Mateo 26:27 - Emberá Chamí

²⁷ Mau maad̶akare uva b̶aa basud̶e nub̶uu adauped̶a Dachi Akõremaa ichíturu kid̶ibai asii. Maabae ãchimaa deaped̶a jarasii: —Jomaurãba dósturu.

Mateo 26:27 ပူးပေါင်းရင်းမြစ်များ

Mateo 15:36

Mau maad̶akare mau 7 pan maud̶e chi b̶eda ichi juad̶e adauped̶a Dachi Akõremaa ichíturu kid̶ibai asii. Makaped̶a chi b̶eda maud̶e pan b̶ʉakuaped̶a ichi baara nibabadaurãmaa deasii dead̶akad̶amera. Maabae dead̶akasid̶au.

Mateo 26:26

Komaa panuud̶e Jesusba pan juad̶e adauped̶a Dachi Akõremaa biꞌia jarasii. Maabae b̶ʉaped̶a ichi baara nibabadaurãmaa deaped̶a jarasii: —Adáusturu. Kósturu. Nau mʉ kakuabʉ.

Mateo 26:28

Nau mʉ oabʉ. Mʉ oa cheeruuba Dachi Akõreba bed̶ea chiwid̶i dearuu ãrea ẽbẽrarãba kachirua wauped̶aad̶a perdonayua.

Lucas 22:20

Koped̶aad̶akare, ara mau kĩra basu ichi juad̶e adauped̶a jarasii: —Nau basud̶e b̶uu mʉ oa machi baita chei. Mʉ oad̶eeba Dachi Akõreba machi ome bed̶ea chiwid̶i dearuu.

1 Corintios 10:16

Dachi Mechiu kĩraba panuud̶e dachiba uva b̶aa basud̶e b̶uu ʉ̃rʉbena Dachi Akõremaa ichíturu kid̶ibai ad̶aped̶a dobadau. Mau dooduud̶e unubibadau dachi Cristo oad̶eeba ichi ome ãbua panuu. Maud̶e pan b̶ʉakuad̶a kooduud̶e unubibadau Cristo nau kakuad̶e ãrea biꞌiwãe b̶uasiid̶eeba dachi ichi ome ãbua panuu.

1 Corintios 11:28

Mau pan koi naed̶e, mau basud̶e b̶uu doi naed̶e dachicha ãrea ichiai b̶uu biawãra Dachi Mechiu wapea b̶uu kuitaai baita.