Marcos 14:68 - Emberá Chamí

⁶⁸ Maud̶e Pedroba naka merasii: —Mʉʉba jãu ẽbẽra unukau. Mʉʉba adua b̶uu bichiba kãare jara b̶uu. Maka jaraped̶a Pedro de dud̶abena poraamaa wãsii. Maud̶e eterr birusii.

Marcos 14:68 ပူးပေါင်းရင်းမြစ်များ

Marcos 14:54

Pedro kaitawẽeba kaad̶e niiba chi paare mechiu de dud̶a ed̶a wãsii. Aria akʉ b̶eesii Dachi Akõre de nubadaurã baara tʉbʉchia jãkaa kãi baita.

Marcos 14:69

Mau wẽraba waya unusiid̶e, jarasii chi aria panuurãmaa: —Ichiásturu, jãu Jesús baara nibabadaurãd̶ebenabʉ.

Marcos 14:70

Pedroba maka ũriped̶a waya merasii. Kãꞌãabariwãed̶e chi aria panuuba waya Pedromaa jarasid̶au: —Biawãra bichi maarãd̶ebenabʉ. Bichi Galilead̶ebenabʉ. Jãarã kĩra berreabarii.

Marcos 14:72

Ara makʉd̶e eterr waya birusii. Ara maud̶e Pedroba kĩrabasii Jesusba jarad̶a: «Eterr b̶es ome birui naed̶e, bichiba b̶es õbea mʉ unukau ai». Mau kʉ̃risiaped̶a, Pedro jẽasii.