Mateo 17:20 - Emberá Chamí

²⁰ Jesusba panausii: —Machiba ãrea Dachi Akõred̶e ijãad̶awẽa panuud̶eeba poyaad̶aabasii. Mʉʉba biawãra jaraaruu: mostaza taa kaebeara kĩra machiba b̶istĩika bid̶a ijãa panuubʉrã, nau eamaa namabena ãyaa b̶uad̶e wãse a jarad̶ai. Maud̶e ea ãyaa b̶uad̶e wãi. Maka ijãa panuubʉrã machiba poyaa waud̶akau wãꞌãe.

Mateo 17:20 ပူးပေါင်းရင်းမြစ်များ

Mateo 13:31

Jesusba maucha june nebʉrʉsii jaradeai baita: —Bajãad̶e B̶uuba ichid̶irã ichi juad̶e ua b̶uu nau kĩra b̶uu. Ẽbẽraba mostaza taa ichi druad̶e uusii.

Mateo 14:29

Ara makʉd̶e Jesusba jarasii: —¡Neese! Ara makʉd̶e Pedro jãbad̶ebena ed̶aa wãped̶a Jesusmaa bania ʉ̃rʉ kãribasii.

Mateo 17:17

Jesusba jarasii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Warr namaa enésturu.

Mateo 17:19

Mau maad̶akare Jesús baara nibabadaurã ichimaa wãd̶aped̶a ãchi du ab̶a id̶isid̶au: —¿Sakãe daiba jãu jai kachirua poyaa duabʉid̶aabasma?

Mateo 17:9

Ead̶ebena ed̶aa wãaduu nid̶aud̶e Jesusba ãchimaa naka jarasii: —Machiba unuped̶aad̶a ab̶aumaa bid̶a jararã́sturu ab̶a mʉ, chi Ẽbẽra Ba B̶uad̶a chokae jiraduuruud̶aa.

Mateo 21:21

Jesusba panausii: —Biawãra mʉʉba jarakuaruu: machiba id̶i panuu Dachi Akõreba biawãra waui ijãaduubʉrã, maud̶e ichiba poyaa waubai b̶uu kʉ̃risiad̶awẽebʉrã, mʉʉba jãu higo bakurumaa wausii kĩra audeara waud̶ai. Machiba nau eamaa jãmabena mard̶e b̶aed̶e wã́bad̶e aaduubʉrã, machiba jaraaduu kĩra makai.

Mateo 8:26

Jesusba panausii: —¿Sakãe wapea panuma? ¡Machi biꞌia ijãad̶awẽa panuu! Jaraped̶a, maabae chi pũatu iadaasii maud̶e mar ʉ̃rapemaa. Ara makʉd̶e chi mar joma apii nub̶eesii.

Marcos 11:22

Jesusba jarasii: —Machiba Dachi Akõred̶e ijãad̶ai panuu.

Marcos 11:23

Mʉʉba biawãra jaraaruu: barikiuba cha nau eamaa jãmabena mard̶aa wã́bad̶e aaruubʉrã, ichiba jaraaruu kĩra makai. Maamina ichi sõd̶e kʉ̃risiabai b̶uu ichiba jaraaruu makawẽe, maumaarã biawãra makai ijãai b̶uu.

Marcos 4:31

Mostaza taa kĩra nii. Mau mostaza taa joma dachiba uubadau audeara kaebeara nii.

Marcos 9:23

Maud̶e Jesusba jarasii: —Bichiba ¿saka mʉʉmaa poyaa karibai b̶uubʉrã a b̶uma? Ijãa b̶uubʉrã, mʉʉba joma poyaa karibai.

Lucas 1:37

Dachi Akõre baita poyaa waubai wãꞌãe.

Lucas 17:6

Dachi Mechiuba jarasii: —Mostaza taa kaebeara kĩra machiba b̶istĩika bid̶a ijãa panuubʉrã, cha b̶uu bakurumaa “bichi karr ẽetaped̶a mard̶e b̶uad̶e wãse” aaduud̶e mau bakuruba machi bed̶ea ijãai basii.

Lucas 18:27

Jesusba panausii: —Chi ẽbẽraba poyaa waukau, Dachi Akõreba mau poyaa waubarii.

Juan 11:40

Maamina Jesusba jarasii: —¿Mʉʉba jaraabaska bichiba biawãra ijãaruubʉrã, Dachi Akõre chi mechiu nii unui?

1 Corintios 12:9

Dachi Akõre Jauri ara ab̶a niiba chi nureemaa dea b̶uu poyaa ãrea ijãa panad̶amera. Maud̶e Dachi Akõre Jauri ara ab̶a niiba chi nureemaa dea b̶uu ẽpermo nuree poyaa aribiabiad̶amera.

1 Corintios 13:2

Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.

Hebreos 3:19

Maud̶eeba dachiba kuitaa panuu jãarãba ijãaped̶aad̶awãed̶eeba, Dachi Akõreba kʉrrjĩrubiaimaa poyaa wãd̶aabai.