Mateo 1:1 - Emberá Chamí

¹ Nau karta Jesucristo ʉ̃rʉbena. Jesucristo dachi nabẽrarã Abrahamd̶ebena maud̶e dachi rey Israeld̶ebena David naka neesii.

Mateo 1:1 ပူးပေါင်းရင်းမြစ်များ

Mateo 1:18

Jesucristo chi naweba adaud̶a naka b̶uasii: chi nawe María bed̶ea dea b̶uasii José ome miakãid̶ayu. Maamina José ome ãbua b̶eei naed̶e, Dachi Akõre Jauriba María warr baraabisii.

Mateo 1:2

Abraham Isaac akõre basii. Isaac Jacob akõre basii. Jacob Judá akõre basii maud̶e chi ãbarãd̶e.

Mateo 15:22

Maud̶e cananeobid̶a wẽra mau druad̶ebena Jesús niimaa neesii. Mau wẽraba naka jĩwa berrea kob̶eesii: —¡Mʉ Mechiu, Davidd̶ebena need̶a, mʉ kĩra chuburiáse! Mʉ kau jai kachiruaba ãrea biꞌiwãe b̶eebi b̶uu.

Mateo 3:16

Jesús boro ead̶akare doed̶abena wãaruud̶e bajãa ewa wãsii. Maud̶e Dachi Akõre Jauri paloma kĩra ichi ʉ̃rʉ neeruu unusii.

Mateo 9:27

Jesús mamabena wãsiid̶e dau pãriu nid̶au ome ichi kaad̶e b̶ia neesid̶au. Mau ẽbẽrarãba b̶ia kopanuuba jarasid̶au: —¡Jesús, Davidd̶ebena need̶a, dai kĩra chuburiáse!

Lucas 1:33

Ichi Jacobd̶ebena imiped̶aad̶arã chi mechiu b̶uai. Ewaricha ichid̶irã ichi juad̶e ua b̶uai.

Juan 7:42

¿Dachi Akõre bed̶ead̶e jara b̶uuwãe ichi Davidd̶ebena neei? ¿Chi David b̶uad̶a puuru Belend̶ebena neeika?»

Hechos 2:30

Maamina David Dachi Akõre baita berreabarii basii. Maud̶eeba kuitaa b̶uasii Dachi Akõreba biawãrad̶eeba jarasii chi ichid̶ebena neeruu ab̶a ichi bari israeld̶ebenarã rey b̶ui.

Romanos 1:3

Mau bed̶ea bia ichi Warr ʉ̃rʉbena jara b̶uu. Ichi Warr Dachi Mechiu Jesucristo nau kakuad̶e Israeld̶ebena rey Davidd̶ebena need̶abʉ. Maud̶e ichi biu b̶uad̶a chokae jiradusiid̶e Dachi Akõre Jauriba unubisii mau Dachi Akõre Warr joma poyaa nii.

Romanos 4:13

Dachi Akõreba Abrahammaa maud̶e ichid̶ebena imid̶ai bad̶a ẽbẽrarãmaa nau iujãa deai asii. Maamina maka jaraabasii Abrahamba Moisesba b̶ʉd̶a uru b̶uasiid̶eeba. Maumaarã maka jarasii Abraham nebʉraswãe nii asiid̶eeba. Maka nebʉraswãe nuree asii Abrahamba ichid̶e ijãasiid̶eeba.

Romanos 9:5

Ãchi nabẽraed̶ebenarã chi mechiurã nureasii. Ãchid̶ebena Cristo ẽbẽra kakuad̶e chi naweba adausii. Mau jomaurã Akõrebʉ. Ichimáburu dachiba ewaricha biꞌia berread̶ai panuu. Biꞌia b̶uu maka b̶uai.

Gálatas 3:16

Ara mau kĩra Dachi Akõreba Abrahammaa, maud̶e chi ichid̶ebena neei b̶uumaa jarasii mauba jomaurã karibai. Dachi Akõre bed̶ead̶e b̶ʉwẽa b̶uu «Abrahamd̶ebena imid̶ai ẽbẽrarã» ãrea ẽbẽrarã jara b̶uu kĩra. Maumaarã b̶ʉ kub̶uu Dachi Akõreba Abrahamd̶ebena neei b̶uumaa maka jarasii ab̶au ʉ̃rʉbenáturu berrea b̶uud̶eeba. Mau Cristobʉ.

1 Timoteo 2:5

Dachi Akõre ab̶aburu nii. Maud̶e chi ẽbẽrarã Dachi Akõre ome nebʉrad̶e panad̶a mau biꞌia nibabiabarii ab̶aburu nii. Mau ẽbẽra Jesucristobʉ.

2 Timoteo 2:8

Jesucristo kĩrabase. Ichi Davidd̶ebena need̶abʉ. Ichi biu b̶uad̶a Dachi Akõreba chokae jiradubisii. Mau bed̶ea bia ichi ʉ̃rʉbena mʉʉba jaradea b̶uu.

Apocalipsis 22:16

»Mʉ Jesusbʉ. Mʉʉba ángel ab̶a bajãad̶ebena bʉisii joma ãbarã nau iujãad̶e nureecha mau jarakuamera. Mʉ Davidd̶ebena need̶abʉ, ichid̶ebena need̶a kĩra b̶uu. Mʉ Daped̶ebena pusterrea ãrea koabarii abadau».