Marcos 2:18 - Emberá Chamí

¹⁸ Mau ewarid̶e Juan chi Boro Eabarii baara nibabadaurãba maud̶e fariseorãba chiko kod̶akau ewari wau panasid̶au. Maka panuud̶e waabenarã Jesusmaa need̶aped̶a id̶isid̶au: —Juan chi Boro Eabarii baara nibabadaurãba maud̶e fariseorãba chiko kod̶akau ewari waubadau. Maamina bichi baara nibabadaurãba ¿sakãe maka waud̶akama?

Marcos 2:18 ပူးပေါင်းရင်းမြစ်များ

Mateo 23:5

»Ãchiba ne joma waubadau waabenarãba biꞌia unud̶amera. Dachi Akõre bed̶ea kartad̶e b̶ʉd̶a ũabisa kaebeud̶e ed̶a b̶ud̶aped̶a ãchi daub̶ʉʉrʉd̶e jʉ̃badau maud̶e juapotad̶e bid̶a jʉ̃badau. Maamina chi ũabisa jõparrea waubadau waabenarãba biꞌia unud̶amera. Maud̶e mau baita ãchiba paru id̶e kapipia deseroa b̶ee kaapirud̶aped̶a jʉ̃badau.

Mateo 6:16

»Machiba Dachi Akõre baara b̶uayua chiko kod̶akau ewari wauduud̶e kĩra nomaa paneerã́sturu setaa ẽbẽra bia nuree abadaurãba waubadau kĩra. Ãchi mau kĩra panabadau jomaurãba kuitaad̶amera chiko kod̶akau ewarid̶e wau panuu. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba, mau berreaped̶aad̶a kakua Dachi Akõreba ne bia aude uru panabiabai.

Mateo 6:18

Makarã ẽbẽrarãba kuitaad̶aabai bichiba chiko kod̶akau ewari wau b̶uu. Ab̶a bichi Akõréburu kuitaai. Bichiba ne bia mirubia wau b̶uu bichi Akõreba unubarii. Ichiaburu bichimaa ne bia deai.

Marcos 2:19

Jesusba panausii: —Kãibadau kĩrajʉʉ ewari wau b̶uud̶e ¿kaiba chiko kod̶akau ewari wauima? Mau mukĩra wabid̶a ichiba iud̶arã baara b̶uumisa chiko kod̶akau ewari waud̶aabai.

Lucas 18:12

Misacha b̶es ome Dachi Akõre baara b̶uayua kokau ewari waubarii, maud̶e ne kaebea 10 irsibibariid̶ebena mʉʉba bichimaa ab̶a deabarii”.

Romanos 10:3

Ãchiba unud̶akau saka Dachi Akõreba ẽbẽrarã ichi jipa nuree baara duanui, ichiba bed̶ea dead̶a kĩra. Maumaarã mau ida b̶ud̶aped̶a ara ãchiba wau panuuba jʉrʉ panuu Dachi Akõre puuru jipa b̶uu bad̶ai baita.