Marcos 16:17 - Emberá Chamí

¹⁷ Chi mʉʉd̶e ijãa nureeba nau ẽbẽrarãba ne poyaa waud̶akau waud̶ai: mʉ trʉ̃d̶eeba jai kachiruarã duabʉid̶ai maud̶e bed̶ea wid̶id̶e berread̶ai.

Marcos 16:17 ပူးပေါင်းရင်းမြစ်များ

Marcos 9:38

Maud̶e Juanba Jesusmaa jarasii: —Jaradeabarii, daiba unusid̶au ẽbẽraba bichi trʉ̃d̶eeba jai kachirua duabʉikua b̶uu. Maamina ichi daid̶iwãed̶eeba daiba jarasid̶au waa maka waurãamera.

Lucas 10:17

Jesusba 70 bʉid̶a ãrea kĩrajʉʉ waya neesid̶au. Maabae ãchiba Jesusmaa naka jarasid̶au: —¡Dai Mechiu, bichi trʉ̃d̶eeba chi jai kachiruarã duabʉikasid̶aud̶e ãchi wãsid̶au daiba jaraped̶aad̶a kĩra!

Juan 14:12

Mʉʉba biawãra jaraaruu: barikiuba mʉʉd̶e ijãa b̶uubʉrã, mʉʉba wau b̶uu ichiba waui. Biawãra mʉʉba wau b̶uu audeara ichiba waui, mʉ, mʉ Chachamaa b̶uad̶e wãid̶eeba.

Hechos 16:18

Ichiba ewari ãrea maka jĩwa b̶ia nibasiid̶eeba Pablo waa ũri kʉ̃riabasii. Ichimaa ichiaped̶a chi jai kachiruamaa jarasii: —Mʉʉba Jesucristo trʉ̃d̶eeba bichimaa jaraaruu: nau ãwerad̶ebena ãyaa wãse. Ara makʉd̶e chi jai kachirua wãsii.

Hechos 19:6

Maabae Pabloba ichi jua ãchi ʉ̃rʉ kub̶usiid̶e Dachi Akõre Jauri ãchimaa neesii. Maud̶e bed̶ea didiwaraad̶e berreasid̶au maud̶e Dachi Akõre baita berreasid̶au.

Hechos 2:33

Dachi Bajãad̶ebena Akõreba ichi jua biare Jesús chi mechiu b̶usii. Maabae ichi Jauri deai jarad̶a Jesusmaa deasii ichid̶irãmaa deamera. Jesusba mau Jauri biawãra daimaa deasii. Machiba unu panuu maud̶e ũri panuu ichi Jauriba maka waubi b̶uu.

Hechos 5:16

Maud̶e Jerusalén kaita puurud̶ebenarãba ẽpermo nureerã ãrea eneebachid̶au maud̶e ãchi kakuad̶e jai kachirua nuree miru b̶ee sid̶a eneebachid̶au. Maabae maarã joma aribiabiabachid̶au.

Hechos 8:7

Ãrea ẽbẽrarã jai kachirua bara nuree aribiakuasid̶au. Mau jai kachiruarã ãchi kakuad̶ebena b̶ia wãuribachid̶au. Maud̶e ãrea b̶akara bʉʉ nuree maud̶e jʉ̃rʉ nʉka nuree aribiakuabachid̶au.

1 Corintios 12:10

Maud̶e Dachi Akõre Jauriba chi nureemaa dea b̶uu ẽbẽrarãba ne poyaa waud̶akau poyaa waud̶amera. Chi nureemaa dea b̶uu poyaa Dachi Akõre baita berread̶amera. Chi nureemaa dea b̶uu poyaa kuitaad̶amera ab̶auba Dachi Akõre Jaurid̶eeba berrea b̶uu maebʉrã jai kachiruad̶eeba berrea b̶uu. Maud̶e chi nureemaa dea b̶uu dachiba ũrid̶akau chi bed̶ea didiwaraa berread̶amera. Maud̶e chi nureemaa dea b̶uu dachiba kauwa ũrid̶akau bed̶ead̶e jarad̶a kuitaa jarad̶amera.

1 Corintios 12:28

Dachi Akõreba ãbarã tãed̶e chi Jesucristoba bʉid̶arã naa b̶usii. Mawãare ichi baita berreabadaurã b̶usii. Mawãare ichi bed̶ea jaradeabadaurã b̶usii. Mawãare waabenarã b̶usii ẽbẽrarãba ne poyaa waud̶akau poyaa waud̶amera, chi nuree b̶usii ẽpermo nuree poyaa aribiabiad̶amera, chi nuree b̶usii ãbarã aid̶ad̶amera, chi nuree b̶usii chi ãbarã tãed̶e saka waud̶ai kuitaa panad̶amera, maud̶e chi nuree b̶usii barikiu dachiba ũrid̶akau bed̶ead̶e berread̶amera.

1 Corintios 12:30

¿Dachi Akõreba jomaurãmaa deasika ẽpermo nuree poyaa aribiabiad̶amera? ¿Dachi Akõreba jomaurãmaa deasika dachiba ũrid̶akau bed̶ead̶e poyaa berread̶amera? ¿Jomaurãba dachiba ũrid̶akau bed̶ead̶e jarad̶a poyaa kuitaa jarad̶ai panuka?

1 Corintios 13:1

Mʉ nau iujãad̶ebenarã bed̶ead̶e berrearuubʉrã maud̶e ángel bed̶ead̶e berrearuubʉrã maud̶e waabenarã ẽbẽrarã kʉ̃riawẽa b̶uubʉrã, mʉ jiorr waud̶a jĩwabarii kĩra maebʉrã campana jĩwabarii kĩra nii.

1 Corintios 14:2

Chi dachiba ũrid̶akau bed̶ead̶e berrea b̶uuba ẽbẽrarãmaa berrea b̶uuwãe, ichiba jaraaruu ab̶au bid̶a kuitaa ũrid̶akaud̶eeba. Ab̶a Dachi Akõremáburu berrea b̶uu. Dachiba kauwa ũrid̶akau chi Dachi Akõre Jaurid̶eeba dachiba adua panabarii bed̶ea berrea b̶uu.