Marcos 16:14 - Emberá Chamí

¹⁴ Mau maad̶akare chi Jesús baara nibabadaurã 11 komaa panuud̶e, Jesusba ichi unubiasii. Ãchi sõ chaaread̶eeba ijãad̶aabasiid̶eeba maud̶e chi ichi chokae jiradud̶a unuped̶aad̶aba ãchimaa jarad̶a ijãad̶aabasiid̶eeba ichiba ãchi iadaasii.

Marcos 16:14 ပူးပေါင်းရင်းမြစ်များ

Mateo 11:20

Maabae Jesusba waabenarã puuru iadaad̶aka kob̶eesii. Maarã puurud̶e ichiba ẽbẽrarãba ne poyaa waud̶akau biꞌia wausmina ãchiba chi kachirua ida b̶ud̶aabasii.

Mateo 17:20

Jesusba panausii: —Machiba ãrea Dachi Akõred̶e ijãad̶awẽa panuud̶eeba poyaad̶aabasii. Mʉʉba biawãra jaraaruu: mostaza taa kaebeara kĩra machiba b̶istĩika bid̶a ijãa panuubʉrã, nau eamaa namabena ãyaa b̶uad̶e wãse a jarad̶ai. Maud̶e ea ãyaa b̶uad̶e wãi. Maka ijãa panuubʉrã machiba poyaa waud̶akau wãꞌãe.

Mateo 28:17

Ichi unusid̶aud̶e ichimaa biꞌia berreasid̶au maamina waabenarãba ãrea ijãad̶aabasii.

Marcos 7:18

Maud̶e Jesusba jarasii: —¿Machia bid̶a wabid̶a mau adua panuka? Ũrísturu: dachiba kobadauba Dachi Akõre daad̶e miadaa b̶ukau,

Lucas 24:11

Maamina maarãba chi wẽrarãba barikia berrea panuu kʉ̃risia panuud̶eeba, ijãad̶aabasii.

Lucas 24:25

Maud̶eeba Jesusba ãchimaa jarasii: ¡Joma Dachi Akõre baita berreabadaurãba jaraped̶aad̶a machiba ijãad̶ai ida b̶u panuu! ¡Machi kʉ̃risiaswãe panuu!

Juan 20:25

Maud̶eeba ichimaa jarasid̶au: —Daiba Dachi Mechiu unusid̶au. Maamina Tomasba jarasii: —Mʉ dauba ichi jua cruzd̶e jirab̶ud̶ai baita merapeped̶aad̶a unuwẽebʉrã, maud̶e mʉ jua jimid̶i chi cruzd̶e jirab̶ud̶ai baita merapeped̶aad̶ad̶e ed̶a wãwẽebʉrã, maud̶e mʉ jua ichi orrd̶e ed̶a wãwẽebʉrã, ichi chokae jiradud̶a mʉʉba ijãabai.

Juan 20:26

8 ewari bad̶akare Jesús baara nibabadaurã waya deed̶a araa ãbua duanasii. Maud̶e Tomás sid̶a b̶uasii. Maka panuud̶e chi poraa biꞌia jʉ̃a nub̶umina Jesús maka b̶uud̶e neesii. Ãchi ẽsa neeped̶a jarasii: —¡Jirukaraayuwãe duanásturu!

Juan 20:27

Maabae Tomasmaa jarasii: —Bichi jua jimid̶i nama bʉise, mʉ jua ab̶aab̶aa ichiáse, maud̶e bichi jua mʉ orrd̶e bʉise. Waa ijãawẽa b̶uarã́se, maumaarã ijãase mʉ biawãra chokae jiradusii.

Juan 21:1

Mau maad̶akare Jesusba ichi waya ichi baara nibabadaurãmaa unubisii Tiberias mar iikaa. Nakasii:

Juan 21:14

Mauba b̶es õbea ba b̶uasii Jesús chokae jiradusiid̶e ichi baara nibabadaurãmaa unubiaruu.

Hechos 1:3

Jesús biusiid̶e ãchimaa ara ichi b̶es ãrea unubiasii kuitaad̶amera ichi biawãra chokae jiradusii. Maud̶e ãchimaa jaradeabachii ichid̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Cuarenta ewari maka wausii.

1 Corintios 15:5

Chokae jiradusiid̶e Pedromaa unubisii. Mawãare ichiba 12 jʉrʉ adaud̶arãmaa unubiasii.

Apocalipsis 3:19

Chi ẽbẽrarã mʉʉba kʉ̃riakua b̶uu kastikakuabarii maud̶e bed̶ea bia ũribiabarii mʉ bed̶ea ijãad̶amera. Maud̶eeba waya mʉʉmaa nésturu biawãra mʉ baara sõd̶eeba nibad̶amera.