Marcos 6:21 - Emberá Chamí

²¹ Kaad̶aa Herodiasba Juan saka beabii kuitaasii. Naka b̶uasii: chi jaradea ua b̶uabarii Herodes chi naweba adaud̶a ewari neesiid̶e chiko kobadau ãrea waubiasii. Ichid̶irã chi mechiurã, chi kokoroarã jaradea ua b̶uabadaurã maud̶e Galilea druad̶ebena chi mechiu nuree iukuasii ichi baara kod̶amera.

Marcos 6:21 ပူးပေါင်းရင်းမြစ်များ

Lucas 3:1

Tiberio César 15 años Romad̶ebena chi aude mechiu niid̶e Poncio Pilato Judea druad̶e chi jaradea ua b̶uabarii basii. Herodes Galilea druad̶e chi jaradea ua b̶uabarii basii. Chi ãba Felipe Traconite druad̶e maud̶e Iturea druad̶e chi jaradea ua b̶uabarii basii. Lisánias Abilene druad̶e chi jaradea ua b̶uabarii basii.

Hechos 25:23

Norema Agripa Berenice ome chi juez ded̶e ed̶a wãsid̶aud̶e paru bia jʉ̃ panasid̶au. Maud̶e kokoroarã mechiurã maud̶e puurud̶ebena chi mechiurã ed̶a wãurisid̶au. Maabae Festoba Pablo eneebisii.

1 Pedro 4:3

Naed̶e machiba kachirua wau nureasii Dachi Akõred̶e ijãad̶akaurãba waubadau kĩra. ¡Ara basma! ¡Waa maka waurã́sturu! Waabenarã daad̶e ãrea kĩra nejasia waubachid̶au, nau kakuaba kachirua wau kʉ̃ria b̶uu waubachid̶au, itua biu nibabachid̶au, kĩrajʉʉ ewari waubadaud̶e ãrea kachirua waubachid̶au, waabenarã baara itua ãrea dobachid̶au maud̶e Dachi Akõre kuenda juaba ne kaped̶aad̶amaa ʉtaa id̶ibachid̶au. Mau Dachi Akõreba kʉ̃riakau.

Apocalipsis 11:10

Chi ẽbẽrarã nau iujãad̶ebena mau biuped̶aad̶a kakua kĩrajʉʉd̶ai. Kĩrajʉʉba ne kaebea bia ãchiba chiya bari dead̶akad̶ai, Dachi Akõre baita berreabadaurãba maarã ãrea biꞌiwãe panabiasid̶aud̶eeba.