Marcos 8:31 - Emberá Chamí

³¹ Maad̶akare Jesusba ichi baara nibabadaurãmaa jara kob̶eesii ichi ãrea biꞌiwãe b̶uai b̶uu. Naka jarasii: —Puurud̶ebena jaradea ua b̶uabadaurãba, paare mechiurãba maud̶e Moisesba b̶ʉd̶a jaradeabadaurãba mʉ, chi Ẽbẽra Ba B̶uad̶a, ida b̶ud̶aped̶a beabid̶ai. Maamina mʉ ewari õbead̶e chokae jiradui.

Marcos 8:31 ပူးပေါင်းရင်းမြစ်များ

Mateo 12:40

Jonás b̶eda mechiu b̶id̶e ewari õbea maud̶e ẽsabud̶e b̶uad̶a kĩra mʉ, chi Ẽbẽra Ba B̶uad̶a ewari õbea maud̶e ẽsabud̶e, ioro ekare b̶uai.

Mateo 21:42

Maud̶e Jesusba ãchimaa jarasii: —Ara mau kĩra Dachi Akõreba machi audeara waabenarã ichi juad̶e ua b̶uai. Maarãburu ichiba kʉ̃ria b̶uu waud̶ai. Machiba ¿Dachi Akõre bed̶ea ed̶a jarad̶awẽa panuu kĩra? Naka jara b̶uu: “Chi mo chi de waubadaurãba ida b̶uped̶aad̶a, mau chi biara b̶eesii. Dachi Mechiuba maka waud̶ad̶eeba dachimaarã ãrea biꞌia b̶uu”.

Mateo 27:63

—Dai chibari, daiba kĩraba panuu jãu ẽbẽra seta id̶aa nii wabid̶a chokae b̶uasiid̶e naka jarasii: “Mʉ ewari õbead̶e chokae jiradui”.

Marcos 12:10

Machiba ¿Dachi Akõre Bed̶ea b̶ʉd̶a ed̶a jarad̶awãe panuka? Naka jara b̶uu: “Chi mo chi de waubadaurãba ida b̶uped̶aad̶a, mau chi biara b̶eesii.

Lucas 17:25

Maamina mau ewari neei naed̶e mʉ ãrea biꞌiwãe b̶uu. Maud̶e id̶ibaebena ẽbẽrarãba mʉ kʉ̃riad̶ai ida b̶ud̶ai.

Lucas 24:26

¿Dachi Akõreba Dachi Karibabarii deai jarad̶a chi Mechiu b̶eei naed̶e biꞌiwãe b̶uai baska?

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Juan 12:48

Maamina chi mʉ ida b̶uu b̶uuba, mʉ bed̶ea ũri kʉ̃riawẽeba, mau Dachi Akõréburu kastikai. Kaad̶ebena ewarid̶e Dachi Akõreba kuitaabii mau mʉʉba jarad̶a bed̶ea ijãabasiid̶eeba.

Juan 2:19

Jesusba panausii: —Nau de mechiu ãriiduubʉrã, mʉʉba ewari õbead̶e waya waui.

Hechos 7:35

»Israeld̶ebenarãba Moisés ida b̶usid̶au. Ichimaa naka jarasid̶au: “¿Kaiba bichi dai karr b̶usma? ¿Kaiba bichi dai juez b̶usma?” Maamina ara mau Moisés Dachi Akõreba Egiptod̶aa bʉisii israeld̶ebenarã jaradea ua b̶uabarii b̶uamera maud̶e ãchi mamauba adoemera. Chi ángel bakuru jeed̶aa nub̶uud̶e need̶a poyaad̶eeba maka wausii.

1 Corintios 15:4

Ichi jau b̶usid̶au, maabae ewari õbead̶e biud̶a bad̶a chokae jiradusii Dachi Akõre bed̶ead̶e b̶ʉ kub̶uu kĩra.