Mateo 22:24 - Emberá Chamí

²⁴ —Jaradeabarii, Moisesba jarasii ẽbẽra ab̶a warrwãe b̶uud̶e biuruubʉrã, ichi ãbaba chi pẽdrãa wẽra adaui b̶uu chi ãba biud̶a baita warr adaui baita.

Mateo 22:24 ပူးပေါင်းရင်းမြစ်များ

Mateo 22:16

Maud̶eeba fariseorãba ãchi baara nibabadaurã maud̶e Herodes jãkaa panuurã Jesusmaa bʉisid̶au. Maarãba Jesusmaa jarasid̶au: —Jaradeabarii, daiba kuitaa panuu bichi ẽbẽra jipa nii. Ab̶au bid̶a bichimaa awara kʉ̃risiabikau, bichiba joma ẽbẽrarã arab̶aud̶e unubariid̶eeba. Maumaarã biawãra Dachi Akõre o ʉ̃rʉbena jomaurãmaa jaradeabarii.

Mateo 22:25

Earab̶a dairãd̶e 7 ãbarã panasid̶au. Chi nabena miakãisii, maamina warr deawẽed̶e biusii. Maka chi wẽra chi mawãarebena ãba ome b̶eesii.

Mateo 22:36

—Jaradeabarii, Dachi Akõreba waubi b̶uu bed̶ead̶ebena ¿sãu chi aude mechiu b̶uma?

Mateo 7:21

»Ẽbẽrarãba mʉ ãchi Mechiu abadamina Bajãad̶e B̶uu juad̶e joma panad̶aabai. Mʉ chacha bajãad̶e b̶uuba ijãabadáuturu ichi juad̶e ua b̶uai.

Marcos 12:19

—Jaradeabarii, Moisesba dachi baita b̶ʉsii ẽbẽra ab̶a warrwãe b̶uud̶e biuruubʉrã, ichi ãbaba chi pẽdrãa wẽra adaui b̶uu chi ãba biud̶a baita warr adaui baita.

Lucas 20:28

—Jaradeabarii, Moisesba dachi baita b̶ʉsii ẽbẽra ab̶a warrwãe b̶uud̶e biuruubʉrã, ichi ãbaba chi pẽdrãa wẽra adaui b̶uu chi ãba biud̶a baita warr adaui baita.

Lucas 20:33

Mau 7 ãbarãba arab̶au wẽra ome miakãisid̶au. Makarã chokae jiradud̶ai ewarid̶e ¿sãu ãbaba mau wẽra uru b̶uaima?

Lucas 6:46

»¿Sakãe mʉ “Dai Mechiu, Dai Mechiu” abadama maamina mʉʉba jara b̶uu machiba waud̶akama?