Marcos 5:35 - Emberá Chamí

³⁵ Jesús wabid̶a berreamaa b̶uud̶e, Jairo ded̶ebena ẽbẽrarã need̶aped̶a maabae Jairomaa jarasid̶au: —Bichi kau biusii. ¿Sakãe chi Jaradeabarii ome wabid̶a berrea b̶uma?

Marcos 5:35 ပူးပေါင်းရင်းမြစ်များ

Mateo 26:10

Maamina Jesusba mau ũrisiid̶e jarasii: —¿Sakãe jãu wẽra iadaa panuma? Jãuba waud̶a mʉ baita biꞌia b̶uu.

Mateo 26:18

Jesusba panausii: —Jerusalend̶e dachiba unubadau ẽbẽramaa wã́sturu. Ichimaa naka jarásturu: “Dachi Jaradeabariiba jara b̶uu ichi ewari ara kaita b̶uu. Ichiba maud̶e ichi baara nibabadaurãba Pascua ewarid̶e chi kobadau bichi ded̶e kod̶ai”.

Mateo 9:18

Jesusba maka jaradeamaa b̶uud̶e judiorã chi karr mechiu neesii. Mau ẽbẽra Jesús daad̶e õdarrd̶e kob̶eeped̶a jarasii: —Mʉ kau ara ʉ̃ra biusii. Maamina bichi wãaruubʉrã maud̶e bichi jua jãu ʉ̃rʉ kub̶uuruubʉrã waya chokae nibabii.

Marcos 10:17

Maad̶akare Jesús wãaruud̶e ẽbẽra ichimaa pira neesii. Mau ẽbẽra Jesús daad̶e õdarrd̶e kob̶eeped̶a id̶isii: —Jaradeabarii bia nii, Dachi Akõre ome ewaricha chokae b̶uai baita ¿mʉʉba kãare waui b̶uma?

Marcos 5:22

Maka b̶uud̶e ẽbẽra Jairo abadau neesii. Mau ẽbẽra judiorã araa ãbua imibadau ded̶e chi karr basii. Mau Jesús kaita neeped̶a ichi jʉ̃rʉ kaita õdarrd̶eeba kob̶eeped̶a,

Lucas 8:49

Wabid̶a aria berrea panuud̶e Jairo ded̶ebena ab̶a neeped̶a Jairomaa naka jarasii: —Bichi kau biusii. Jaradeabarii ida b̶use.

Juan 11:21

Martaba Jesús unusiid̶e jarasii: —Mʉ Mechiu, bichi nama b̶uad̶a basirã mʉ ãba biubai basii.

Juan 11:25

Jesusba jarasii: —Mʉ biud̶arã chokae jiradubiabarii maud̶e chokae b̶uai deabarii. Barikiuba mʉʉd̶e ijãaruubʉrã, biurumina ewaricha Dachi Akõre ome chokae nibai.

Juan 11:28

Makaped̶a Marta wãsii ichi neekaumaa. Maabae chũpea jarasii: —Chi Jaradeabarii nama b̶uu. Ichiba bichimaa ne jara kʉ̃ria b̶uu.

Juan 11:32

María Jesús b̶uumaa neesiid̶e maud̶e ichi unusiid̶e jʉ̃rʉ kaita õdarrd̶e kob̶eesii. Maud̶e jarasii: —Mʉ Mechiu, bichi nama b̶uad̶a basirã, mʉ neewau biubai basii.

Juan 11:39

Maud̶e Jesusba jarasii: —Jãu mo ãyaa bʉrásturu. Marta, chi biud̶a neekauba Jesusmaa jarasii: —Mʉ Mechiu, jãu biud̶a ewari kimare baaruud̶eeba mikia kub̶uẽka.

Juan 5:25

Mʉʉba biawãra jaraaruu: chi ewari neei b̶uad̶a jãabae neesii. Id̶iid̶eeba biud̶a kĩra nureeba mʉ, Dachi Akõre Warr bed̶ea ũrid̶ai. Chi mʉʉd̶e ijãaduu chokae panad̶ai.