Marcos 14:61 - Emberá Chamí

⁶¹ Maamina Jesusba ab̶a bid̶a panaubasii; chũpea kob̶eesii. Maka b̶uud̶e, chi paare mechiuba waya Jesusmaa id̶isii: ¿Bichi Dachi Akõreba Dachi Karibabarii deai jarad̶aka? ¿Bichi Dachi Akõre chi Biꞌia nii Warrka?

Marcos 14:61 ပူးပေါင်းရင်းမြစ်များ

Mateo 16:16

Simón Pedroba panausii: —Bichi Dachi Akõreba Dachi Karibabarii deai jarad̶a, Dachi Akõre chokae b̶uu Warrbʉ.

Mateo 3:17

Bajãad̶ebena mimi ab̶a ũrisid̶au. Naka jarasii: «Nau chi mʉʉba kʉ̃ria inii. Mʉ ichi kakua ãrea kĩrajʉʉ b̶uu».

Mateo 8:29

Maud̶e Jesusmaa jĩwa b̶ia jarasid̶au: —¡Dachi Akõre Warr! ¿Sakãe dai joe b̶uma? ¿Dai biꞌiwãe panabiai ewari neei naed̶e, bichi neeruka?

Marcos 14:60

Mau ũrisiid̶e, chi paarerã mechiu jomaurã daad̶e b̶ari nub̶eeped̶a Jesusmaa id̶isii: —Chi bichi ʉ̃rʉbena kachirua jara panuu, ¿mau biawãraka? ¿Ab̶a bid̶a jarai baita wãꞌãeka?

Marcos 15:2

Pilatoba Jesusmaa id̶isii: —¿Bichi biawãra judiorã reyka? Jesusba panausii: —Maerã, ara bichiba jarasii.

Juan 1:34

Mʉʉba mau unusii. Maud̶eeba mʉʉba jara b̶uu ichi biawãra Dachi Akõre Warr».

Juan 10:24

Maka b̶uud̶e chi nuree judiorãba Jesús ad̶u orrod̶aped̶a id̶isid̶au: —Ab̶a ¿sakaed̶aa bichiba dai kʉ̃risia adua ua b̶uaima? Bichi Dachi Akõreba Dachi Karibabarii deai jarad̶abʉrã, daimaa ab̶aed̶e jarase.

Juan 10:36

¿sakãe mʉʉba ichi ʉ̃rʉbena kachirua jarasii a panuma, mʉʉba bari ichi Warr a b̶uasiid̶eeba? Dachi Akõreba mʉ ara ichi báitaburu awara b̶usii maud̶e nau iujãad̶aa bʉisii.

Juan 18:37

Maud̶eeba Pilatoba jarasii: —¿Maka b̶uubʉrã biawãra bichi ẽbẽrarã reyka? Jesusba panausii: —Maerã, bichiba maka jara kʉ̃ria b̶uubʉrã, mʉ ẽbẽrarã reybʉ. Maamina mʉ nau iujãad̶aa neesii biawãra bed̶ea jaradeai baita. Joma chi biawãrad̶e nureeba mʉ bed̶ea ijãabadau.

Juan 19:7

Maamina judiorãba panausid̶au: —Daiba Moisesba b̶ʉd̶a uru panuu. Mau Moisesba b̶ʉd̶ad̶e jara b̶uu kĩra jãu biui b̶uu ichi Dachi Akõre Warr a b̶uud̶eeba.

Juan 19:9

Maabae waya ichi de mechiud̶e ed̶a wãped̶a Jesusmaa id̶isii: —¿Bichi samabenama? Maamina Jesusba panaubasii.

Hechos 8:32

Ichiba Dachi Akõre bed̶ead̶e ed̶a jara b̶uad̶a nau basii: «Oeja beabadaumaa adoebadau kĩra ichi bead̶e adoesid̶au. Chi kara kõmaa panuud̶e oeja chũpea b̶uabarii kĩra ara mau kĩra ichi chũpea b̶uasii.

1 Timoteo 1:11

Dachiba chi Dachi Akõre ʉ̃rʉbena bed̶ea bia jaradeaduud̶e mau joma kauwa kuitaabid̶ai. Dachi Akõre bia niiba mau mʉʉmaa deasii jaradea b̶uamera.

1 Timoteo 6:15

Dachi Akõreba b̶ud̶a ewarid̶e ichi unubii. Dachi Akõréturu jomaurã Mechiu bia nii. Ichi Jomaurã Reyrã Audeara Chi Aude Mechiu Nii maud̶e Joma Chi Mechiurã Audeara Chi Aude Mechiu Nii.

1 Pedro 2:23

Ẽbẽrarãba ichi kachirua jarasid̶aud̶e ichiba ãchimaa kachirua jaraabasii. Ichi kachirua wausid̶aud̶e ichiba waya ãchi kachirua waui a jaraabasii. Maumaarã Dachi Akõreba nebʉra jipa ichiabariid̶eeba ichi kachirua wau panuu Dachi Akõre juad̶e b̶ubachii.