios 12:1

Ãbarã, mʉʉba kʉ̃ria b̶uu Dachi Akõre Jauriba waubi b̶uu ʉ̃rʉbena machiba ãrea kuitaad̶ayu.

1 Corintios 14:20

Ãbarã, warr chekerã kĩra panásturu. Ãchiba kachirua ãrea adua panuu. Maamina Dachi Akõre Jauriba waubi b̶uu ʉ̃rʉbena chõrarã kĩra kʉ̃risia panásturu. Waa warr chekerã kĩra kʉ̃risiarã́sturu.

1 Corintios 14:26

Maud̶eeba ãbarã, ¿saka arakʉd̶e waud̶aima? Machi araa ãbua imiiduud̶e ab̶auba Dachi Akõre bed̶ead̶ebena kari karii b̶uu, ab̶auba Dachi Akõre bed̶ea jaradeai b̶uu, ab̶auba Dachi Akõreba unubid̶a jarai b̶uu, ab̶auba dachiba ũrid̶akau bed̶ead̶e berreai b̶uu maud̶e ab̶auba mau berread̶a kuitaa jarai b̶uu. Maamina joma mau waud̶ai panuu ãbarãba biꞌia ijãad̶amera.

1 Corintios 9:2

Waabenarã ãbarãba mʉ Jesucristoba bʉid̶a kʉ̃risiad̶awẽa panumina machiba kuitaad̶ai panuu mʉ biawãra ichiba bʉid̶abʉ. Mʉʉba jaradeasiid̶eeba machiba Dachi Mechiud̶e ijãasiid̶eeba mau unubi b̶uu.

2 Corintios 1:8

Ãbarã, maud̶eeba daiba kʉ̃ria panuu dai Asia druad̶e biawãra ãrea biꞌiwãe panaped̶aad̶a machiba mau kuitaad̶ai. Dai ãrea nebʉrad̶e panasiid̶eeba waa poyaa dauchia jãaduad̶aabai kʉ̃risiasid̶au maud̶e poyaa chokae panad̶aabai kʉ̃risiasid̶au.

2 Corintios 2:14

Dachi Akõremaa bichíturu kid̶ibai ad̶ai panuu. Jesucristoba joma poyaaped̶a jomaurã daad̶e puurud̶e dai adoeruu maud̶e daid̶eeba druacha ichi ʉ̃rʉbena kuitaabi b̶uu. Cristo ʉ̃rʉbena jaradea panuud̶e Dachi Akõre daad̶e dai kera kĩra tuwaa panuu. Maud̶e ichi ʉ̃rʉbena kuitaai, mau kera kĩra b̶uu. Chi Dachi Akõreba karibai panuu ẽbẽrarãba maud̶e chi karibaabai panuu ẽbẽrarãba mau kera ʉ̃badau.

Gálatas 3:15

Ãbarã, dachi ẽbẽrarãba ne waubadau kĩra berrearuu: ẽbẽraba waabena ome bed̶ea dead̶a kartad̶e b̶uped̶a ichi trʉ̃ mau kartad̶e b̶ʉʉruubʉrã ab̶au bid̶a mau bed̶ea b̶ʉd̶a poyaa ãyaa b̶ud̶aabai, maud̶e kʉ̃risia awara poyaa ed̶a b̶ʉd̶aabai.

Gálatas 6:18

Ãbarã, mʉʉba kʉ̃ria b̶uu Dachi Mechiu Jesucristoba ichi sõbiad̶eeba joma machi aid̶a b̶uai. Biꞌia b̶uu maka b̶uai.

Filipenses 1:22

Mʉ chokae b̶uud̶e Cristo ʉ̃rʉbena poyaa jaradea b̶uai. Maud̶eeba mʉʉba adua b̶uu kãare kʉ̃ria b̶uu, chokae b̶uai maebʉrã biui.

Filipenses 4:17

Mʉʉba id̶iwẽa b̶uu machiba ne urubʉid̶amera, maumaarã kʉ̃ria b̶uu biꞌia wau panuud̶eeba Dachi Akõreba machi biꞌia aid̶ai.

Colosenses 1:10

Maka machi poyaa jipa nibad̶ai Dachi Mechiuba kʉ̃ria b̶uu kĩra maud̶e ne jomad̶e ichiba machi biꞌia unui. Biawãra machiba ne joma biꞌia wau panuud̶eeba nejõo biꞌia chaubarii kĩra duanad̶ai maud̶e Dachi Akõre biꞌia unu kãribad̶ead̶ai.

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

1 Tesalonicenses 4:13

Ãbarã, daiba kʉ̃ria panuu machiba Jesusd̶e ijãabadaurã biuped̶aad̶a ʉ̃rʉbena kuitaad̶amera. Maka machi kĩra nomaad̶aabai Dachi Akõred̶e ijãad̶akaurã kĩra nomaabadau kĩra. Ãchi kĩra nomaabadau chi biuped̶aad̶a saka duanad̶ai kuitaad̶awẽed̶eeba.

2 Tesalonicenses 2:7

Ʉ̃raud̶aa chi kachirua miru waumaa b̶uu, maamina chi ida b̶uwẽa b̶uuba mau ẽbẽra kachirua nii ida neebiwẽa b̶uu. Maka b̶uai ab̶a Dachi Akõreba chi ida b̶uwẽa b̶uu ãyaa adoeruud̶aa.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.