Marcos 9:50 - Emberá Chamí

⁵⁰ Biawãra tã ãrea bibuara nii, maamina chi kuyaa wãꞌãeruubʉrã ¿saka waya chi kuyaa b̶eeima? Maud̶eeba Dachi Akõre baita biꞌia nureásturu. Maud̶e ãbua jirukaraayuwãe nureásturu.

Marcos 9:50 ပူးပေါင်းရင်းမြစ်များ

Mateo 5:13

»Machi nau iujãad̶e tã kĩra nuree. Maamina chi kuyaa wãꞌãeruubʉrã ¿saka waya kuyaa b̶eeima? Biꞌiwãe b̶eei. Bibuara b̶uu od̶e jiratad̶ai ẽbẽrarãba biraduad̶amera.

Marcos 9:34

Ãchi chũpea paneesid̶au biawãra kĩru berrea panasiid̶eeba. Ãchi berrea duaneesid̶au kai chi aude mechiu nii kuitaad̶ayua.

Marcos 9:49

Dachi ãrea biꞌiwãe panuud̶eeba Dachi Akõre baita biꞌia nuread̶ai.

Romanos 12:18

Machiba jʉrʉ́sturu jomaurã ome jirukaraayuwãe panad̶ai baita.

2 Corintios 13:11

Ãbarã, kaad̶eare mʉʉba naka b̶ʉʉruu: kĩrajʉʉ panásturu, waya jipa wau panásturu, mʉʉba jara b̶uu wau panásturu, arab̶au kʉ̃risia uru panásturu maud̶e jirukaraayuwãe panásturu. Makarã chi Dachi Akõreba dachimaa kʉ̃riabiabarii maud̶e jirukaraayuwãe b̶uabiabarii machi ome b̶uai.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Efesios 4:29

Bed̶ea kachirua berrearã́sturu. Maumaarã bed̶ea biáturu berreásturu waabenarã aid̶ad̶ai baita. Maka machi bed̶ea ũri nuree biꞌia panad̶ai.

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

Colosenses 3:12

Dachi Akõreba machi kʉ̃riad̶eeba jʉrʉ adausii ichi baita biꞌia nuread̶amera. Maud̶eeba waabenarã kĩra chuburia panásturu. Ẽbẽra bia panásturu. Machi waabenarã audeara biꞌia nuree kʉ̃risiarã́sturu. Jomaurã ome kʉ̃risia biad̶eeba panásturu. Ne jomad̶e jãadua panásturu.

Colosenses 4:6

Bed̶ea biad̶eeba berreásturu jomaurãba biꞌia ũrid̶amera. Maka Cristo ʉ̃rʉbena id̶iiduud̶e machiba kuitaa panad̶ai saka panaud̶ai panuu.

1 Tesalonicenses 5:13

Ãchi ʉ̃rʉbena biꞌia kʉ̃risiásturu. Maarãba wau panuu kakua ãrea kʉ̃riásturu. Jomaurã ome biꞌia duanásturu.

2 Timoteo 2:22

Kũudrãarãba kachirua kʉ̃riabadau kĩra waurã́se. Mau kãyabãra jipa waui baita b̶uase. Jesusd̶e ijãa b̶uase. Jomaurã kʉ̃ria b̶uase. Jomaurã ome jirukaraayuwãe b̶uase. Dachi Mechiumaa ʉtaa id̶ibadaurã ome sõ jipa b̶uud̶eeba joma mau baara wã b̶uase.

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

Santiago 1:20

Dachi kĩruuduud̶e Dachi Akõreba jipa waubi b̶uu waud̶akau.

1 Pedro 3:8

Mau awara ãbarã, arab̶au kʉ̃risiad̶eeba joma machi ãbua biꞌia duanásturu. Waabenarã aid̶ad̶ai kʉ̃risia panásturu. Ãbarãd̶eeba chiya kʉ̃riásturu. Chiya kĩra chuburiásturu maud̶e waabena audeara biꞌia nuree kʉ̃risiarã́sturu.