Marcos 13:7 - Emberá Chamí

⁷ Puuru ab̶a ab̶au puuru ome chĩobika nub̶uu ũriiduud̶e maud̶e makad̶ai ʉ̃rʉbena ũriiduud̶e, wapearã́sturu. Mau joma makai b̶uu. Maamina nau ewari wabid̶a neebai.

Marcos 13:7 ပူးပေါင်းရင်းမြစ်များ

Mateo 18:7

¡Chi waabenarãmaa nau iujãad̶ebenarã kachirua waubiabadaurã miichuburi panad̶ai! Maarã baraai, maamina chi waabenarãmaa kachirua waubiabarii miichuburi b̶uai.

Mateo 2:3

Herodesba mau bed̶ea ũrisiid̶e kĩra kachiruasii, ichíturu judiorã rey basiid̶eeba. Herodesba kãare waui adua panuud̶eeba, Jerusalend̶ebenarã joma kĩra kachirua paneesid̶au.

Marcos 13:6

Ãreaba jarad̶ai: “Mʉ Dachi Akõreba Dachi Karibabarii deai jarad̶a”. Maka ẽbẽrarã ãrea setaa kũruad̶ai.

Marcos 13:8

Drua ab̶a ab̶au drua ome chĩobika nub̶uai. Maud̶e rey ab̶a ab̶au rey ome chĩobika nub̶uai. Ioromia druacha baraai maud̶e jarrba baraai. Maamina mau joma chi naa ãrea biꞌiwãe panad̶ai, wẽra warr adauruud̶e chi naa pira kob̶eebarii kĩra.

Juan 14:1

»Jirukaraa nurearã́sturu. Chi Dachi Akõreba wauruud̶e maud̶e chi mʉʉba wauruud̶e ijã́sturu.

Juan 14:27

»Mʉʉba machi sõd̶e jirukaraayuwãe duanubiai. Maamina mʉʉba makaabai, chi nau iujãad̶ebenarãba makabadau kĩra. Maud̶eeba ãrea jirukaraarã́sturu. Wapearã́sturu.

Hechos 17:3

Ichiba arakʉd̶e jaradeabachii Dachi Akõreba Dachi Karibabarii deai jarad̶a ãrea biꞌiwãe b̶uai b̶uasii maud̶e biuped̶a chokae jiradui b̶uasii. Mau awara naka jarabachii: «Mʉʉba machimaa jara b̶uu Jesús biawãra Dachi Akõreba Dachi Karibabarii deai jarad̶abʉ».