Marcos 11:18 - Emberá Chamí

¹⁸ Mau bed̶ea ũrisid̶aud̶e paare mechiurã maud̶e Moisesba b̶ʉd̶a jaradeabadaurãba Jesús wapeasid̶au ichiba jaradea b̶uu jomaurãba biꞌia ũrisid̶aud̶eeba. Maad̶akare saka bead̶ai jʉrʉ kopaneesid̶au.

Marcos 11:18 ပူးပေါင်းရင်းမြစ်များ

Mateo 21:15

Maamina Jesusba aria ẽbẽrarãba ne poyaa waud̶akau wauruud̶e, warrarã Dachi Akõre de mechiud̶e panad̶aba Jesusmaa naka jĩwa jarasid̶au: «¡Biꞌia nii Davidd̶ebena need̶a!» Chi paare mechiurãba maud̶e Moisesba b̶ʉd̶a jaradeabadaurã bid̶a mau unusid̶aud̶e, kĩrusid̶au.

Mateo 7:28

Jesusba joma jaradeasiid̶e ẽbẽrarãba kuitaa kʉ̃risiad̶aabasii.

Marcos 1:22

Jaradea b̶uud̶e jomaurãba kuitaa kʉ̃risiad̶aabasii. Chi Moisesba b̶ʉd̶a jaradeabadaurã kĩra jaradeaka basii. Maumaarã ãrea kuitaa b̶uud̶eeba arakʉd̶e jaradea b̶uasii.

Marcos 11:32

Maamina ¿saka jarad̶aima mau ẽbẽrarãba bʉiped̶aad̶a?» Chi ẽbẽrarã wapea panasid̶au, Juan biawãra Dachi Akõre baita berreabarii basii a kʉ̃risiasid̶aud̶eeba.

Marcos 12:12

Paare mechiurãba maud̶e Moisesba b̶ʉd̶a jaradeabadaurãba kuitaasid̶au Jesusba mau nebʉrʉ b̶uud̶eeba ãchi ʉ̃rʉbena berreasii. Maud̶eeba Jesús jidau kʉ̃ria panasid̶au. Maamina Jesús jãkaa ẽbẽrarã ãrea basiid̶eeba jidaubid̶ai wapea panasid̶au. Maka mau ida apii b̶ud̶aped̶a maabae ãyaa wãsid̶au.

Marcos 3:6

Ara makʉd̶e chi fariseorã awara wãsid̶aud̶e, Herodesd̶ebenarã baara araa ãbua imid̶aped̶a, berreasid̶au saka Jesús bead̶ai baita.

Marcos 6:20

Herodesba Juan wapea b̶uasii, mau ẽbẽra jipa nii maud̶e Dachi Akõre baita nii kuitaa b̶uasiid̶eeba. Maud̶eeba Juan nu uru b̶uasii. Maud̶e Juanba jaradea b̶uu ũrii kʉ̃ria b̶uabachimina ãrea apiid̶aubachii.

Lucas 19:47

Jesusba ewaricha Dachi Akõre de mechiu dud̶a jaradea b̶uabachii. Maud̶e paare mechiurãba, Moisesba b̶ʉd̶a jaradeabadaurãba maud̶e ẽbẽrarã chi mechiurãba ichi bea kʉ̃ria panasid̶au.

Lucas 2:47

Maud̶e ãchiba id̶i panuu ichiba biꞌia panausii. Joma mau ũri panuuba kauwa kʉ̃risiad̶aabasii ichi kʉ̃risia kuitaad̶eeba panau b̶uasiid̶eeba.

Lucas 20:19

Paare mechiurãba maud̶e Moisesba b̶ʉd̶a jaradeabadaurãba kuitaasid̶au Jesusba mau nebʉrʉ b̶uud̶eeba ãchi ʉ̃rʉbena berreasii. Maud̶eeba Jesús jidau kʉ̃ria panasid̶au. Maamina puurud̶ebenarã wapea panasid̶au.

Lucas 4:22

Jomaurãba ichi ʉ̃rʉbena biꞌia berreasid̶au. Ichiba chi bia jaradea b̶uud̶eeba pera duanuu kĩra duaneesii. Ara ãchi du ab̶a jara duanasid̶au: —¿Nau José warrwãeka?

Juan 7:1

Mau maad̶akare Jesús Galilea druad̶e nibasii. Judea druad̶aa makaa wã kʉ̃riabasii judiorã mechiurãba ichi bead̶ai kʉ̃ria panasiid̶eeba.

Juan 7:19

Dachi Akõreba Moisesmaa b̶ʉbid̶a chi Moisesba machimaa deasii. Maamina machiba mau ichiba b̶ʉd̶a ijãad̶akau. ¿Sakãe machiba mʉ bea kʉ̃ria panuma?

Juan 7:46

Maud̶e chi Dachi Akõre de nubadaurãba panausid̶au: —Ab̶au bid̶a jãu ẽbẽraba berrea b̶uu kĩra berreakau.

Hechos 24:25

Maka b̶uud̶e Pabloba dachi jipa nibai ʉ̃rʉbena, kakua jipa uru b̶uai ʉ̃rʉbena maud̶e Dachi Akõreba nebʉra kastikai ewari neei ʉ̃rʉbena berreasii. Felixba mau ʉ̃rʉbena ũrisiid̶e wapeaped̶a naka jarasii: «Jãabae wãse. Mʉ bari b̶uud̶e waya bichi iui».