Marcos 16:18 - Emberá Chamí

¹⁸ Ãchi juaba dama jidaud̶ai. Nearãa dooduubʉrã mauba kachirua waubai. Maud̶e chi ẽpermo nuree ʉ̃rʉ ãchi jua kub̶uuduud̶e aribiabiad̶ai».

Marcos 16:18 ပူးပေါင်းရင်းမြစ်များ

Marcos 5:23

naka chi chuburia id̶isii: —Mʉ kau biumaa b̶uu. Bichi jua ichi ʉ̃rʉ kub̶ud̶e neese aribiamera.

Lucas 10:19

Mʉʉba machimaa poyaabarii deasii jʉbawãe nii poyaad̶amera maud̶e dama ʉ̃rʉ, dusũri ʉ̃rʉ bid̶a poyaa tʉad̶amera. Ab̶au bid̶a machi poyaa kachirua waubai.

Hechos 19:12

Barikiu paru Pabloba jʉ̃ b̶uad̶a ẽbẽrarãba chi ẽpermo nureerãmaa adoebachid̶au. Mauba chi ẽpermo nuree aribiabiabachid̶au maud̶e jai kachiruarã sid̶a ẽbẽrarã kakuad̶ebena duabʉibachid̶au.

Hechos 3:12

Pedroba mau unusiid̶e jarasii: «Machi Israeld̶ebena, ¿sakãe machi kʉ̃risia baraa panuma? ¿Sakãe daimaa ichia panuma? ¿Kʉ̃risia panuka ara daid̶eeba maebʉrã dai Dachi Akõre daad̶e jipa panuud̶eeba nau ẽbẽra aribiabisid̶au? ¡Makawãema!

Hechos 3:16

Ara mau Jesús poyaabariiba nau ẽbẽra machiba unubadau aribiasii. Daiba ijãa panuu Jesusba chi ẽpermo nuree aribiabiabarii. Maka ijãa panuud̶eeba nau ẽbẽra biawãra aribiasii. Mau machiba arakʉd̶e unu panuu.

Hechos 4:10

Maka b̶uubʉrã daiba machi daad̶e jaraaduu machi joma israeld̶ebenarãba kuitaad̶amera. Nau ẽbẽra machi daad̶e ʉkʉ nub̶uu Jesucristo Nazaretd̶ebena poyaad̶eeba aribiabisii. Mau Jesucristo machiba cruzd̶e jirab̶u beasid̶au, maamina Dachi Akõreba ichi chokae jiradubisii.

Hechos 4:22

chi ẽbẽrarãba ne poyaa waud̶akauba aribiabisiid̶e, mau ẽbẽra 40 años wãyaa uru b̶uasiid̶eeba.

Hechos 4:30

Bichi poyaabarii sid̶a dease chi ẽpermo nuree aribiabiad̶ai baita maud̶e bichi baita bari trajabarii jipa nii Jesús trʉ̃d̶eeba ẽbẽrarãba ne poyaa waud̶akau waud̶ai baita».

Hechos 9:34

Maud̶e Pedroba jarasii: —Eneas, Jesucristoba bichi aribiabisii. ¡Jiraduse! Bichi kʉd̶a tõse. Ara makʉd̶e Eneas jiradusii.

Romanos 16:20

Chi dachi jirukaraayuwãe b̶uabiabarii Dachi Akõreba kãꞌãabariwãed̶e Satanás poyaaped̶a machi juad̶e b̶ui. Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

1 Corintios 12:9

Dachi Akõre Jauri ara ab̶a niiba chi nureemaa dea b̶uu poyaa ãrea ijãa panad̶amera. Maud̶e Dachi Akõre Jauri ara ab̶a niiba chi nureemaa dea b̶uu ẽpermo nuree poyaa aribiabiad̶amera.