Marcos 8:25 - Emberá Chamí

²⁵ Jesusba waya ichi jua chi ẽbẽra dau ʉ̃rʉ kub̶usii. Maud̶e ichi dau aribiasiid̶eeba joma ʉ̃d̶aa unu kob̶eesii.

Marcos 8:25 ပူးပေါင်းရင်းမြစ်များ

Mateo 13:12

Ab̶auba biawãra kuitaaruubʉrã, Dachi Akõreba aude kuitaabii. Maamina chi adua niiba ne kuitaa b̶uu kʉ̃risiaruubʉrã ichiba kʉ̃risia b̶uu Dachi Akõreba mau juakaa adaui.

Marcos 8:24

Maabae ad̶u ichiaped̶a jarasii: —Mʉʉba ẽbẽrarã bakuru kĩra nid̶au unu b̶uu.

Marcos 8:26

Jesusba ichimaa naka jarasii: —Deed̶aa wãaruud̶e puurud̶aa wãrã́se. Mʉʉba waud̶a ab̶aumaa bid̶a jararã́se.

Hechos 1:10

Wabid̶a Jesús ʉtaa wãd̶amaa ichia panuud̶e, ãchi kaita ẽbẽra ome neesid̶au. Maarã paru jʉ̃ panuu torroa ãrea b̶uasii.

Hechos 14:9

Mau ẽbẽraba ũri akʉ b̶uasii Pabloba Jesús ʉ̃rʉbena berreamaa b̶uu. Pabloba maumaa ichiaruud̶e kuitaasii ichiba biawãra ijãa b̶uu Jesusba ichi poyaa aribiabii.

Filipenses 1:6

Mʉʉba nau biawãra kuitaa b̶uu: Dachi Akõreba chi machi sõd̶e traju biꞌia waud̶a biꞌia kãrii ab̶a Jesucristo neeruud̶aa. Maud̶e ichiba machi joma biꞌia ua b̶uai.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.