Marcos 5:15 - Emberá Chamí

¹⁵ Jesús b̶uumaa neesid̶aud̶e, mau mukĩra jai kachiruarã uru b̶uad̶a unusid̶au. Mau paru jʉ̃ped̶a akʉ b̶uu maud̶e kĩrabia b̶uu unusid̶aud̶e, perasid̶au.

Marcos 5:15 ပူးပေါင်းရင်းမြစ်များ

Mateo 12:29

Ẽbẽra dadarraa nii naa jʉ̃wẽebʉrã, ¿saka ichi ded̶e ed̶a nechiruad̶e wãima? Ab̶a maka jʉ̃ nub̶uuruubʉrã poyaa chiruai b̶uu.

Mateo 26:53

Mʉ Chachamaa id̶iiruud̶e maabae ichiba angelerã ãrea bʉikai. ¿Bichiba mau adua b̶uka?

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Mateo 9:33

Jesusba mau jai kachirua duabʉisiid̶e chi bosara nibad̶a berrea kob̶eesii. Mau unusid̶aud̶e, chi aria panad̶aba kãare kʉ̃risiad̶ai adua basiid̶eeba jarasid̶au: —¡Israeld̶e wabid̶a nau unud̶akau!

Marcos 5:14

Maud̶e chi sina nu panad̶a pira wãsid̶au. Ãchiba unuped̶aad̶a nebʉrʉsid̶au chi puurud̶ebenarãmaa maud̶e puuru joma aude ara kaita b̶eemaa. Maarãba chi makad̶a ichiad̶e neesid̶au.

Marcos 5:16

Chi mau unuped̶aad̶aba waabenarãmaa nebʉrʉsid̶au chi jai kachirua uru b̶uad̶a maud̶e sinarã ome kãare sãad̶a.

Marcos 5:18

Jesús jãbad̶e atausiid̶e chi jai kachirua uru b̶uad̶aba chi chuburia id̶isii ichi ome wãi baita.

Marcos 5:4

B̶es ãrea ichi kaenaba jʉ̃rʉ maud̶e jua jʉ̃bachid̶amina ab̶aed̶e joma tuikuabachii. Ichi ome ab̶au bid̶a poyaad̶aka basii.

Marcos 5:9

Maabae Jesusba chi jai kachiruamaa id̶isii: —¿Bichi trʉ̃ kaima? Chi jai kachiruaba panausii: —Mʉ trʉ̃ Legionbʉ, dai ãread̶eeba.

Lucas 10:39

Martaba neekau uru b̶uasii María abadau. María Jesús jʉ̃rʉ kaita akʉ b̶uasii mauba jaradea b̶uu ũrii baita.

Lucas 8:27

Jesús jãbad̶ebena ed̶aa wãaruud̶e mukĩra mau puurud̶ebena ichimaa neesii. Mau mukĩra jai kachirua inibasii. Ãrea ba b̶uasii mauba paru jʉ̃ka basii. Ded̶e bid̶a b̶uaka basii, maumaarã biud̶arã jau b̶ubadaumare chob̶ead̶e b̶uabachii.

Colosenses 1:13

Dachi Akõreba chi jʉbawãe nii pãriud̶ebena dachi karibaped̶a b̶usii ichi Warr kʉ̃ria nii juad̶e ichid̶irã baara ua b̶uamera.

2 Timoteo 1:7

Dachi Akõreba dachi sõ wapea panabiabasii, maumaarã dachi poyaabarii panabiasii, waabenarã kʉ̃ria uru panabiasii, maud̶e dachi kakua saka kĩra jipa panad̶ai kuitaabiasii.