Marcos 9:42 - Emberá Chamí

⁴² »Barikiuba mʉʉd̶e ijãa nuree chi mechiuwãe nureed̶ebena ab̶a kachiruad̶e b̶aebiiruubʉrã, Dachi Akõreba mau ẽbẽra ãrea kastikai. Maud̶eeba bibuara b̶uu mau ẽbẽra ostad̶e kũruma jʉ̃d̶aped̶a mard̶e jiratad̶ai.

Marcos 9:42 ပူးပေါင်းရင်းမြစ်များ

Mateo 17:27

Dachi Mechiu ẽbẽrarãmina, mau chi nejarra dead̶ai, ẽbẽrarãba kachirua kʉ̃risiarãad̶amera dachi ʉ̃rʉbena. Maud̶eeba mard̶aa b̶eda ʉad̶e wãse. Chi b̶eda naa bearuu okarrd̶e sẽetao ab̶a unui. Mau chi nejarra adoeped̶a dease mʉʉba deai bad̶a maud̶e bichiba deai bad̶a.

Mateo 18:10

»Warr chekerã kʉ̃riad̶ai ida b̶urã́sturu. Mʉʉba jaraaruu: angelerã mʉ Chacha daad̶e panuuba ãchi nubadau.

Mateo 18:6

»Barikiuba mʉʉd̶e ijãa nuree chi mechiuwãe nureed̶ebena ab̶a kachiruad̶e b̶aebiiruubʉrã, Dachi Akõreba mau ẽbẽra ãrea kastikai. Maud̶eeba bibuara b̶uu mau ẽbẽra ostad̶e kũruma waib̶ʉa b̶uu jʉ̃d̶aped̶a mard̶e jiratad̶ai ʉ̃yaba jãri biumera.

Hechos 9:4

Mauba Saulo jeed̶a b̶aebisii. Maud̶e bed̶ea ũrisii. Mau bed̶eaba jarasii: —Saulo, Saulo, ¿sakãe mʉ kachirua waui baita wãraa b̶uma?

Romanos 14:13

Maud̶eeba ab̶auba wau b̶uu ʉ̃rʉbena waa kachirua berread̶aabai panuu. Maumaarã sõd̶eeba naka kʉ̃risiad̶ai panuu: dachiba wau panuud̶eeba ãba ab̶a bid̶a kachiruad̶e b̶aebid̶aabai panuu.

Romanos 15:21

Maka mʉʉba Dachi Akõre bed̶ead̶e b̶ʉ kub̶uu kĩra wau b̶uu. Naka b̶ʉ kub̶uu: «Ichi ʉ̃rʉbena jarad̶awẽa panuurãmaa, ãchiba ũrid̶ai. Ichi ʉ̃rʉbena ũrid̶awẽa panuurãba kuitaad̶ai».

Romanos 16:17

Ãbarã, mʉʉba machimaa chi chuburia id̶iiruu kauwa nuread̶amera. Waabenarãba ãbarãmaa aꞌawaraa kʉ̃risiabiabadau. Chi machiba biawãra bed̶ea kuitaaped̶aad̶a ãchiba ãyaa jaradeabadau. Mau ẽbẽrarã ome ãbua panarã́sturu.

2 Corintios 6:3

Dai ʉ̃rʉbena ab̶aumaa kachirua unubid̶awẽa panuu, ab̶au bid̶a kachirua berrearãad̶amera daiba jaradeabadau ʉ̃rʉbena.

Filipenses 1:10

Maka machiba ãrea kuitaad̶ai kãare biꞌia b̶uu maud̶e Cristo neeruud̶e ichi daad̶e kachiruaswãe nuread̶ai maud̶e machi ʉ̃rʉbena kachirua jarad̶ayuswãe nuread̶ai.

1 Timoteo 5:14

Maud̶eeba mʉʉba kʉ̃ria b̶uu pẽdrãa wabid̶a chõodraawãe nuree miakãid̶ai, warr adaud̶ai, maud̶e ãchi de sid̶a biꞌia nud̶ai. Maka dachi kĩramaabadauba poyaa kachirua berread̶aabai.

2 Pedro 2:2

Maarãba waabenarã daad̶e ãrea mianejasia waubadau, ẽbẽrarã ãreaba ara mau kĩra waud̶ai. Maarã ʉ̃rʉbena ẽbẽrarãba chi biawãra bed̶ea kakua kachirua berread̶ai.