Marcos 9:25 - Emberá Chamí

²⁵ Jesusba ẽbẽrarã araa pĩchuka imiiduu unusiid̶eeba chi jai kachirua naka iadaasii: —Jauri kachirua kʉʉrʉ kiapebibarii maud̶e bosara babibarii, mʉʉba bichimaa jaraaruu: nau warr kakuad̶ebena awara wãse. Waya ichi kakuad̶e ed̶a wãrã́se.

Marcos 9:25 ပူးပေါင်းရင်းမြစ်များ

Mateo 12:22

Maabae ẽbẽra jai kachirua bara nii Jesusmaa eneesid̶au. Mau ẽbẽra dau pãriu b̶uasii maud̶e bosara b̶uasii. Jesusba ichi aribiabisii berreamera maud̶e unu nibad̶eamera.

Mateo 17:18

Jesusba chi jai kachirua iadaasiid̶e chi warr kakuad̶ebena wãsii. Ara makʉd̶e chi warr aribiasii.

Marcos 9:15

Jesús unusid̶aud̶e jomaurãba ãrea kuitaa kʉ̃risiad̶aabasii. Ara makʉd̶e ichimaa pira wãd̶aped̶a biꞌia irsibisid̶au.

Marcos 9:24

Ara makʉd̶e chi akõreba jĩwa jarasii: —Mʉʉba ijãa b̶uu maamina karibase aude ijãai baita.

Marcos 9:26

Ara makʉd̶e chi jai kachirua b̶iaped̶a waya chi warr ãrea wawabisii. Maabae ichi kakuad̶ebena wãsii maamina chi warr biud̶a kĩra b̶aesii. Maud̶eeba chi aria panuuba jarasid̶au: —¡Ay, jãu warr biusii!

Lucas 11:14

Earab̶a Jesusba jai kachirua duabʉisii. Mau jai kachiruaba ẽbẽra bosara babi b̶uasii. Chi jai kachirua wãsiid̶e chi bosara nibad̶a berreasii. Mau unusid̶aud̶e ẽbẽrarãba kãare kʉ̃risiad̶ai adua basii.

Lucas 4:35

Maud̶eeba Jesusba ichimaa naka jarasii: —Chũpea b̶uase. Jãu mukĩra kakuad̶ebena awara wãse. Ara makʉd̶e chi jai kachiruaba ẽbẽrarã tãed̶e b̶aebiped̶a awara wãsii, mau ẽbẽra puꞌuabiwẽa.

Lucas 4:41

Maud̶e jai kachiruarã joma duabʉikasii. Wãaduud̶e naka b̶ia jarasid̶au: «¡Bichi biawãra Dachi Akõre warrbʉ!» Ãchiba kuitaa panasid̶au ichi Dachi Akõreba Dachi Karibabarii deai jarad̶a. Maud̶eeba Jesusba ãchi iadaabachii chũpead̶amera.

Lucas 8:29

Jauri kachiruaba maka jarasii Jesusba jarad̶ad̶eeba mau ẽbẽra kakuad̶ebena awara wãmera. Ewari ãrea b̶uasii mau jai kachiruaba ẽbẽra kachirua wau uru b̶uu. Waabenarãba chi mau mukĩra kaenaba jʉ̃d̶aped̶a kauwa nubachid̶amina chi kaena tuikuaped̶a ẽbẽra wãꞌãemaa chi jai kachiruaba adoebachii.

Lucas 9:42

Chi warr Jesusmaa wãaruud̶e chi jai kachiruaba chi warr jeed̶a b̶aebiped̶a ãrea wawabisii. Maamina Jesusba chi jai duabʉisii. Chi warr aribiabid̶a chi akõremaa deasii.

Hechos 16:18

Ichiba ewari ãrea maka jĩwa b̶ia nibasiid̶eeba Pablo waa ũri kʉ̃riabasii. Ichimaa ichiaped̶a chi jai kachiruamaa jarasii: —Mʉʉba Jesucristo trʉ̃d̶eeba bichimaa jaraaruu: nau ãwerad̶ebena ãyaa wãse. Ara makʉd̶e chi jai kachirua wãsii.

Judas 1:9

Maamina chi ángel aude mechiu nii Miguel abadauba maka wauka basii. Moisés biusiid̶e Miguel chi mau kakua ʉ̃rʉbena jʉbawãe nii ome chi kai juad̶e b̶eei ʉ̃rʉbena kĩru berreasid̶au. Maamina jʉbawãe niimaa kachirua jarai kʉ̃risiabasii, maumaarã jarasii: «Dachi Mechiuba bichi kastikai».