Marcos 6:20 - Emberá Chamí

²⁰ Herodesba Juan wapea b̶uasii, mau ẽbẽra jipa nii maud̶e Dachi Akõre baita nii kuitaa b̶uasiid̶eeba. Maud̶eeba Juan nu uru b̶uasii. Maud̶e Juanba jaradea b̶uu ũrii kʉ̃ria b̶uabachimina ãrea apiid̶aubachii.

Marcos 6:20 ပူးပေါင်းရင်းမြစ်များ

Mateo 14:5

Juan beabii kʉ̃ria b̶uasmina puurud̶ebenarã wapea b̶uasiid̶eeba poyaa makawẽa b̶uasii. Puurud̶ebenarãba kʉ̃risia panasii Juan Dachi Akõre baita berreabarii.

Mateo 21:26

Maamina ¿saka jarad̶aima mau ẽbẽrarãba bʉiped̶aad̶a?» Chi ẽbẽrarã wapea panasid̶au, Juan biawãra Dachi Akõre baita berreabarii basii a kʉ̃risiasid̶aud̶eeba.

Marcos 11:18

Mau bed̶ea ũrisid̶aud̶e paare mechiurã maud̶e Moisesba b̶ʉd̶a jaradeabadaurãba Jesús wapeasid̶au ichiba jaradea b̶uu jomaurãba biꞌia ũrisid̶aud̶eeba. Maad̶akare saka bead̶ai jʉrʉ kopaneesid̶au.

Marcos 4:16

Netaa mo id̶aa b̶uud̶e pod̶a nau jara b̶uu: waabenarã ẽbẽrarãba Dachi Akõre bed̶ea ũrid̶aped̶a ãrea kĩrajʉʉ ũribadau.

Juan 5:35

Juan ʉ̃d̶aa koabarii kĩra nibasii. Machi ichi ʉ̃d̶aad̶e kĩrajʉʉ panasid̶au ichi machi baara ãrea b̶uabasmina.

Hechos 2:12

Maud̶eeba jomaurãba kuitaa kʉ̃risiad̶aabasiid̶eeba naka jara duaneesid̶au: «¿Nau kãare jara kʉ̃ria b̶uma?»

Hechos 5:24

Mau ũrisid̶aud̶e, Dachi Akõre de mechiu nubadaurã chi jaradea ua b̶uabariiba maud̶e chi paare mechiurãba kãare kʉ̃risiad̶ai adua basii maud̶e jãabae kãare sãaima chiya maka a id̶isid̶au.