Mateo 15:31 - Emberá Chamí

³¹ Ẽbẽra aria panuurãba unusid̶au chi bosara nuread̶a berreaduu, chi jua morraa nuread̶a aribiaduu, jʉ̃rʉ nʉka nuread̶a biꞌia nibad̶eaduu maud̶e dau pãriu nuread̶a unu panuu. Jomaurãba kãare kʉ̃risiad̶ai adua panasid̶aud̶eeba israeld̶ebenarã Akõremaa biꞌia berreasid̶au.

Mateo 15:31 ပူးပေါင်းရင်းမြစ်များ

Mateo 15:30

Maabae ẽbẽrarã ãrea ichi b̶uumaa neesid̶au. Maarãba jʉ̃rʉ nʉka nuree, dau pãriu nuree, bosara nuree, jua morraa nuree maud̶e waabenarã ẽpermo nureerã eneesid̶au. Mau joma Jesús kĩraare duanuud̶e neesid̶au. Maabae ichiba joma aribiabiasii.

Mateo 18:8

»Maud̶eeba bichi juaba maebʉrã bichi jʉ̃rʉba bichimaa kachirua waubiiruubʉrã, mau b̶ʉatutaped̶a jiratase. Bibuara b̶uu ewaricha Dachi Akõre ome b̶uai bichiba jua ab̶aburu maebʉrã jʉ̃rʉ ab̶aburu uru b̶uai, mau jua omea nii maud̶e jʉ̃rʉ omea nii tʉbʉ aoko kiikaud̶e jiratai bad̶amaarã.

Mateo 21:14

Jesús Dachi Akõre de mechiu dud̶a b̶uasiid̶e dau pãriu nuree maud̶e jʉ̃rʉ nʉka nuree ichimaa imisid̶au. Maud̶e ãchi aribiabiasii.

Mateo 8:10

Jesusba mau ũrisiid̶e biꞌia kʉ̃risiasii. Maabae ichi baara wãaduumaa jarasii: —Biawãra machimaa jaraaruu: nau ẽbẽraba ãrea ijãa b̶uu kĩra Israeld̶ebena ab̶a bid̶a unukau.

Mateo 9:32

Biawãra dau pãriu panad̶a wãaduu nid̶aud̶e ẽbẽra bosara nii maud̶e jai kachirua inii eneesid̶au.

Mateo 9:33

Jesusba mau jai kachirua duabʉisiid̶e chi bosara nibad̶a berrea kob̶eesii. Mau unusid̶aud̶e, chi aria panad̶aba kãare kʉ̃risiad̶ai adua basiid̶eeba jarasid̶au: —¡Israeld̶e wabid̶a nau unud̶akau!

Mateo 9:8

Mau unusid̶aud̶e chi aria duanuu pera duanuu kĩra bara b̶eesii. Maamina Dachi Akõremaa bed̶ea bia berreasid̶au, ichiba chi poyaabarii ẽbẽramaa deasiid̶eeba, kakua kachirua panuu aribiabimera.

Marcos 2:12

Ara makʉd̶e chi b̶akara bʉʉ b̶uad̶a jiraduped̶a ichi jira adoebadau adauped̶a jomaurã daad̶e wãsii. Maud̶eeba jomaurãba kuitaa kʉ̃risiad̶aabasii maud̶e Dachi Akõremaa biꞌia berrea duaneesid̶au. Naka jarasid̶au: —¡Nau kĩra dachiba unud̶aka basii!

Marcos 7:37

Chi ũriped̶aad̶arã pera bara b̶eesii maabae chiya berrea bara b̶eesii: «Biawãra b̶uu Jesusba joma biꞌia waubarii. ¡Kʉʉrʉ kiape b̶ee ũribiabarii maud̶e bosara nuree berreabiabarii!»

Marcos 9:43

Bichi juaba bichimaa kachirua waubiiruubʉrã, mau b̶ʉatutase. Bibuara b̶uu Dachi Akõre ome ewaricha juaswãe nii b̶uai, bichi jua omea inii tʉbʉchia aoko kub̶uu kiikaumaa wãi bad̶amaarã.

Lucas 14:13

Maud̶eeba bichiba ẽbẽrarã iuruud̶e chi ne wãꞌãe nuree, chi poyaa nibad̶akau, jʉ̃rʉ nʉka nuree, dau pãriu nuree iukuase.

Lucas 14:21

Chi chibari baita bari trajabarii waya wãped̶a maarãba jaraped̶aad̶a chi de chibarimaa jarasii. Maud̶eeba chi de chibariba ãrea kĩruped̶a ichi baita bari trajabariimaa jarasii: “Puurud̶aa isa wãse. Maabae chi ne wãꞌãe nuree, chi poyaa nibad̶akau, chi dau pãriu nuree maud̶e chi nʉka nuree joma imibiáse”.

Lucas 18:43

Ara makʉd̶e unu kob̶eesiid̶e Jesús kaad̶e nibad̶easii. Mauba Dachi Akõremaa ãrea biꞌia jara nibasii. Mau unuped̶aad̶arã bid̶a Dachi Akõremaa biꞌia jara paneesid̶au.

Lucas 7:16

Maud̶eeba chi aria panuu ãrea perasid̶au. Jomaurãba Dachi Akõre baita nau biꞌia jarasid̶au: —Biawãra Dachi Akõre baita berreabarii chi mechiu dachi tãed̶e neesii. Dachi Akõre ichi puuru karibad̶e nee b̶uu.

Juan 9:24

Maud̶eeba chi judiorã karrarãba chi dau pãriu b̶uad̶a waya iud̶aped̶a jarasid̶au: —Dachi Akõre trʉ̃d̶e daimaa mau ẽbẽra ʉ̃rʉbena biawãra jarase. Daiba kuitaa panuu mau kachirua waubarii.