Marcos 15:12 - Emberá Chamí

¹² Maud̶eeba Pilatoba waya ãchimaa id̶isii: —Makarã machiba judiorã rey abadau ¿mʉʉba saka wauima?

Marcos 15:12 ပူးပေါင်းရင်းမြစ်များ

Mateo 21:5

«Sión puurud̶ebenarãmaa jarásturu: “Ichiásturu, machi Rey burro ʉ̃rʉ machimaa neeruu. Chi mechiu kĩra neewẽe. Burro cheke ʉ̃rʉ neeruu”».

Marcos 15:11

Maud̶e paare mechiurãba chi aria ãbua imi nub̶uumaa naka jarasid̶au: “Pilatomaa jarásturu Barrabásturu enatamera”.

Marcos 15:13

Maud̶e ãchiba jĩwa b̶ia jara kopaneesid̶au: —¡Cruzd̶e jirab̶u beabise!

Lucas 23:2

Maabae Jesús Pilato daad̶e naka jidea kopaneesid̶au: —Daiba ũrisid̶au nau mukĩraba dai puuru kĩrubikabi b̶uu. Mau Jesusmaarã, Romad̶ebena chi aude mechiu nii baita pebadau chi nejarra paad̶aabai b̶uu. Mau awara jara b̶uu ichi Dachi Akõreba chi Karibabarii deai jarad̶a. Mauba ichi jomaurã rey a b̶uu.

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.